Numbers 31:28 - De Beebaa Dabu

²⁸ Gai e vvae gee mai i tuuhanga o denga daane hebagi dahi diba e gaavange gi Tagi Maolunga, e dahi mai i de limalau; e dee hilihili be se dangada, be se kaau, be se donkey, be se ssiibi be se guudi.

Numbers 31:28 Iomraidhean Croise

Genesis 14:20

Duuhia de Maadua Maolunga Mmao laa, go de ia ne hagaola ina goe mai i oo hagadaumee.” Gai Abram ne gaavange gi de ia tahi diba i diba e madaangahulu o mee alodahi.

1 Chronicles 18:11

Gai de hodooligi go David ne hagadabu ange goloa nei gi Tagi Maolunga, madali denga selevaa ma goolo aana ne kave mai i denga huaahenua: go Edom, ma Moab, ma de gau Ammon, ma de gau Philistia, aama Amalek.

2 Chronicles 15:11

Gai gilaadeu ga hai sigidaumaha ange gi Tagi Maolunga i de laangi laa, i e hidulau kaau daane ma e hidumano ssiibi mai i denga mee alaadeu ne mau mai i de hebagi.

Isaiah 18:7

De masavaa laa gai denga mee ngadi gaavange e gaamai naa gi Tagi o denga hagabuulinga hebagi mai i daho de gau lloa ma de malali olaadeu angaanga, ma mai i daho de gau hagamaatagu i henua mmao ma de paa mai, go de huaahenua mmahi ma de hagadee kii ina denga henua, gai delaadeu henua e vaevae i denga saalingaa vai — gilaadeu e loomai naa gi de mounga go Zion, go de mommee iai laa de ingoo o Tagi o denga hagabuulinga hebagi.

Isaiah 23:18

Gai ana mee e mau ai ma dono hagaoanga e vvae ange naa gi Tagi Maolunga. Tyre e dee maua naa i de hagabudu e doange dono lava. Gai ana mee e maua e gaavange naa e gaimee ai ma de kahu ai gilaadeu e nnoho i mada luu mada o Tagi Maolunga.

Isaiah 60:9

Ni muna abodonu, denga henua i tagudai e tali hagalodolodo mai gi de au; denga vaga o Tarshish e loomai naa i mua, ma e gaamai au dama i mommee mmao, madali alaadeu selevaa ma goolo, e hagadubu ai de ingoo o Tagi Maolunga doo Maadua, go de Ia Dabu o Israel, go hiidinga ia gu hagamahamaha goe.

Numbers 18:21

Au gu bolo ange gi de aamuli o Levi tahi diba i diba e madaangahulu mai denga sigidaumaha a de gau Israel, e hagao ai alaadeu hegau e hai i de hale malo hagabuni.

Numbers 18:26

“Basa ange hogi gi de aamuli o Levi, hai ange, ‘De masavaa naa huu oodou e kave mai ai i daho de gau Israel tahi diba i diba e madaangahulu, go doodou duuhanga aagu gu gaavadu gi goodou, gai goodou e sigidaumaha ange ai gi Tagi Maolunga tahi diba i diba e madaangahulu o mee nei.

Numbers 31:29

Gai tiba mai i delaadeu duuhanga, e gaavange gi tangada haimeedabu go Eleazar, go tiba ange gi Tagi Maolunga.

Numbers 31:30

Gai gaavee mai i tuuhanga o de gau Israel, e dahi mai i de madalima; e dee hilihili be se dangada, be se kaau, be se donkey, be se ssiibi be se guudi, aabe go hanu manu ange laa. Gai gaavange mee nei gi de aamuli o Levi, e haia laa hegau o de tabernacle o Tagi Maolunga.”

Numbers 31:47

Gai mai i tiba a de gau Israel, Moses ne kave dahi mai i de madalima dangada ma denga manu haangai, ga gaavange gi de aamuli o Levi e haia laa hegau o de tabernacle a Tagi Maolunga, bei de hai a Tagi Maolunga gu tala ange ai gi de ia.

Matthew 22:21

Gilaadeu ne hai ange gi de ia, “Niio Caesar.” Iesu ne hai ange gi gilaadeu, “Deelaa ai, gaavange gi Caesar mee a Caesar, gai gaavange gi de Maadua mee a de Maadua.”

Joshua 6:19

Aagai denga selevaa, ma goolo, ma goloa alodahi e hai i bronze ma iron gu hagadabu ange gi Tagi Maolunga; mee nei alodahi e kave gi de mommee doange o Tagi Maolunga.”

Joshua 6:24

Gai gilaadeu ga dudu de aduhale ma mee alodahi i ono lodo. Go selevaa donu huu, ma goolo, ma goloa e hai i bronze ma iron ne kave gi de mommee doange i de hale o Tagi Maolunga.

Joshua 9:27

Aagai de laangi laa gai Joshua ne hai gilaadeu gi ni dangada e duuduudia lahhie aama de asuasu vai ange gi de hagabuulingaa dangada, ma vai ange gi de mommee o ssigidaumaha a Tagi Maolunga i de mommee aana gu hili. Gai aalaa olaadeu dagodo ga dae mai ai gi anailaa nei.