Numbers 30:2 - De Beebaa Dabu

² De masavaa naa huu a tangada e hai ai dahi hagatoo donu ange gi Tagi Maolunga, aabe e hai dahi hagatoo donu bolo ia e dee hai dahi mee, gai ia e dee maua donu i de hagaahe dana hagatoo donu; ia e hai donu gi bei aana mee alodahi gu hagatoo donu ai.

Numbers 30:2 Iomraidhean Croise

De Beebaa go Job 22:27

Gai koe ga dalodalo ange gi de ia, gai ia e langona dau dangidangi, gai koe ga hagasula au mee gu hagatoo donu ai.

Psalm 116:14

Au e hagasula naa agu hagatoo donu ange gi Tagi Maolunga, i madamada o ono dangada alodahi.

Psalm 116:18

Au e hagasula naa agu hagatoo donu ange gi Tagi Maolunga, i madamada o ono dangada alodahi,

Psalm 119:106

Au gu hai dahi hagatoo donu ma gu hagasauaa, bolo au ga daohi au hagamodu heohi.

Psalm 15:3

Ia e dee hagabaubau dahi dangada gee, gai e dee hai ange de baubau gi tangada e baa ange gi de ia, aabe hagabaubau dahi dangada gee.

Psalm 22:25

Au e tuhi goe madali doo hagabuulingaa dangada; gai au e hagassula agu mee gu hagatoo donu ai i madamada olaadeu e maatagu i de goe.

Psalm 50:14

Hagaahe ange de abodonu gi de Maadua i ssigidaumaha, koe gi hagassula ina au hagatoo donu ange gi de Ia Maolunga Mmao laa,

Psalm 55:20

Dogu soa gu hai baasi ange gi ono soa donu, gai ia gu oha dana hagatoo donu hagaheloongoi.

Psalm 56:12

De Maadua, au e hagasula naa donu agu mee gu hagatoo donu adu ai gi de goe; au e gaavadu naa gi de goe ssigidaumaha e hagaahe adu ai de abodonu gi de goe.

Psalm 76:11

Haia au hagatoo donu ange gi Tagi Maolunga doo Maadua gai hagassula ina mee nei; dangada alodahi i henua e paa mai gi gaamai mee ngadi gaavange gi de Ia Hagamaatagu.

Exodus 20:7

Aude hagangadi mee ina de ingoo o Iahweh doo Maadua, go hiidinga Tagi Maolunga e hagahaisala donu tangada e hagangadi mee ina dono ingoo.

Proverbs 20:25

De ngadi hagatoo donu dahi sigidaumaha dabu, e bei ssele oou e noodia ai laa; muli mai gai tangada gu dee baba ono lodo.

Leviticus 5:4

Gai noo dahi dangada e ngadi hagatoo donu, ma de tala bolo ia e hai dahi mee baubau aabe se mee danuaa, e dee hilihili donu be se aha aana ne hagatoo donu ai, gai ia tee iloo, gai ia e haisala donu i de masavaa aana e iloo ma de donu iho.

Nahum 1:15

Galo ange diiloo honga denga mounga, dabuvae o de ia e gaamai de longo danuaa, ma de tala dagodo o de nnoho paba! Judah, haia au daonga, ma de hagassula au hagatoo donu. Go hiidinga gu deai ange dangada baubau e kage mai gi honga doo henua; gilaadeu gu daia ma gu maakau.

Numbers 21:2

Gai de gau Israel ga hai dahi hagatoo donu ange gi Tagi Maolunga, ga hai ange, “Noo koe e dugu mai gi kii gimaadeu i de gau nei, gai gimaadeu e oha donu olaadeu aduhale alodahi.”

Numbers 30:10

Gai noo dahi hahine dau bodu gu hai dahi hagatoo donu, i de masavaa oona gu noho ai i daho dono bodu,

Numbers 32:24

Goodou hagatuulia oodou aduhale e nnoho ai oodou huaabodu ma buibui o oodou ssiibi, aagai goodou haia bei oodou mee gu hagatoo donu ai.”

Matthew 23:16

E vakaa naa goodou, goodou ni dagi e dee kide, gai e hagataba, ‘Noo tangada e hagatoo donu i de temple, gai e deai donu mee e hai ai. Aagai noo tangada e hagatoo donu i denga goolo o de temple, gai ia gi hagasula ina donu dana hagatoo donu.’

Matthew 23:18

Goodou e hagataba hogi, ‘Noo tangada e basa hagatoo donu i de mommee o ssigidaumaha, gai e deai donu mee e hai ai. Aagai noo tangada e hagatoo donu i mee ngadi gaavange i honga de mommee o ssigidaumaha, gai ia gi hagasula ina donu dana hagatoo donu.’

Acts 23:12

Taiao age, gai de gau Ssuu ne hai dahi hagatoo donu, bolo gilaadeu e dee gaimee aabe unu ga dae ai gi delaadeu daa a Paul gi magau.

Acts 23:14

Gai gilaadeu ne hulo gi daho de gau haimeedabu maolunga ma denga dagi, ga hai ange, “Gimaadeu gu hai dahi hagatoo donu, bolo gimaadeu e dee gaimee donu aabe unu ga dae ai gi demaadeu daa a Paul ga magau.

Acts 23:21

Aagai koe aude haia gi bei olaadeu lodo, go hiidinga e dinohaa duumaa daane gu nnoho e daa ia gi magau. Gilaadeu gu hai dahi hagatoo donu bolo gilaadeu e dee gaimee donu, aabe e unu ga dae ai gi delaadeu daa ia gi magau. Gilaadeu gu paba donu iainei, gai e tali adu donu huu koe gi uaa ange gi delaadeu dangidangi.”

2 Corinthians 1:23

Gai au e hagahi ange de Maadua gi daalaa hagadonu, bolo au tee ahe adu gi Corinth gi dee hagadaemaha ai goodou.

Judges 11:11

Gai Jephthah ne hano madali denga daane maatua o Gilead, gai dangada ne hai ia go delaadeu dagi ma tagi o de hebagi. Gai Jephthah ne ahe ange hogi ga tala ange gi gilaadeu ana muna, i mada luu mada o Tagi Maolunga i Mizpah.

Judges 11:39

Gai dua huu luu malama laa, gai tamaa hine laa gu ahe mai gi daho dono damana, gai dono damana ga hai ia bei dana hai gu hagatoo donu ai laa. Gai tamaa hine laa tee hai bodu donu. Gai de mee nei gu se dahulinga e hai i Israel,