gi iloo ai e goodou bolo go au donu ne daalaa adu muna nei gi goodou, gai gi dee sui ai dagu hagatoo donu hagaheloongoi ange gi Levi, go Tagi o denga hagabuulinga hebagi e hagadaba.
Gai koe ga hili ange Aaron ma ana dama gi haia hegau a tangada haimeedabu; aagai noo dahi dangada gee e humai ga hagabaa mai, gai ia e daa donu gi magau.”
“Tilo, au gu vvae gee de aamuli o Levi i de gau Israel e sui ai denga dama daane madua e haanau laa i daho de gau Israel. Au gu kave de aamuli o Levi e hai gi niiagu,
