Numbers 29:1 - De Beebaa Dabu

¹ “ ‘Tahi laangi o de hidu malama, gai goodou hagabuni daumaha; goodou e dee hai ai dahi hegau daudahi. De laangi nei se laangi e ili ai denga hanga manu.

Numbers 29:1 Iomraidhean Croise

1 Chronicles 15:28

De masavaa a de gau Israel alodahi ne gaamai ai de ngavesi o de hagatoo donu hagaheloongoi a Tagi Maolunga, gai gilaadeu ne hevaalogi, ma de ili denga hanga manu, ma trumpet, ma de hagadangidangi i denga cymbal, ma harp aama lyre.

Ezra 3:6

Mai i tahi laangi o de hidu malama gai gilaadeu ne daamada de hai denga sigidaumaha dudu ange gi Tagi Maolunga. Aagai tagelo o de temple o Tagi Maolunga tigi hagadagodo.

Nehemiah 7:73

Gai de gau haimeedabu, ma de aamuli o Levi, ma de gau hagaloosi haitoga, ma de gau daahili, ma hanu mai i magavaa o dangada, ma de gau e haia hegau i de hale daumaha, ma de gau Israel alodahi ne hulo ga nnoho i olaadeu aduhale donu. Gai ga dae mai huu de hidu malama, gai de gau Israel gu nnoho i olaadeu aduhale donu.

Nehemiah 8:2

Gai tangada haimeedabu go Ezra ne gaamai de beebaa o de hainga, gi mada i mua o de hagabuulingaa daane ma haahine, aama dangada alodahi e maua laa i de hagallongo ga tonu ange aagena, i tahi laangi o de hidu malama.

Psalm 81:3

Ilihia de hanga manu i taonga o de duu de maasina i dai, ma de honu de maasina, ma de laangi o taadeu daonga.

Psalm 89:15

Tagi Maolunga, e manuuia gilaadeu gu iloo de hevaalogi ga tuhi goe, ma gilaadeu e seesee i de maalama i mada luoo mada.

Exodus 23:16

Gai koe daoa Taonga o de Hagihagi, ga gaamai huamanu e hagihagi i taamada hugadoo, mai i denga manu e doo i honga doo gelegele. Dao hogi Taonga o de Hagabudu mai o denga huamanu, i de hagaodi o de ngadau, i de masavaa e odi mai ai huamanu i lodo au veelenga.

Exodus 34:22

Gai goodou dao ina Taonga o Denga Uvigi, i de masavaa e hagihagi ai denga grain i taamada, ma Taonga o de Hagabudu i de hagaodi o de ngadau.

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

Leviticus 23:23

Gai Tagi Maolunga ne hai ange gi Moses,

Leviticus 23:7

Gai tahi laangi gai goodou hagabuni mage daumaha; goodou aude haia ai dahi hegau daudahi.

Zechariah 9:14

Gai Tagi Maolunga e hagasula mai naa i honga ono dangada, gai tao o dana mee hholu e gemo bei de uila. De Ia Aamua go Iahweh e ili naa de hanga manu; ia e hano naa e hebagi bei dagodo o ssio e humai laa i ngaage,

Numbers 28:26

“ ‘Gai de laangi oodou e hagihagi ai denga huamanu i taamada, i de masavaa oodou e hai ai ssigidaumaha o denga grain hoou ange gi Tagi Maolunga, i Taonga o denga Uvigi, gai goodou e hagabuni ga daumaha; goodou e dee hai ai dahi hegau daudahi.

Numbers 29:12

“ ‘De madaangahulu ma lima laangi o de hidu malama, gai goodou hagabuni daumaha, goodou e dee hai ai dahi hegau daudahi. Gai goodou ga hai ange taonga gi Tagi Maolunga i e hidu laangi.

Numbers 29:2

Gai goodou ga haia ssigidaumaha dudu, gai e nnamu kala ange gi Tagi Maolunga, i dahi kaau daane gauligi, ma dahi ssiibi daane, aama e hidu ssiibi daane gu dagidahi laa olaadeu ngadau, gai e deai mee baubau i olaadeu angaanga.

Numbers 29:35

Gai de valu laangi naa huu o taonga, gai goodou hagabuni mage daumaha; goodou aude haia ai dahi hegau daudahi.