Numbers 27:3 - De Beebaa Dabu

³ “Demaadeu damana ne magau i de vao; gai ia e dee se dangada madali dangada ne daudali ange laa i Korah, ga hai baasi ange ai gi Tagi Maolunga, aagai ia ne magau donu huu i hiidinga ono haisala; gai teai donu ana dama daane.

Numbers 27:3 Iomraidhean Croise

Ezekiel 18:4

Tilo, mouli o dangada alodahi ni mee mai i ogu daha, tamana ma tama niiagu hogi — gilaau ngaadahi niiagu. Tangada e haisala laa e magau donu.

Numbers 14:35

Go au, Tagi Maolunga, ne daalaa muna nei; gai au e hai ange naa donu mee nei alodahi gi de hagabuulingaa dangada baubau gu hagabuni nei ma e hagadaumee mai gi de au: gilaadeu e odi naa donu i de maakau i de vao nei.”

Numbers 16:19

Gai Korah ne hai gi loomai de hagabuulingaa dangada alodahi gi de haitoga o de hale malo hagabuni, gi hagadaumee ange ai gi luu daane laa. Gai de mahamaha o Tagi Maolunga gu hagasula ange gi de hagabuulingaa dangada laa.

Numbers 16:49

Gai ne 14,700 ange dangada ne maakau i dua o dangada ne maakau laa madali Korah.

Numbers 26:33

Gai Zelophehad tama daane a Hepher teai donu ana dama daane, ni damaa hine donu huu; gai ingoo o ana damaa hine go Mahlah, ma Noah, ma Hoglah, ma Milcah, aama Tirzah.

Numbers 27:2

Gilaadeu ne loomai gi daho Moses ma tangada haimeedabu go Eleazar, ma denga dagi, aama de hagabuulingaa dangada alodahi, i de haitoga o de hale malo hagabuni, ga hai ange,

Numbers 27:4

Gai gu aha gu deai ai laa se ingoo o demaadeu damana madali dono aamuli, go hiidinga laa ia teai sana dama daane? Vaaea mai dahi gelegele moomaadeu madali de huaabodu o demaadeu damana.”

John 8:21

Iesu ne ahe ange hogi ga hai ange gi gilaadeu, “Au gu dai hano gee mai i kinei, gai goodou ga ssala naa au, gai goodou e maakau i lodo oodou baubau. Gai de mommee oogu e hano gi aagena, gai goodou e dee maua i de loadu aagena.”

John 8:24

Au gu tala adu gi goodou bolo goodou e maakau donu i lodo oodou haisala; noo goodou e dee hagadonusia bolo go au go ia bei dagu hai gu tala, gai goodou e maakau naa donu i lodo oodou haisala.”

Romans 5:12

Deenei ai, de haisala ne humai gi henua i lalo i daho dahi dangada, gai de magau ne humai i hiidinga o de haisala; deenei de hai ne duu ange ai de magau gi dangada alodahi, go hiidinga dangada alodahi gu haisala.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Romans 6:23

Gai de hagaoanga o de haisala go de magau, gai de mee ngadi gaavange a de Maadua go de mouli e dee ngado mai i lodo o Klisdo Iesu taadeu Dagi Maolunga.