Numbers 27:23 - De Beebaa Dabu

²³ Gai ia ga dugu ange luoono lima gi ono elunga, ga hagadabu ia, bei de hai a Tagi Maolunga gu tala ange ai laa.

Numbers 27:23 Iomraidhean Croise

Numbers 27:18

Gai Tagi Maolunga ne hai ange gi Moses, “Koe gaavee Joshua tama daane a Nun, go taane e noho de Hagasaalunga ⌊o de Maadua⌋ i ono daha, gai koe ga dugua ange doo lima gi ono elunga.

Numbers 27:19

Gai koe ga hai ia gi duu i mada i mua o tangada haimeedabu go Eleazar, aama de hagabuulingaa dangada alodahi, gai koe ga hagadabu ia i madamada dangada alodahi.

Numbers 27:22

Gai Moses ne hai ga bei muna a Tagi Maolunga gu tala ange gi de ia. Ia ne kave Joshua ga hagaduu i mada i mua o tangada haimeedabu go Eleazar, aama de hagabuulingaa dangada alodahi.

Numbers 28:1

Gai Tagi Maolunga ga hai ange gi Moses,

Deuteronomy 3:21

De masavaa laa gai au ne hagamaanadu ange gi Joshua, ga hai ange, “Koe gu gidee mee alodahi a Tagi Maolunga doodou Maadua ne hai ange gi luu hodooligi laa. Gai deenei naa hogi de hai a Tagi Maolunga e hai ai, gi denga nohoanga hodooligi alodahi i de henua oodou ga hulo naa aagena.

Deuteronomy 3:28

Gai koe daalaa ange gi Joshua ana mee e hai, ma de hagammahi ange ono lodo, go hiidinga go ia e dagina de hagabuulingaa dangada nei, e hulo ai gilaadeu gi de baasi laa de vai, gai ia ga gaavange ai gi gilaadeu de henua aau e gidee naa i luoo mada.”

Deuteronomy 31:23

Gai Tagi Maolunga ne hagadabu Joshua, tama daane a Nun, ga hai ange, “Koe gi lodo mmahi ma de lo taane, go hiidinga go koe e gaavee de gau Israel gi de henua aagu gu hagatoo donu e gaavange gi gilaadeu, gai au e noho naa donu madali goe.”

Deuteronomy 34:9

Gai Joshua tama daane a Nun gu honu i de hagasaalunga o de heiangi, go hiidinga Moses ne dugu ange luoono lima gi ono elunga. Gai de gau Israel ne daudali i ana muna, bei de hai a Tagi Maolunga gu tala ange ai laa gi Moses.