Numbers 27:18 - De Beebaa Dabu

¹⁸ Gai Tagi Maolunga ne hai ange gi Moses, “Koe gaavee Joshua tama daane a Nun, go taane e noho de Hagasaalunga ⌊o de Maadua⌋ i ono daha, gai koe ga dugua ange doo lima gi ono elunga.

Numbers 27:18 Iomraidhean Croise

Genesis 41:38

Gai Pharaoh ne ssili ange gi ono dangada hai hegau, “E dahi ange nei daane adaadeu e gide bei dagodo o taane nei, se daane e dagodo de hagasaalunga o de Maadua i ono daha?”

1 Chronicles 7:27

dana dama go Nun, dana dama go Joshua.

Exodus 17:9

Gai Moses ga hai ange gi Joshua, “Hilia hanu daane ma goodou hulo hebagi ange gi de gau Amalek. Gai daiao, au e hano naa ga duu i honga tuuduu ga daohi age ai togo o de Maadua.”

Daniel 5:14

Au gu langona bolo de hagasaalunga o denga maadua e noho i oo daha, gai de maalama, ma de donu ange, aama de heiangi laumalie e dagodo i oo daha.

Numbers 11:17

Gai au e hano iho naa ga basa adu gi de goe i kilaa; gai au e kave naa hanu mahi mai i daho de Hagasaalunga i oo daha naa ga gaavange gi gilaadeu; gai gilaadeu ga bale adu ai goe ga hagauda daemaha o dangada, gi dee go koe ai donu huu e hagauda ina taemaha naa.

Numbers 13:16

Aanei ingoo o denga daane a Moses ne hai gi hulo, gi mulidagi ina de henua laa. (Gai Moses ne sui de ingoo o Hosea tama daane a Nun ga hai go Joshua.)

Numbers 13:8

mai i de aamuli o Ephraim, go Hosea tama daane a Nun;

Numbers 27:23

Gai ia ga dugu ange luoono lima gi ono elunga, ga hagadabu ia, bei de hai a Tagi Maolunga gu tala ange ai laa.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

Acts 13:3

Gai ga odi huu de masavaa olaadeu e hagahiikai ai ma de dalodalo, gai gilaadeu ga dugu ange olaadeu lima gi honga o Saul ma Barnabas ga hai gilaau gi hulo.

Acts 19:6

Gai de masavaa huu a Paul ne dugu ange ai luoono lima gi olaadeu elunga, gai de Hagasaalunga Dabu gu hano gi olaadeu elunga. Gai gilaadeu ga pasa i denga hagadaagangaa muna ma de pasa pelaabisi.

Acts 6:3

Deenei ai, denga daina, goodou hilihilia e dogohidu daane i oodou magavaa e hai hegau i de muna abodonu, gai e hoohonu i de Hagasaalunga ⌊Dabu⌋ ma de heiangi, gai gidaadeu ga dugu ange gilaadeu gi haia de hegau nei.

Acts 6:6

Gai gilaadeu ne gaamai denga daane laa gi daho de gau tala, gai gilaadeu ga dalodalo ma de dugu ange olaadeu lima gi olaadeu elunga.

Deuteronomy 1:37

Gai Tagi Maolunga ne lili hogi i de au i oodou hiidinga, ga hai mai, “Koe e dee dae hogi gi de henua laa.

Deuteronomy 3:21

De masavaa laa gai au ne hagamaanadu ange gi Joshua, ga hai ange, “Koe gu gidee mee alodahi a Tagi Maolunga doodou Maadua ne hai ange gi luu hodooligi laa. Gai deenei naa hogi de hai a Tagi Maolunga e hai ai, gi denga nohoanga hodooligi alodahi i de henua oodou ga hulo naa aagena.

Deuteronomy 3:28

Gai koe daalaa ange gi Joshua ana mee e hai, ma de hagammahi ange ono lodo, go hiidinga go ia e dagina de hagabuulingaa dangada nei, e hulo ai gilaadeu gi de baasi laa de vai, gai ia ga gaavange ai gi gilaadeu de henua aau e gidee naa i luoo mada.”

Deuteronomy 31:14

Gai Tagi Maolunga ga hai ange gi Moses, “Tilo, gu baa mai de laangi oou e magau ai. Hagahia Joshua ma gooluu loomai gi de hale malo hagabuni, gai au ga hagadabu ai ia.” Gai Moses ma Joshua ne hulo ga tuu i lo te hale malo hagabuni.

Deuteronomy 31:23

Gai Tagi Maolunga ne hagadabu Joshua, tama daane a Nun, ga hai ange, “Koe gi lodo mmahi ma de lo taane, go hiidinga go koe e gaavee de gau Israel gi de henua aagu gu hagatoo donu e gaavange gi gilaadeu, gai au e noho naa donu madali goe.”

Deuteronomy 31:3

Gai go Tagi Maolunga doodou Maadua, e hano i oodou mada i mua. Ia e daa naa ga maakau denga huaahenua i oodou mada i mua, gai goodou ga henua ai i olaadeu henua. Gai go Joshua e dagina goodou gi de baasi laa o Jordan, bei de hai a Tagi Maolunga gu tala ai.

Deuteronomy 34:9

Gai Joshua tama daane a Nun gu honu i de hagasaalunga o de heiangi, go hiidinga Moses ne dugu ange luoono lima gi ono elunga. Gai de gau Israel ne daudali i ana muna, bei de hai a Tagi Maolunga gu tala ange ai laa gi Moses.

1 Timothy 4:14

Koe gi dee hagangadi mee ina tuuhanga gu gaavadu naa gi de goe i muna pelaabisi i denga masavaa a denga dagi ne dugu adu ai olaadeu lima gi oo elunga.

1 Timothy 5:22

Aude hagamoolau gi hagadabu ina dahi dangada, aabe gi hagabuni ange gi dahi gi haisala ai. Koe gi gilimalali oo dagodo.

Hebrews 6:2

ma hainga o de babudaisi, ma de dugu ange lima gi honga o tangada, ma de mouli age o de gau maakau, ma de hagaduasala e deai laa se ngado mai.

Joshua 1:17

Gai gimaadeu e hagallongo adu naa donu hogi gi de goe, bei demaadeu hai ne hagallongo ange ai laa gi Moses i mee alodahi. Gai Tagi Maolunga doo Maadua gi noho i oo daha, bei dono hai ne noho ai laa hogi i daho Moses!

Judges 11:29

Gai de Hagasaalunga o Tagi Maolunga ne hano iho gi honga o Jephthah, gai ia ga hano laa Gilead ma de vaaenga o Manasseh ga hano ai gi Mizpah o Gilead, gai ia ne hano mai i kilaa ga hebagi ange gi de gau Ammon.

Judges 3:10

Gai de Hagasaalunga o Tagi Maolunga ga hano iho gi ono elunga, gai ia gu hai go tagi o de gau Israel; gai ia ga hano ga hebagi, gai Tagi Maolunga ne dugu ange ia gi hagadee kii ina Cushan-Rishathaim, de hodooligi o Mesopotamia; gai ia ga hagadee kii Cushan-Rishathaim.

1 Samuel 16:18

Gai dahi dama daane ne hai ange, “Tilo, au e iloo dahi dama daane a Jesse, taane Bethlehem, ia e mmau i de hagadangidangi, gai se daane mmahi ma de dau i de hebagi. Ia e heiangi i de basa, gai se daane mahamaha, gai Tagi Maolunga e noho i ono daha.”