Numbers 25:6 - De Beebaa Dabu

⁶ De masavaa laa gai dahi daane Israel ne gaamai dahi hahine Midian gi daho dono huaabodu, gai Moses ma de hagabuulingaa dangada o Israel alodahi ne gidee mee laa, i de masavaa olaadeu e nnoho ai ma e tangi i gaogao de haitoga o de hale malo hagabuni.

Numbers 25:6 Iomraidhean Croise

Genesis 37:28

Gai hanu daane hagao mee mai i Midian ne loomai laa kilaa, gai daina o Joseph ga dada age ia i lo te geelinga laa, ga hagao ange gi dangada de aamuli o Ishmael i e madalua dibaa selevaa, gai de gau laa ga kave Joseph madali gilaadeu gi Egypt.

1 Kings 11:18

Gilaadeu ne loomai i Midian ga hulo gi Paran, ga kave ai hanu daane mai i Paran madali gilaadeu, ga hulo ai gi daho de hodooligi o Egypt go Pharaoh. Gai Pharaoh ne gaavange dahi hale e noho ai Hadad, ma gai e gaimee ai ia, aama dahi alahenua.

Psalm 94:16

Goai e balea mai au e hebagi ange gi de gau baubau? Goai e hidi age e balea mai au e hai baasi ange ai gi gilaadeu e haia de baubau?

Isaiah 22:12

Gai de Ia Aamua, Tagi o denga hagabuulinga hebagi ne hagahi naa goodou i de laangi laa gi tangi ma de tangi see ma de dahi gi malali oodou biho, aama de kahu i malo daladala.

Jeremiah 3:3

Deenei ai, de langi gu daohi gi dee pala, gai gu dee pala de langi i taamada o de ngadau. Gai koe gu bei dagodo o de hine hai be se manu; koe e dee dogaa donu i au hegau hagadookaa dangada.

Jeremiah 36:23

Gai de masavaa huu a Jehudi ne dau ai ga odi e dolu be haa vaevaaenga i lo te beebaa mulo laa, gai de hodooligi ga kave de beebaa mulo laa ga duuduu i de naivi a tangada sisi, ga maga ange gi lo te ahi i de mommee o de ahi, gai de beebaa mulo laa gu vela alodahi.

Jeremiah 8:12

Gai gilaadeu e dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Deenei ai, gilaadeu e maakau naa madali gilaadeu gu maakau laa; gilaadeu e hagadee kii ina naa i de masavaa o de hagaduasala, go Tagi Maolunga e hagadaba.

Joel 2:17

De gau haimeedabu e hai hegau laa i mada luu mada o Tagi Maolunga gi tangi i magavaa o de velanda o de temple ma de mommee o ssigidaumaha. Gilaadeu gi hagataba, “Tagi Maolunga, hagaola ina oo dangada. Koe gi dee haia gi hagangadi mee ina dangada o doo boolonga, aabe gi daalaa hakadanga i daho denga huaahenua. Gai gu aha gu hagataba ai denga huaahenua, ‘I hee iai delaadeu Maadua?’ ”

Numbers 16:47

Gai Aaron ne hagassula muna a Moses, ma de savini gi magavaa o de hagabuulingaa dangada laa; aagai tilo, de mee hagamaakau laa gu daamada donu de hai i magavaa o dangada. Gai ia ga dugu ange mee maanongi gi honga maga ahi laa, ga tala ai haisala o dangada.

Numbers 22:4

Gai de gau Moab ga hai ange gi denga dagi o Midian, “De hagabuulingaa dangada nei e oha naa donu mee alodahi i odaadeu gaogao, bei de hai a dahi kaau e gai ai laa denga helii i lo te duu malaelae.” De masavaa laa gai Balak tama daane a Zippor, de hodooligi o Moab,

Numbers 31:2

“I mua doo magau, gai koe suuia ange hegau baubau a de gau Midian ne hai ange gi de gau Israel, gai muli mai gai koe ga magau ai bei oo dubuna madagidagi.”

Jude 1:13

Gilaadeu e bei dagodo o denga beau nnui o de moana, gilaadeu e hagassula age alaadeu hegau hagadookaa; gai e bei dagodo o denga heduu e silivaahea saele laa, gai gu hagadabena ange gi gilaadeu de gohu boo dangodango ga hano ai.

Judges 2:4

De masavaa huu a tangada de langi o Tagi Maolunga ne tala ange ai muna nei gi de gau Israel alodahi, gai dangada ne oo ga tangi.