Numbers 24:9 - De Beebaa Dabu

⁹ Israel e dogoduli naa bei de laiono, gai e bei de laiono hahine — goai e maua i de hhango ia? Gilaadeu e hagamanuuia ina goe, e hagamanuuia naa, gai gilaadeu e hagamalaia ina goe, e hagamalaia naa.”

Numbers 24:9 Iomraidhean Croise

Genesis 12:3

Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga.”

Genesis 27:29

Gai gi soa huaahenua e hai hegau adu gi de goe, gai denga huaahenua gi ino adu gi de goe. Gai go koe gi dagina oo daina, gai dama a doo dinana gi ino adu gi de goe. Dangada e hagamalaia ina goe gi maalaia naa, gai gilaadeu e hagamanuuia ina goe e manuuia naa.”

Genesis 49:9

Judah e bei de laiono mmahi; dagu dama, koe e bei de manu gu daa laa dahi manu ma gu gai. Ia e bei de laiono e dogoduli laa ma e noho ai, ma de laiono hahine — goai e bau ange gi de hai ia gi hidi age?

1 Kings 10:20

Gai e madaangahulu ma lua laiono e tuu i honga denga vae gaagenga e ono laa, e dagidahi laiono i luu bido o dahi vae gaagenga laa. Gai e deai ange donu se nohoanga bee nei gu hai i dahi nohoanga hodooligi ange laa.

2 Chronicles 9:18

De nohoanga laa e ono vae gaagenga iai, e dahi hogi mommee e dugu ai luu vae e hai i goolo madali de nohoanga laa, gai luu baasi o de nohoanga laa iai e lua mommee e dugu ange aagena luu lima, gai e lua laiono e tuu i luu baasi de nohoanga laa.

Esther 6:13

Gai ia ga tala ange gi dono bodu go Zeresh, ma ono soa mee alodahi gu hai ange laa gi de ia. Gai ono daane heiangi ma Zeresh ga hai ange gi de ia, “Go hiidinga Mordecai, taane ne haia naa goe ga daamada de doo gi lalo, se dangada Ssuu, koe e dee maua donu i de hai baasi ange gi de ia, aagai koe e dee maua naa donu gi kii i de ia.”

De Beebaa go Job 41:10

E deai donu se dangada mmahi e bau ange gi de hhango ange ia! Gai goai ai naa e maua i de hai baasi mai gi de au?

Psalm 122:6

Dalodalo gi dagodo de noho baba i Jerusalem: “Dangada e aaloha i de goe gi nnoho paba.

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Exodus 23:22

Aagai noo goodou e hagallongo ange gi ana muna, ga hai mee alodahi aagu e tala adu, gai au e hagadaumee ange naa gi oodou hagadaumee, ma de hai baasi ange gi gilaadeu e hai baasi adu gi goodou.

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Numbers 22:12

Gai de Maadua ga hai ange gi Balaam, “Aude hano madali gilaadeu; koe e dee hagamalaia donu hogi de huaadangada naa, i hiidinga gilaadeu gu hagamanuuia.”

Numbers 22:6

Deenei ai, au e dangidangi adu, humai hagamalaia ina gilaadeu, go hiidinga gilaadeu e mmahi ange i de au. Agu made au e maua naa i de hagadee kii gilaadeu, ga hai gilaadeu gi hulo gee mai i de henua. Au e iloo bolo tangada aau e hagamanuuia e manuuia donu, gai tangada aau e hagamalaia e malaia donu.”

Numbers 23:24

Tilo, dahi huaadangada e sula age naa bei dahi laiono hahine, gilaadeu e hiihidi age naa bei dagodo o de laiono mmahi. Ia e dee dagodo naa donu gi lalo ga dae ai gi de odi kano o de manu aana gu daa laa, ma de unu ono dodo.”

Numbers 24:10

Gai Balak gu lili mmao i Balaam. Gai ia ne paa luoono lima i hiidinga dono lili, ga hai ange gi Balaam, “Au ne aalu adu goe gi humai gi hagamalaia ina ogu hagadaumee, gai tilo, koe gu hagamanuuia gilaadeu i denga hanonga e dolu nei.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Matthew 25:45

Aagai ia e basa ange naa ga hai ange gi gilaadeu, ‘Ni muna abodonu aagu e hai adu nei gi goodou, mee alodahi oodou tee hai ange gi dahi gilaadeu e maolalo nei, gai goodou tee hai mai donu gi de au.’

Acts 9:5

Gai a Paul ne ssili ange, “Tagi Maolunga, go koe goai?” Iesu ne hai ange, “Go au donu go Iesu aau e vaivai hai naa.

Deuteronomy 30:7

Gai Tagi Maolunga doodou Maadua e gaavange naa denga hagamalaia nei alodahi gi oodou hagadaumee, ma dangada e kino i goodou ma de vaivai hai goodou.