Numbers 24:8 - De Beebaa Dabu

⁸ De Maadua ne hagassao mai ia i Egypt, gai luoono hanga e mmahi bei de kaau daane aada; ia e oha naa denga huaahenua e kino i de ia, ga hadihadi gi too dagidahi olaadeu ivi, ma de tili gilaadeu i dana mee hholu.

Numbers 24:8 Iomraidhean Croise

Psalm 2:9

Koe e dagi naa gilaadeu i togo iron, ma de hai gilaadeu gi bei denga gumedi hadu gu mahaahaa laa ma gu too dagidahi.”

Psalm 21:12

Koe e hai naa gilaadeu gi maatagu gi saavini gi hulo; i dau lui ange dau mee hholu e tili ai gilaadeu.

Psalm 45:5

Dao o dau mee hholu e kangi i de tili gi ulu gi lodo o oo hagadaumee, e de hodooligi; gai denga huaahenua gu nnoho i oo lalo.

Psalm 45:6

De Maadua, doo nohoanga e dagodo ga hano ai e dee ngado mai. De laagau o doo nohoanga hodooligi go de laagau o de hagamodu heohi.

Exodus 23:22

Aagai noo goodou e hagallongo ange gi ana muna, ga hai mee alodahi aagu e tala adu, gai au e hagadaumee ange naa gi oodou hagadaumee, ma de hai baasi ange gi gilaadeu e hai baasi adu gi goodou.

Isaiah 38:13

Au ne tali de dae mai o taiao, aagai ia ne hadihadi ogu ivi alodahi bei tagodo o de laiono, mai i de laangi ga dae ai gi de boo, gai koe e hai gi odi dogu mouli.

Jeremiah 50:17

Israel e bei dahi hagabuulingaa ssiibi e doolohia laa i de laiono ga hai gu mavaevae saele. Tangada ne holomia ia i mua go de hodooligi o Assyria; gai tangada hagaodi ne hadihadia ono ivi go Nebuchadnezzar, de hodooligi o Babylon.”

Jeremiah 50:9

Tilo, au e hai naa gi humai gi Babylon dahi hagabuulinga soa mai i denga huaahenua i ngaiho. Gai gilaadeu e hebagi ange naa gi de henua laa, gilaadeu e hagadee kii naa Babylon. Gai dao o alaadeu mee hholu e bei dagodo o denga daane hebagi e aabo i de tili, e dee ngadi aahe mai laa donu huu.

Daniel 6:24

Gai de hodooligi ga tala ga hagasauaa mee e hai, gai gilaadeu ga dagi mai denga daane ne hagabaubau ina laa Daniel ga tili ange gi lo te haonga o denga laiono, madali olaadeu bodu ma alaadeu dama. Gai olaadeu angaanga tee paa donu i tagelo o de haonga laa, gai denga laiono ga hangahanga gilaadeu ga gai ma olaadeu ivi.

Numbers 14:9

Gai goodou aude hai baasi ange gi Tagi Maolunga, be gi maatagu i dangada o de henua laa, go hiidinga e hai ngaohie donu taadeu hagadee kii gilaadeu. Gilaadeu gu deai selaadeu buibui, aagai Tagi Maolunga e noho madali gidaadeu; goodou aude maatagu i gilaadeu.”

Numbers 21:5

Gai gilaadeu ga hagadaumee ange gi de Maadua ma Moses, ga hai ange, “Gu aha gooluu gu gaamai ai nei gimaadeu i Egypt e daa gi maakau i de vao nei? E deai donu gai be ni vai i kinei! Gimaadeu gu kino gee donu i de gai denga gai baubau nei!”

Numbers 23:22

De Maadua ne hagassao mai gilaadeu i Egypt; gai ono mahi e bei mahi o de kaau daane aada.

Numbers 23:24

Tilo, dahi huaadangada e sula age naa bei dahi laiono hahine, gilaadeu e hiihidi age naa bei dagodo o de laiono mmahi. Ia e dee dagodo naa donu gi lalo ga dae ai gi de odi kano o de manu aana gu daa laa, ma de unu ono dodo.”

Matthew 2:15

Gai ia ne noho i kilaa ga dae ai gi de magau o Herod. Mee nei ne hai e hagassula ai muna a Tagi Maolunga gu tala laa i daho de pelaabisi, e hagadaba, “Au ne hagahi dagu dama daane mai i Egypt.”

Deuteronomy 32:23

Au e hagatau dua hia ange naa gi gilaadeu denga hai ngadaa; au e tili naa gilaadeu i dao o dagu mee hholu.

Deuteronomy 32:42

Au e hai naa dao o dagu mee hholu gi honu i denga dodo, gai dagu gadilaasa e duuduu naa dangada, ma de baalau i dodo o de gau maakau ma gilaadeu tee kii, aama de duuduu biho iai ngaangaaulu lloa o dagi o denga hagadaumee.”

Deuteronomy 7:1

De masavaa naa huu a Tagi Maolunga doodou Maadua, e kave ai goodou ga tae gi de henua oodou ga hulo naa e henua ai, gai ia e aau gee naa denga huaahenua e nnoho i kilaa — go de gau Heth, ma de gau Girgash, ma de gau o Amor, ma de gau Canaan, ma de gau Perez, ma de gau Hiv, aama de gau Jebus, go denga huaahenua e hidu e soa ange, ma de mmahi ange i goodou —

Joshua 2:10

Gai gimaadeu gu langona de hai a Tagi Maolunga ne hai ai ga deai vai o Tai Mmea i oodou mada i mua, i de masavaa oodou ne ssao ai i Egypt, ma doodou hai ne hai ai luu hodooligi o de gau Amor i baasi dua o Jordan, go Sihon ma Og, go luu hodooligi oodou ne oha olaau mommee.