Numbers 24:7 - De Beebaa Dabu

⁷ Denga vai e ssali mai naa i lodo alaadeu bagede; gai ana golee e doo i lodo vai lagolago, gai dono hodooligi e maolunga ange i Agag, dono nohoanga hodooligi e hagaamua naa.

Numbers 24:7 Iomraidhean Croise

2 Samuel 5:12

Gai David gu donu iho bolo Tagi Maolunga gu hili ange ia gi hodooligi i Israel, ma de hai gi maolunga dono nohoanga hodooligi, i hiidinga o ono dangada go de gau Israel.

1 Kings 4:21

Gai Solomon ne dagi denga nohoanga hodooligi mai i ssaalingaa vai go Euphrates ga dae ai gi de henua o de gau Philistia ma de henua go Egypt. Gai dangada o denga henua laa ne hagao ange taagisese gi Solomon, ma de hai hegau ange gi de ia i taulooloa dono mouli.

1 Kings 5:1

De masavaa laa gai Hiram, de hodooligi o Tyre, ne hai gi loomai hanu ono dangada hai hegau gi daho Solomon, i de masavaa aana ne langona ai, bolo dangada gu hagadabu Solomon gi hodooligi i tuulanga o dono damana; go hiidinga ia se soa hagamogomogo niio David, i dahi masavaa daulooloa.

1 Chronicles 14:2

Gai David gu donu iho bolo Tagi Maolunga gu hagasula ia gi hodooligi i honga Israel, gai dono nohoanga hodooligi gu hagamaolunga, i hiidinga o ono dangada go de gau Israel.

Ezra 4:20

Gai ne hanu hogi hodooligi mmahi e dagina Jerusalem, ma de mommee alodahi i baasi dai o Euphrates, gai denga taagisese, ma mee e daohi age, aama taagisese o denga goloa, e hagao ange gi gilaadeu.

Esther 3:1

Dua huu mee nei, gai de hodooligi go Ahasuerus ga hili ange Haman, tama daane a Hammedatha, taane Agag, gi dahi duulanga maolunga, gai de hodooligi ne hai ia gi maolunga ange i de gau aamua ange laa.

Psalm 18:43

Koe gu hagaola mai au i gilaadeu e hai baasi mai gi de au. Koe gu hai au go tagi o denga huaahenua; dangada aagu e dee iloo gu hai hegau mai gi de au.

Psalm 68:26

Hagadegi ina de Maadua i lo te hagabuulinga laumalie, hagadegi ina Tagi Maolunga, goodou de hagabuulinga o de gau Israel.

Psalm 72:11

Denga hodooligi alodahi gi ino gi lalo i ono mada i mua, denga huaahenua alodahi gi hai hegau ange gi de ia.

Psalm 89:27

Gai au e hai naa ia go dagu dama madua, gai go de hodooligi e maolunga hugadoo i henua i lalo.

Isaiah 2:2

Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

Isaiah 30:25

De laangi naa huu o de hebagi e daia ai laa dangada soa, ma de maoha ai de hale dagitilo maolunga, gai honga denga mounga ma duuduu maolunga iai naa denga mommee e ssali ai vai.

Isaiah 48:1

Dangada o Jacob, goodou hagalaangona muna nei, go goodou gu hagaingoo ange go Israel, gai ne hagadili i daho Judah, goodou e hagatoo donu i de ingoo o Tagi Maolunga, ma de dagudagu de Maadua o Israel, aagai e dee se muna abodonu aabe e hai i de heohi.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Jeremiah 51:13

Goodou e nnoho i gaogao denga vai lagolago, gai ni dangada lava, gu dae mai doodou laangi e maakau ai, gai oodou mouli e modu naa bei taula.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Numbers 24:20

Gai ga gidee huu e Balaam de gau Amalek, gai ia ne basa, ga hagadaba, “Amalek go tahi i magavaa o denga huaahenua i taamada, aagai e oha naa donu i de hagaodi.”

John 1:49

Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 17:1

Gai dahi i magavaa o denga dangada de langi dogohidu ne gaavee laa denga boolo e hidu laa ne humai ga hai mai gi de au, “Humai, gai au ga hagaago adu gi de goe de hai e hagaduasala ai de hine hai be se manu, e noho laa i honga vai lagolago.

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.