Numbers 24:10 - De Beebaa Dabu

¹⁰ Gai Balak gu lili mmao i Balaam. Gai ia ne paa luoono lima i hiidinga dono lili, ga hai ange gi Balaam, “Au ne aalu adu goe gi humai gi hagamalaia ina ogu hagadaumee, gai tilo, koe gu hagamanuuia gilaadeu i denga hanonga e dolu nei.

Numbers 24:10 Iomraidhean Croise

Nehemiah 13:2

go hiidinga gilaadeu tee loomai e hedae ange gi de gau Israel ma de gaamai gai ma vai gi gilaadeu, aagai gilaadeu ne hagao ange Balaam gi hagamalaia ina de gau Israel. (Gai taadeu Maadua ne sui de malaia laa gi se manuuia.)

De Beebaa go Job 27:23

De madangi e baabaa naa luoono lima ga doo mee i de ia, ma de hagavogivogi hagammae manava ga dugi ia gi hano gee i dono mommee.

Ezekiel 21:14

Deenei ai, tama a tangada, basa pelaabisi, ma de baabaa luoo lima. Gai de gadilaasa gi daia i e lua hanonga, aabe e dolu hanonga. De gadilaasa se mee e daia gi maakau dangada, se gadilaasa e daa ai dangada soa, ma de duuli gilaadeu i denga baasi alodahi.

Ezekiel 21:17

Au e baabaa naa hogi luoogu lima, gai dogu bole e ui naa; go au donu go Iahweh ne hagadaba.”

Ezekiel 22:13

Tilo, au e hagaili naa goodou, i hiidinga oodou mee lagolago ne mau i hegau dee heohi, aama dangada soa oodou ne daa ga maakau i oodou magavaa.

Numbers 22:11

‘Tilo, dahi huaadangada soa mmao gu ssao mai i Egypt, gilaadeu e hhao dahi mommee laumalie i honga de henua. Deenei ai, humai hagamalaia ina gilaadeu; kana adu au e maua naa i de hagadee kii gilaadeu, ga hai gilaadeu gi hulo gee mai i de henua.’ ”

Numbers 22:17

go hiidinga au e hagao adu donu goe i dahi hagaoanga laumalie, ma de hai mee alodahi aau e tala mai au gi haia. Humai hagamalaia ina de huaadangada nei.”

Numbers 22:6

Deenei ai, au e dangidangi adu, humai hagamalaia ina gilaadeu, go hiidinga gilaadeu e mmahi ange i de au. Agu made au e maua naa i de hagadee kii gilaadeu, ga hai gilaadeu gi hulo gee mai i de henua. Au e iloo bolo tangada aau e hagamanuuia e manuuia donu, gai tangada aau e hagamalaia e malaia donu.”

Numbers 23:11

Gai Balak ga hai ange gi Balaam, “Se hegau bee hee aau gu hai mai nei gi de au? Au ne gaamai goe gi hagamalaia ina ogu hagadaumee, gai koe tee hagamalaia, aagai ne hagamanuuia gilaadeu!”

Numbers 24:11

Deenei ai, hagamoolau ahe gi doo henua. Au ne hai adu bolo au e hagao adu goe, aagai Tagi Maolunga gu hai gi deai soo hagaoanga.”

Numbers 24:9

Israel e dogoduli naa bei de laiono, gai e bei de laiono hahine — goai e maua i de hhango ia? Gilaadeu e hagamanuuia ina goe, e hagamanuuia naa, gai gilaadeu e hagamalaia ina goe, e hagamalaia naa.”

Acts 11:10

E dolu hanonga ne hai ai de mee nei, gai gu hagaahe age gi de langi de mee laa.

Deuteronomy 23:6

Goodou e dee hai dahi hagatoo donu hagaheloongoi e bale ange ai gilaadeu i taulooloa oodou mouli.