Numbers 23:24 - De Beebaa Dabu

²⁴ Tilo, dahi huaadangada e sula age naa bei dahi laiono hahine, gilaadeu e hiihidi age naa bei dagodo o de laiono mmahi. Ia e dee dagodo naa donu gi lalo ga dae ai gi de odi kano o de manu aana gu daa laa, ma de unu ono dodo.”

Numbers 23:24 Iomraidhean Croise

Genesis 49:27

Benjamin se wolf alasala, ia e daa ga gai dahi manu i taiao, gai e vaevae mee aana e mau i de ahiahi.”

Genesis 49:9

Judah e bei de laiono mmahi; dagu dama, koe e bei de manu gu daa laa dahi manu ma gu gai. Ia e bei de laiono e dogoduli laa ma e noho ai, ma de laiono hahine — goai e bau ange gi de hai ia gi hidi age?

1 Kings 10:20

Gai e madaangahulu ma lua laiono e tuu i honga denga vae gaagenga e ono laa, e dagidahi laiono i luu bido o dahi vae gaagenga laa. Gai e deai ange donu se nohoanga bee nei gu hai i dahi nohoanga hodooligi ange laa.

2 Chronicles 9:18

De nohoanga laa e ono vae gaagenga iai, e dahi hogi mommee e dugu ai luu vae e hai i goolo madali de nohoanga laa, gai luu baasi o de nohoanga laa iai e lua mommee e dugu ange aagena luu lima, gai e lua laiono e tuu i luu baasi de nohoanga laa.

Psalm 17:12

Gilaadeu e bei dagodo o de laiono hiigai e gaina laa dahi manu, ma de laiono mmahi e noho laa ma e dagitilo i lodo mee muimui.

Proverbs 30:30

go de laiono, e mmahi ange laa i denga manu aada alodahi, e deai se mee daudahi oona e madagu ai;

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Amos 3:8

De laiono gu haganngolo — gai goai naa e dee madagu? De Ia Aamua go Iahweh gu basa — gai goai naa e maua i tee basa pelaabisi?

Nahum 2:11

I hee iai de hale o denga laiono, go de mommee alaadeu e haangai ai alaadeu dama, gai go de mommee o de laiono daane ma de laiono hahine e hulo aagena, madali denga dama, gai gilaadeu e dee maatagu?

Nahum 2:12

De laiono daane e oha kano e gaimee ai ana dama gai gu daa dahi manu e gaimee ai de laiono hahine; gai e hhao lo tono hale i manu aana ne daa ga maakau gai e hhao ono haonga i manu aana ne mau.

Zechariah 12:6

De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.

Numbers 23:25

Gai Balak ga hai ange gi Balaam, “Aude hagamalaia ina donu aabe e hagamanuuia gilaadeu!”

Numbers 24:17

Au e gidee ia, gai e dee go iainei; au e daumada ia, aagai ia tigi baa mai. Dahi heduu e sobo age naa i daho Jacob, dahi laagau hodooligi e sula age naa i Israel; ga dagahi gi bala de biho o Moab, ma de ngadi biho o hagadiilinga o Sheth.

Deuteronomy 33:20

Ia ne tala dagodo o Gad, ga hagadaba, “Duuhia de ia e hagalaumalie ina de henua o Gad! Gad e noho i kilaa bei de laiono, gai ia e hhagi naa dahi lima aabe go de biho.

Revelation 5:5

Gai dahi i magavaa o denga daane maatua e dinolua ma dogohaa laa ne hai mai gi de au, “Aude dangi! Tilo, de laiono o de aamuli o Judah, go de Uli o David, ia gu kii, deelaa ai, ia e maua donu i de oha mee hagamakaga e hidu ma de hhuge de beebaa mulo laa.”