Numbers 22:5 - De Beebaa Dabu

⁵ ne hai gi hulo hanu dangada hagailoo gi daho Balaam, tama daane a Beor i Pethor, se mommee e baa ange gi ssaalingaa vai go Euphrates, i dono henua donu, gi hagahia ia, gi hai ange, “Tilo, dahi huaadangada ssoa gu ssao mai i Egypt; gilaadeu gu hhao dahi mommee laumalie i honga de henua, gai gilaadeu gu loomai ma gu nnoho i ogu gaogao.

Numbers 22:5 Iomraidhean Croise

Genesis 13:16

Gai au e hai naa oo hagadiilinga gi soa bei de lagolago o gelegele o de henua, gai noo e maua i de dau denga gelegele o de henua, gai e maua naa hogi i de dau de soa o doo hagadiilinga.

Psalm 105:24

Gai Tagi Maolunga ne hai ono dangada gi hagadili gi soa mmao, gai gilaadeu gu mmahi ange i olaadeu hagadaumee.

Exodus 10:15

Gai denga itebuubuu ne loomai ga hhao honga de gelegele o de henua alodahi, ga hai gu honga de henua. Gai gilaadeu ga gai manu ssomo alodahi tee oohaa i denga duudangaa haisi — go mee alodahi e ssomo i honga de gelegele ma olaadeu hua. Gu deai donu hua aabe ni lau i denga manu ssomo nnui aama manu ssomo vaaligiligi i de henua alodahi o Egypt.

Micah 6:5

Ogu dangada, goodou manadua hagasaele a de hodooligi o Moab go Balak, gai aahee muna a Balaam tama daane a Beor ne basa ange ai; manadua mee ne hai i doodou loomai i Shittim gi Gilgal, gai gi iloo ai e goodou dagodo hegau heohi a Tagi Maolunga!”

Numbers 23:7

Gai Balaam ga basa pelaabisi, ga hai ange, “Balak ne aalu adu ga gaamai au i Syria, de hodooligi o Moab ne gaamai au i de mommee iai mounga i baasi dua: ‘Humai balea mai au hagamalaia ina ai Jacob; humai, hagabaubau ina Israel!’

Numbers 31:8

Gilaadeu ne daa hogi denga hodooligi e dogolima o Midian, madali de gau ange laa: go Evi, ma Rekem, ma Zur, ma Hur, aama Reba. Gilaadeu ne daa hogi Balaam, tama daane a Beor i de gadilaasa.

Deuteronomy 23:4

Go hiidinga gilaadeu tee loomai e hedae adu gi goodou, ma de gaamai hanu pelaoaa be ni vai, i de masavaa oodou ne loomai ai i Egypt, aagai gilaadeu ne hagao ange Balaam, tama daane a Beor, taane Pethor i Mesopotamia, ia gi humai gi hagamalaia ina goodou.

Deuteronomy 23:5

Aagai Tagi Maolunga doodou Maadua tee hai gi bei lodo o Balaam, aagai ia ne sui de hagamalaia laa ga hai gi se hagamanuuia niiodou, i hiidinga Tagi Maolunga doodou Maadua e aloha i goodou.

Joshua 13:22

Gai de gau Israel ne daa ga magau Balaam, tama daane a Beor i de gadilaasa madali de gau nei, ia se daane hai huuhuaa mee.

Joshua 24:9

Gai Balak, tama a Zippor, de hodooligi o Moab, ne hidi age e hebagi ange gi Israel, gai ia ga aalu ga hagahi Balaam, tama a Beor gi humai gi hagamalaia ina goodou.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

Revelation 2:14

Aagai e hanu agu momo mee e hagasee ai goe: e hanu dangada i oodou magavaa e daohi agoago a Balaam, taane ne agoagona ange Balak gi haia gi haisala de gau Israel, gai gi gaina ai e gilaadeu mee gu sigidaumaha ange gi denga diinonga, aama de hai denga dahulinga hai be se manu.