Numbers 21:7 - De Beebaa Dabu

⁷ Gai dangada ga loomai gi daho Moses, ga hai ange, “Gimaadeu gu haisala, i hiidinga gimaadeu gu hagadaumee adu gi gooluu ma Tagi Maolunga. Dangidangi ange gi Tagi Maolunga, ia gi gaavee gee denga labodo hagammau nei i omaadeu daha.” Gai Moses ga dalodalo i hiidinga o dangada.

Numbers 21:7 Iomraidhean Croise

Genesis 20:17

Gai Abraham ga dalodalo i Abimelek, gai de Maadua ga hagaieiangi Abimelek ma dono bodu ma ono haahine hai hegau, gai gilaadeu gu aahe ange gu haanau;

Genesis 20:7

Gai koe hagaahea ange de bodu o taane naa, go hiidinga ia se pelaabisi, gai ia ga dalodalo ai i de goe, gi dee magau ai goe. Aagai noo koe e dee hagaahe ange dono bodu, gai koe gi iloo bolo goodou ma dangada alodahi i doo hale e maakau donu.”

1 Kings 13:6

Gai de hodooligi ne hai ange gi taane o de Maadua, “Dangidangi ange gi Tagi Maolunga doo Maadua ia gi abodonu mai gi de au; dalodalo gi ieiangi ai dogu lima.” Gai taane o de Maadua ga dangidangi ange gi Tagi Maolunga, gai de lima o de hodooligi gu ieiangi, gu ahe ange ga bei ono dagodo i mua.

2 Kings 13:4

Gai Jehoahaz ne dangidangi ange gi Tagi Maolunga, gai Tagi Maolunga ga hagallongo ange gi dana dangidangi, go hiidinga ia gu gidee tuasala o de gau Israel, ma de vaivai hai a de hodooligi o Syria gilaadeu.

De Beebaa go Job 42:10

Gai dua huu de dalodalo o Job i ono soa, gai Tagi Maolunga ga ahe ange ga hai gu kii ange dono lava.

De Beebaa go Job 42:8

Deenei ai, goodou gaavee e hidu kaau daane ma e hidu ssiibi daane, mage hulo ai gi daho dogu dangada hai hegau go Job, gai ia ga hai ai dahi sigidaumaha dudu e tala ai oodou haisala. Gai dogu dangada hai hegau go Job ga dalodalo i oodou hiidinga. Gai au e hagallongo naa dana dalodalo, gi dee hagaduasala ina ai e au goodou gi bei dagodo o oodou baubau, go hiidinga tee heohi doodou hai ne tala ai ogu dagodo, bei de hai a dogu dangada hai hegau go Job ne tala ai laa.”

Psalm 106:23

Gai ia ne hagadaba bolo e daa gilaadeu gi maakau; aagai Moses, dana daane ne hili, ne dangidangi i olaadeu hiidinga i ono mada i mua, ga hai ia gi dee daia gilaadeu gi maakau i dono bole.

Psalm 78:34

Ga daia huu e ia hanu gilaadeu ga maakau, gai gilaadeu ga aahe mai gi de ia, ga daahuli olaadeu lodo ga ssala de Maadua.

Exodus 10:17

Gai au e dangidangi adu gooluu gi degi mai gi ogu haisala i de hanonga nei, mage dangidangi ange gi Tagi Maolunga doodou Maadua gi gaavee gee de mee hagamaakau nei mai i ogu daha.”

Exodus 32:11

Aagai Moses ne dangidangi ange gi Tagi Maolunga dono Maadua, ga hai ange, “Tagi Maolunga, gu aha gu kona ai naa doo lili i doo huaadangada, aau ne hagassao mai laa i de henua go Egypt, i denga sauaa maolunga ma doo lima mmahi?

Exodus 32:30

De laangi i ono dua, gai Moses ga hai ange gi dangada, “Goodou gu hai dahi baubau laumalie mmao. Gai au ga hanage nei gi daho Tagi Maolunga e tilo be au e maua i de tala oodou haisala.”

Exodus 8:28

Gai Pharaoh ga hai ange, “Au e dugu adu goodou gi hulo gi haia doodou sigidaumaha ange gi Tagi Maolunga doodou Maadua i de vao, gai goodou e dee hulo gi mmao. Gai goodou dalodalo hogi i de au.”

Exodus 8:4

Denga kailu e llele age naa gi honga doo henua ma honga oo dangada aama honga oo dagi alodahi.’ ”

Exodus 8:8

Gai Pharaoh ne hagahi Moses ma Aaron, ga hai ange, “Dangidangi ange gi Tagi Maolunga ia gi haia gi hulo gee denga kailu mai i ogu daha ma daho dogu huaadangada, gai au ga dugu dangada gi hulo gi haia alaadeu sigidaumaha ange gi Tagi Maolunga.”

Isaiah 26:16

Tagi Maolunga, gilaadeu ne ssala goe i delaadeu duasala; dau masavaa ne haele ai gilaadeu, gai gilaadeu ne dalodalo adu gi de goe.

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Jeremiah 37:3

Gai de hodooligi go Zedekiah ne hai Jehucal tama daane a Shelemiah, ma tangada haimeedabu go Zephaniah, tama daane a Maaseiah, gi hulo gi daho de pelaabisi go Jeremiah, gi hai ange, “Dangidangi ange gi Tagi Maolunga, taadeu Maadua i omaadeu hiidinga.”

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Numbers 11:2

Gai dangada ga tangi ange gi Moses; gai Moses ga dalodalo ange gi Tagi Maolunga, gai de ahi laa gu made.

Matthew 27:4

ga hai ange, “Au gu haisala i dagu gaavange tangada e deai ono haisala e daa gi magau.” Gilaadeu ne hai ange gi de ia, “Gai ni aha amaadeu e hai ai? Diiloo be dee hee dau hai e hai ai!”

Acts 8:24

Gai Simon ga hai ange gi Peter, “Dalodalo ange gi Tagi Maolunga i ogu hiidinga gi dee tuu mai ai gi de au mee aau gu tala naa.”

Romans 10:1

Denga daina, dogu lodo donu ma dagu dalodalo ange gi de Maadua, i hiidinga o dangada o Israel, deenei: gilaadeu gi hagamouli.

Deuteronomy 9:20

Gai Tagi Maolunga ne kona hogi dono lili i Aaron ga dai daa ia ga magau. Deelaa ai, au ne dalodalo hogi i ono hiidinga i de masavaa laa.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

1 Samuel 15:24

Gai a Saul ne hai ange gi Samuel, “Au gu haisala, gai au gu hagahaisala muna a Tagi Maolunga aama au muna, i hiidinga au ne madagu i denga daane hebagi, gai au ga hagallongo ange gi gilaadeu.

1 Samuel 15:30

Gai a Saul ga hai ange, “Ni muna abodonu au gu haisala. Gai koe hagadubu ina donu huu au i madamada o denga dagi o dangada ma de gau Israel alodahi. Ahe mai madali au, gai au ga daumaha ange ai gi Tagi Maolunga doo Maadua.”