Numbers 21:34 - De Beebaa Dabu

³⁴ Aagai Tagi Maolunga ga hai ange gi Moses, “Aude madagu i de ia; i hiidinga au e dugu adu ia koe gi hagadee kii ina, madali ono daane alodahi aama dono henua. Gai koe ga hai ia bei dau hai ne hai ai laa de hodooligi o de gau Amor, go taane nogo hodooligi laa i Heshbon.”

Numbers 21:34 Iomraidhean Croise

2 Samuel 5:19

Gai David ne ssili ange gi Tagi Maolunga, “Ga hano au e hebagi ange gi de gau Philistia? Koe e dugu mai au gi hagadee kii ina gilaadeu?” Gai Tagi Maolunga ga hai ange gi de ia, “Hannoo, gai au e dugu adu naa goe gi hagadee kii ina de gau Philistia.”

1 Kings 20:13

Gai tilo, dahi pelaabisi ne humai gi daho Ahab, de hodooligi o Israel, ga hai ange, “E hagadaba Tagi Maolunga, ‘Koe gu gidee naa de hagabuulinga hebagi soa laa? Tilo, au e dugu adu naa koe gi hagadee kii ina gilaadeu ailaa nei, gi iloo ai e goodou bolo go au donu go Iahweh.’ ”

1 Kings 20:28

Gai dahi daane o de Maadua ne humai gi daho de hodooligi o Israel, ga hai ange, “E hagadaba Tagi Maolunga, ‘Go hiidinga de gau Syria e maanadu bolo au se maadua niio denga mounga, gai e dee se maadua niio denga mommee soe, deelaa ai, au e dugu adu naa goe gi hagadee kii ina de hagabuulinga hebagi soa nei, gi iloo ai e goodou bolo go au donu go Iahweh.’ ”

2 Kings 3:18

De mee nei se mee hai ngaohie donu i daho Tagi Maolunga; ia e dugu adu naa goodou gi hagadee kii ina Moab.

Isaiah 41:13

Go hiidinga go au donu go Iahweh, doo Maadua, au e poo naa doo lima madau, ma de ga hai adu gi de goe, “Aude madagu, go au donu e balea adu goe.”

Numbers 14:9

Gai goodou aude hai baasi ange gi Tagi Maolunga, be gi maatagu i dangada o de henua laa, go hiidinga e hai ngaohie donu taadeu hagadee kii gilaadeu. Gilaadeu gu deai selaadeu buibui, aagai Tagi Maolunga e noho madali gidaadeu; goodou aude maatagu i gilaadeu.”

Numbers 32:4

go de henua a Tagi Maolunga ne bale ange de gau Israel ga hagadee kii — se mommee e danuaa i de haangai ai denga manu, gai gimaadeu, oo dangada hai hegau, gu lagolago amaadeu manu haangai.”

Deuteronomy 2:30

Gai Sihon, e hodooligi i Heshbon, tee lodo e dugu mai gidaadeu gi seesee laa honga dono henua, go hiidinga Tagi Maolunga doodou Maadua gu hagamakaga ono lodo, gai ia ga dugu adu ai goodou gi daia ia, bei doodou hai gu gidee ai naa anailaa nei.

Deuteronomy 20:3

gai ia gi hai ange gi gilaadeu, “Israel, nnoho mai hagalaangona, ailaa nei goodou ga hulo nei e hebagi ange gi oodou hagadaumee. Goodou aude manavasaa oodou lodo be e maatagu, aabe gi bolebole i doodou maatagu i gilaadeu,

Deuteronomy 3:1

Gai de masavaa odaadeu ne seesee ai i de haiava e hulo gi Bashan, gai Og de hodooligi o Bashan ma dono hagabuulinga hebagi ne loomai e hebagi mai gi gidaadeu i Edrei.

Deuteronomy 3:11

(Gai go Og de hodooligi o Bashan donu huu e doe i de gau Repha. Dono moenga ne hai i iron, e siva sugilima de looloa gai e haa sugilima de lahalaha, i haidenga o de masavaa laa. Gai dono moenga goi dagodo donu huu i Rabbah o de gau Ammon.)

Deuteronomy 31:6

Gai goodou gi lodo mmahi ma de lo taane, goodou gi dee manavasaa oodou lodo, aabe gi maatagu i gilaadeu, go hiidinga Tagi Maolunga e hano madali goodou; ia e dee hano gee naa donu i oodou daha aabe tili goodou.”

Deuteronomy 7:17

Gai noo goodou e hagataba i oodou lodo, “Denga huaahenua nei alodahi e soa ange i gimaadeu; dee hee demaadeu hai e hagadee kii ai gilaadeu ga kave olaadeu henua?”,

Deuteronomy 7:18

goodou aude maatagu i gilaadeu, gai goodou manadua mee a Tagi Maolunga doodou Maadua ne hai ange gi Pharaoh ma dangada alodahi o Egypt.

Deuteronomy 7:21

Goodou aude maatagu donu i gilaadeu, go hiidinga Tagi Maolunga doodou Maadua e noho i oodou daha, gai ia se Maadua maolunga ma de hagamaatagu.

Deuteronomy 7:24

Gai ia e dugu adu naa hogi olaadeu hodooligi goodou gi hagadee kii ina, gai e deai naa dangada e manadua olaadeu ingoo i henua i lalo. Gai e deai naa hogi se gilaadeu e maua gi kii i goodou, gai goodou e daa naa gilaadeu ga odi.

Joshua 10:25

Gai Joshua ga hai ange gi gilaadeu, “Goodou aude maatagu gai gi dee manavasaa oodou lodo, aagai goodou gi hagammahi ma de lo taane, go hiidinga deenei donu de hai a Tagi Maolunga e hai ai oodou hagadaumee alodahi e hebagi ange aagena.”

Joshua 10:8

Gai Tagi Maolunga ga hai ange gi Joshua, “Aude madagu i gilaadeu, go hiidinga au e dugu adu donu koe gi hagadee kii ina gilaadeu; gai e deai naa donu se gilaadeu e bau adu gi de goe.”

Joshua 8:7

gai goodou ga hiihidi mai i de mommee oodou e mmuni ai laa ga hagadee kii de aduhale. Gai Tagi Maolunga e dugu adu naa donu de aduhale nei gi goodou.

Judges 11:30

Gai Jephthah ne hai dahi hagatoo donu ange gi Tagi Maolunga, ga hai ange, “Noo koe e hai gi kii au i de gau Ammon,

1 Samuel 23:4

Gai David ne ahe ange ga ssili gi iloo i daho Tagi Maolunga i de lua hanonga. Gai Tagi Maolunga ga hai ange gi de ia, “Hidi age, hannoo gi Keilah; go hiidinga au e dugu adu donu goe gi hagadee kii ina de gau Philistia.”