Numbers 21:33 - De Beebaa Dabu

³³ Dua mee nei gai gilaadeu ne loage i de haiava e hano laa gi Bashan; gai Og de hodooligi o Bashan ma ono daane hebagi, ne loomai e hebagi ange gi gilaadeu i Edrei.

Numbers 21:33 Iomraidhean Croise

Psalm 135:11

go Sihon, de hodooligi o de gau Amor, ma Og, de hodooligi o Bashan, aama denga nohoanga hodooligi alodahi o Canaan,

Psalm 136:20

ma Og, de hodooligi o Bashan, Dono abodonu e dagodo ga hano ai.

Psalm 22:12

Denga kaau lagolago e duuli luoogu baasi; denga kaau mmahi o Bashan e duuli au;

Psalm 68:15

De mounga o de Maadua e bei denga mounga o Bashan; gai mounga o Bashan e lagolago ono ulu!

Psalm 68:22

De Ia Aamua e hagadaba, “Au e hagaahe mai naa gilaadeu mai i Bashan, au e hagaahe age naa gilaadeu i lo te moana gelo,

Isaiah 33:9

De henua gu hagaaloha ono dagodo ma de ngadi dagodo, Lebanon gu dogaa gai gu mmae; Sharon gu bei dagodo o de vao, gai Bashan ma Carmel gu bei denga manu ssomo gu malili laa olaadeu lau.

Ezekiel 27:6

Gilaadeu ne hai oo hoe i laagau o denga oak mai i Bashan; gai ne hai doo deege i laagau o denga pine mai i mommee i tagudai o Cyprus, gai ne hagalaagii goe i denga ivory.

Ezekiel 39:18

Goodou e gai naa kano o denga daane dau o de hebagi, ma de unu dodo o denga dagi o henua i lalo — e dagodo be go dodo o denga ssiibi daane, ma ssiibi gauligi, ma guudi, aama denga kaau daane, gilaadeu alodahi ni manu gu haangai ma gu pedi mai i Bashan.

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Numbers 32:33

Gai Moses ne gaavange gi de aamuli o Gad, ma de aamuli o Reuben, aama dahi luu baasi de aamuli o Manasseh, tama daane a Joseph, de henua o Sihon, de hodooligi o de gau Amor, ma de henua o Og, de hodooligi o Bashan — go de henua alodahi ma ono aduhale, aama mommee alodahi i luu baasi.

Deuteronomy 1:4

Mee nei ne hai i dua delaadeu hagadee kii Sihon, de hodooligi o de gau Amor, e noho laa i Heshbon, aama Og de hodooligi o Bashan, e noho laa i Ashtaroth ma Edrei.

Deuteronomy 2:30

Gai Sihon, e hodooligi i Heshbon, tee lodo e dugu mai gidaadeu gi seesee laa honga dono henua, go hiidinga Tagi Maolunga doodou Maadua gu hagamakaga ono lodo, gai ia ga dugu adu ai goodou gi daia ia, bei doodou hai gu gidee ai naa anailaa nei.

Deuteronomy 29:7

Gai de masavaa oodou ne tae mai ai gi de mommee nei, gai Sihon, de hodooligi o Heshbon ma Og, de hodooligi o Bashan ne loomai e hebagi adu gi goodou, aagai gidaadeu ne hagadee kii gilaau,

Deuteronomy 32:14

Ia ne haangai ia i vai uu haduhadu o denga kaau ma vai uu o denga ssiibi ma guudi, ma mee moomuna o denga ssiibi gauligi ma ssiibi daane, ma ssiibi ma guudi o Bashan, madali denga grain danuaa hugadoo; koe ne unu uvaini danuaa o denga grape.

Deuteronomy 4:47

Gai gilaadeu ga kave dono henua aama de henua o Og de hodooligi o Bashan. Aanei luu hodooligi o de gau Amor i baasi dua o Jordan.

Joshua 12:4

Gilaadeu ne kave hogi mommee o Og, de hodooligi o Bashan, ia go dahi dangada e doe i de gau Repha, gai e noho i Ashtaroth ma Edrei.

Joshua 13:12

ma de nohoanga hodooligi alodahi o Og i Bashan, gai dono madaaolo go Ashtaroth ma Edrei (gai go ia donu huu e doe i de gau Repha); aanei gilaadeu a Moses ne hagadee kii ga kave olaadeu henua.

Joshua 13:30

Delaadeu mommee e daamada mai i Mahanaim, ma Bashan alodahi, go de nohoanga hodooligi alodahi o Og, de hodooligi o Bashan, ma aduhale vaaligiligi e madaono o Jair, i Bashan,

Joshua 9:10

ma mee alodahi aana ne hai ange gi luu hodooligi o de gau Amor i baasi dua o Jordan: Sihon de hodooligi o Heshbon, aama Og de hodooligi o Bashan e noho laa i Ashtaroth.