Numbers 20:20 - De Beebaa Dabu

²⁰ Aagai ia ga hai ange, “Goodou e dee maua donu i de seesee laa honga dogu henua.” Gai Edom ne humai madali dahi hagabuulinga hebagi soa ma de mmahi, e hebagi ange gi gilaadeu.

Numbers 20:20 Iomraidhean Croise

Genesis 27:41

Gai Esau ne golo age dono lili i Jacob, i hiidinga de hagamanuuia a delaau damana ia. Gai Esau ne hagadaba i ono lodo, “Ga odi ange naa donu huu laangi e hinangalosaa ai i dogu damana, gai au ga daa gi magau dogu daina go Jacob.”

Genesis 32:6

Gai ga aahe mai huu de gau hagailoo laa gi daho Jacob, gai gilaadeu ga hai ange, “Gimaadeu ne hulo gi daho doo daina go Esau, gai ia gu humai e hedae adu gi de goe, gai e haalau daane e loomai madali ia.”

Psalm 120:7

Au se dangada e lodo i de noho baba; aagai de masavaa oogu e tala ai dagodo o de baba, gai gilaadeu e llodo i de hebagi.

Amos 1:11

E hagadaba Tagi Maolunga: “Tolu hanonga o Edom ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga ia ne doolohi ono daina ga daa i de gadilaasa, ia tee lodo aaloha ange gi gilaadeu. Gai ia tee tuu donu de hebagi i hiidinga dono lili, ia ne golo age dono lili ga hano ai.

Numbers 20:18

Aagai Edom ga hai ange, “Goodou e dee maua donu i de seesee mai donu laa honga dogu henua, gimaadeu kana loadu e hebagi adu gi goodou!”

Numbers 20:21

Gai Edom tee dugu ange gilaadeu gi seesee laa honga dono henua; deelaa ai, de gau Israel ne huuhuli ga hulo i dahi haiava gee.

Judges 11:17

Gai de gau Israel ne hai hanu dangada gi hulo gi daho de hodooligi o Edom, gi hai ange, ‘Dugua mai gimaadeu gi seesee laa honga doo henua e hulo ai.’ Gai de hodooligi o Edom tee lodo. Gai gilaadeu ne hai ange hogi muna nei gi de hodooligi o Moab, gai ia tee lodo. Deelaa ai, de gau Israel ne nnoho donu huu i Kadesh.

Judges 11:20

Aagai Sihon ne madagu i de dugu ange Israel gi seesee laa lo tono vaaenga. Gai ia ne hagabuni ono daane alodahi ga hagaduu delaadeu mommee nnoho gaainga i Jahaz, ga hebagi ange ai gi de gau Israel.