Numbers 20:14 - De Beebaa Dabu

¹⁴ Gai Moses ne hai gi hulo hanu dangada hagailoo, mai i Kadesh gi hai ange gi de hodooligi o Edom, “Aanei muna a doo daina go Israel: koe e iloo dagodo o denga hai ngadaa alodahi gu hai mai gi gimaadeu.

Numbers 20:14 Iomraidhean Croise

Genesis 25:23

Gai Tagi Maolunga ne hai ange gi de ia, “E lua huaahenua i lo too dinae, gai luu huaadangada i oo lodo naa e dee nnoho hagabuni; dahi e mmahi ange i de ia ange laa, gai tama madua e hai hegau ange naa gi tama gauligi.”

Genesis 25:25

Gai tama ne haanau mai i mua e mmea, gai dono angaanga alodahi e huluhulua, gai ia ga hagaingoo ange ia go Esau.

Genesis 25:26

Gai muli mai, gai dono daina gu haanau, gai ia e kumi de muli de vae o Esau, gai ia ga hagaingoo ange ia go Jacob. Gai Isaac gu madaono ono ngadau, i de masavaa a Rebekah ne haanau ai delaau maasanga.

Genesis 32:29

Gai Jacob ga sili ange ga hai ange, “Aude haihaia, daalaa mai be goai doo ingoo?” Aagai ia ne hai ange, “Gu aha gu ssili mai ai naa goe dogu ingoo?” Gai ia ga hagamanuuia Jacob i kilaa.

Exodus 18:8

Gai Moses ga tala ange gi dono saulaba mee alodahi a Tagi Maolunga gu hai ange gi Pharaoh ma de gau Egypt, i hiidinga o de gau Israel, ma hai ngadaa alodahi gu paa i gilaadeu i delaadeu seesee ga loomai, aama de hagaola a Tagi Maolunga gilaadeu.

Amos 1:11

E hagadaba Tagi Maolunga: “Tolu hanonga o Edom ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga ia ne doolohi ono daina ga daa i de gadilaasa, ia tee lodo aaloha ange gi gilaadeu. Gai ia tee tuu donu de hebagi i hiidinga dono lili, ia ne golo age dono lili ga hano ai.

Malachi 1:2

E hagadaba Tagi Maolunga, “Au ne aloha i de goe.” Aagai goodou e ssili, “Dee hee doo hai e aloha ai i gimaadeu?” E hagadaba Tagi Maolunga, “E aha, e dee go Esau taina daane o Jacob? Gai au ne aloha i Jacob,

Numbers 13:26

Gai gilaadeu ne aahe mai gi daho Moses ma Aaron aama de hagabuulingaa dangada o Israel i Kadesh, i de vao o Paran. Gai gilaadeu ga tala ange mee alodahi gi de hagabuulingaa dangada o Israel, ma de hagaago ange gi gilaadeu denga huamanu mai i de henua laa.

Numbers 20:15

Omaadeu dubuna madagidagi ne hulo gi Egypt, gai gimaadeu ne nnoho i Egypt i dahi masavaa daulooloa. De gau Egypt ne hagaduasala gimaadeu ma omaadeu dubuna,

Numbers 20:22

Gai de hagabuulinga o de gau Israel ne loomai i Kadesh, gai gilaadeu ne hulo ga tae gi de mounga go Hor.

Deuteronomy 23:7

Gai goodou e dee kino i tangada Edom, i hiidinga ia se daina niiodou. Goodou e dee kino hogi i tangada Egypt, i hiidinga goodou nogo ni dangada henua gee i dono henua.

Joshua 2:10

Gai gimaadeu gu langona de hai a Tagi Maolunga ne hai ai ga deai vai o Tai Mmea i oodou mada i mua, i de masavaa oodou ne ssao ai i Egypt, ma doodou hai ne hai ai luu hodooligi o de gau Amor i baasi dua o Jordan, go Sihon ma Og, go luu hodooligi oodou ne oha olaau mommee.

Joshua 2:9

ga hai ange gi gilaau, “Au e iloo bolo Tagi Maolunga gu lava donu i de gaavadu gi goodou de henua nei, gai gimaadeu gu maatagu mmao i goodou, gai dangada alodahi i honga de henua gu dee paba i oodou hiidinga.

Joshua 9:10

ma mee alodahi aana ne hai ange gi luu hodooligi o de gau Amor i baasi dua o Jordan: Sihon de hodooligi o Heshbon, aama Og de hodooligi o Bashan e noho laa i Ashtaroth.

Joshua 9:9

Gilaadeu ga hai ange, “Gimaadeu, oo dangada hai hegau, ne loomai i dahi henua mmao, i hiidinga longo o de ingoo o Tagi Maolunga doodou Maadua. Gimaadeu gu langona ono longo ma mee alodahi aana ne hai i Egypt,