Numbers 2:2 - De Beebaa Dabu

² “De gau Israel alodahi gi hagatuulia olaadeu mommee nnoho gaainga, i luu baasi de hale malo hagabuni. Dahi ma dahi gi noho i de mommee iai de hagailonga ma de flag o de huaabodu o olaadeu dubuna madagidagi.

Numbers 2:2 Iomraidhean Croise

Psalm 74:4

Oo hagadaumee ne hagangolo i doo mommee hagabuni; gilaadeu gu hagatuu age olaadeu hagailonga i kilaa.

Psalm 76:11

Haia au hagatoo donu ange gi Tagi Maolunga doo Maadua gai hagassula ina mee nei; dangada alodahi i henua e paa mai gi gaamai mee ngadi gaavange gi de Ia Hagamaatagu.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Isaiah 18:3

Goodou dangada alodahi o henua i lalo, go dangada e nnoho i honga de henua, de masavaa naa huu e hagaduu age ai de hagailonga i honga de mounga, gai goodou gu gidee, gai de masavaa naa huu e ili ai de hanga manu, gai goodou gu langona.

Ezekiel 43:7

Ia ne hai mai, “Tama a tangada, deenei de mommee iai dogu nohoanga, ma de mommee e dugu ange aagena luoogu vae. Deenei dogu mommee e noho ai madali de gau Israel ga hano ai. Gai de gau Israel ma olaadeu hodooligi gu dee aahe ange e hagangadi mee dogu ingoo dabu, i delaadeu daumaha ange gi olaadeu diinonga, ma de danu olaadeu hodooligi i olaadeu mommee daumaha.

Zechariah 9:16

De laangi laa gai Tagi Maolunga delaadeu Maadua e hagaola naa gilaadeu, bei de hagabuulinga o ono dangada. Gilaadeu e hai naa ga maalama i honga dono henua bei dagodo o denga hadu hagamogomogo i de hau hodooligi.

Numbers 1:50

Aagai koe e hili de aamuli o Levi gi haia hegau o de tabernacle o de tala hagadonu, ma de tilo ange ono goloa alodahi, ma mee alodahi iai. Go gilaadeu e sabaia de tabernacle, ma ono goloa alodahi, ma de hai hegau i ono lodo. Gai gilaadeu gi hagatuulia olaadeu hale malo i luu baasi de tabernacle.

Numbers 10:14

Gai go denga hagabuulinga o de aamuli o Judah ma delaadeu hagailonga ne hulo i mua. Gai delaadeu dagi go Nahshon, tama daane a Amminadab.

Numbers 10:18

Gai go denga hagabuulinga o de aamuli o Reuben, ma delaadeu hagailonga e loadu i olaadeu dua. Gai delaadeu dagi go Elizur, tama daane a Shedeur.

Numbers 10:22

Gai go denga hagabuulinga o de aamuli o Ephraim e hanadu i olaadeu dua ma delaadeu hagailonga; gai delaadeu dagi go Elishama tama daane a Ammihud.

Numbers 10:25

Gai go denga hagabuulinga o de aamuli o Dan hugadoo, ma delaadeu hagailonga e loadu i muli. Gai delaadeu dagi go Ahiezer, tama daane a Ammishaddai.

Numbers 2:1

Gai Tagi Maolunga ne hai ange gi Moses ma Aaron,

Numbers 2:10

Gai de baasi ngaage go de hagailonga o de mommee nnoho gaainga o Reuben, ma olaadeu hagabuulinga. Tagi o dangada o Reuben go Elizur, tama daane a Shedeur.

Numbers 2:3

Dangada e hagaduu delaadeu mommee nnoho gaainga i de baasi dua, go de mommee e sobo age ai de laa, go de aamuli o Judah ma olaadeu hagabuulinga, i lalo delaadeu hagailonga. Tagi o dangada o Judah go Nahshon, tama daane a Amminadab.

Numbers 24:2

Gai Balaam gu gidee de gau Israel e nnoho gainga madali olaadeu aamuli. Gai de Hagasaalunga o de Maadua gu hano iho gi ono elunga,

1 Corinthians 14:33

Gai de Maadua e dee se Maadua e haia gi ssenga ange dangada, aagai ia go de Maadua o de nnoho paba. Gai mee e hai i nohoanga dabu alodahi o dangada o de Maadua,

1 Corinthians 14:40

Aagai haia mee alodahi gi danuaa, ma de hagatau heohi.

Philippians 1:27

Gai goodou mouli gi bei dagodo muna o de longo danuaa o Klisdo, e dee hilihili be au e hanadu ga hedae adu gi goodou, aabe au e dee maleva, gai au e langona bolo goodou e tuu ma e makaga i de lodo daudahi, ma de hagadau bale i de hebagi i doodou hagadonu de longo danuaa.

Colossians 2:19

Tangada bee nei gu dee pigi ange donu gi de Biho, go Klisdo. Go ia e hagadanuaa ina ma de daohi de angaanga alodahi i denga sugusuguinga ma denga uaua, gi somo danuaa ai bei de hai a de Maadua gu dugu ai.

Joshua 3:4

Gai goodou haia de mmao o oodou magavaa ma de ngavesi o de hagatoo donu hagaheloongoi, gi se luamano sugilima, gi iloo ai e goodou de haiava oodou e hulo ai, go hiidinga goodou tigi hulo i de haiava nei i mua. Aagai goodou aude hulo gi hagapaa ange aagena.”