Numbers 2:17 - De Beebaa Dabu

¹⁷ Gai de hale malo hagabuni, madali de mommee nnoho gaainga o de aamuli o Levi i lo te ungaalodo laa. Gilaadeu e daga ga hulo, bei delaadeu hai e hagatau ai laa i de mommee nnoho gaainga, dahi aamuli i dono mommee i lalo dono hagailonga.

Numbers 2:17 Iomraidhean Croise

Numbers 10:17

Gai gu dugu iho de tabernacle, gai go denga daane de aamuli o Gershon ma de aamuli o Merari ne sabaia de tabernacle ga hulo ai gilaadeu.

Numbers 10:21

Gai go de aamuli o Kohath, e loadu i olaadeu dua, gai gilaadeu e saabai denga goloa dabu. Gai de tabernacle e hai gi duu age i mua delaadeu tae gi kilaa.

Numbers 2:1

Gai Tagi Maolunga ne hai ange gi Moses ma Aaron,

Numbers 2:18

Gai de baasi dai go de hagailonga o de mommee nnoho gaainga o Ephraim ma olaadeu hagabuulinga. Tagi o dangada o Ephraim go Elishama, tama daane a Ammihud.

Numbers 3:38

Gai dangada e hagatuulia olaadeu hale gaainga i de bido gi dua o de tabernacle, i ma te haitoga o de hale malo hagabuni, go de bido e sobo age ai de laa, go Moses ma Aaron aama dama daane a Aaron. Gai go gilaadeu e haia hegau i lo te mommee dabu, ma hegau alodahi a de gau Israel; gai noo dahi dangada gee e hagabaa ange gi de mommee laa, gai ia e daa donu gi maakau.

1 Corinthians 14:40

Aagai haia mee alodahi gi danuaa, ma de hagatau heohi.

Colossians 2:5

Gai ga dee noho naa donu au i oodou daha iainei i de angaanga, gai au e noho donu i oodou daha i de hagasaalunga, ma de malangilangi i dagu gide doodou lodo mmahi aama doodou tuu ga makaga i oodou kai ange gi Klisdo.