Numbers 19:18 - De Beebaa Dabu

¹⁸ gai dahi dangada e gilimalali laa gi gaavee dahi laa hyssop gi hagasulu ina ange gi lodo vai laa, ga hagassii ina ange gi de hale malo, ma honga goloa alodahi i lo te hale, ma honga o dangada alodahi i kilaa, aama dangada alodahi gu poo ange laa gi hanu ivi o tangada magau, be go tangada ne daia laa ga magau, be go tangada maakau, aabe go dahi daanunga.

Numbers 19:18 Iomraidhean Croise

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Psalm 51:9

Hagamuunia luoo mada i ogu haisala, gai sooloa ogu baubau alodahi.

Isaiah 52:15

gai ia e hai naa ga llele mouli denga huaahenua soa, denga hodooligi e pono naa olaadeu ngudu i ono hiidinga. Gilaadeu e gidee naa mee tee tala ange gi gilaadeu, gai e tonu ange naa gi mee alaadeu tee langona.

Numbers 19:17

Gai tangada gu dee gilimalali laa, gilaadeu gi gaamai hanu lehu o de kaau mmea ne hai ai laa ssigidaumaha dudu, ga hhao ange madali hanu vai hoou gi dahi ssaa;

Numbers 19:19

Gai tangada e gilimalali laa gi hagassii ange vai laa gi tangada gu dee gilimalali laa i tolu laangi ma de hidu laangi; gai de hidu laangi naa huu gai tangada gi hagagilimalali ina ia, ga taa ono malo ma de gaugau, gai ia gu gilimalali i de ahiahi laa.

Numbers 19:9

Gai dahi daane gilimalali laa gi hagabudulia lehu o de kaau laa, ga kave ga dugua i dahi mommee gilimalali i tua de mommee nnoho gaainga; gai lehu nei ni mee e hagadabena ange gi de gau Israel e hai ai vai hagagilimalali, e hagagilimalali ai haisala.

John 17:17

Vaea gee gilaadeu i de muna abodonu; au muna go de muna abodonu.

John 17:19

Au e vvae gee au i olaadeu hiidinga, gi maua ai hogi e gilaadeu i de vvae gee gilaadeu i de mee abodonu.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Hebrews 9:19

Gai ga lava huu i de tala ange a Moses muna alodahi o de hainga gi de huaadangada, gai ia ga kave dodo o hanu kaau gauligi ma dodo o hanu guudi madali hanu vai, ga hai hanu huluhulu mmea, ma laa o de hyssop ga hagassii ange ai gi honga de beebaa mulo laa, aama honga o dangada alodahi,