Numbers 19:16 - De Beebaa Dabu

¹⁶ Gai be goai e poo ange gi tangada gu daia ma gu magau i de gadilaasa i lo te duu malaelae, be se dangada ne magau donu huu i de ia, be go ivi o dahi dangada magau, aabe go dahi daanunga, gai ia e dee gilimalali i e hidu laangi.

Numbers 19:16 Iomraidhean Croise

Isaiah 52:11

Goodou hulo gee, goodou hulo gee, hulo gee mai i kilaa! Goodou aude poo ange gi dahi mee hakino gee! Goodou ssao hulo gee mai i kilaa gai gi gilimalali ai goodou, go goodou e hagauda ina goloa hai hegau o Tagi Maolunga.

Ezekiel 44:26

Gai dua naa huu dono hai ga gilimalali, gai ia gi daalia e hidu laangi gi muli mai,

Leviticus 21:1

Gai Tagi Maolunga ne hai ange gi Moses, “Basa ange gi de gau haimeedabu, go dama daane a Aaron, hai ange gi gilaadeu: ‘Tangada haimeedabu e dee hai ia gi dee gilimalali, i de magau o dahi dangada gee,

Numbers 19:11

Tangada e poo ange laa gi tangada magau e dee gilimalali i e hidu laangi.

Numbers 19:15

Gai denga ssaa alodahi e deai olaadeu pono, i lo te hale laa gu dee gilimalali.

Numbers 31:19

Gai goodou alodahi gu daa laa dahi dangada ga magau, be gu poo ange gi dahi dangada magau, gi noho i tua de mommee nnoho gaainga i e hidu laangi. Gai dua naa huu e dolu laangi ma dua e hidu laangi, gai goodou ga hagagilimalali goodou madali oodou dangada ne hagadee kii.

Numbers 5:2

“Daalaa ange gi de gau Israel hai ange, gilaadeu gi dee dugua de gau mmagi lebelaa i de mommee nnoho gaainga, ma dangada alodahi e hanu mee e ssali mai i gilaadeu, ma gilaadeu e dee gilimalali i delaadeu hagapaa ange gi dahi dangada magau.

Numbers 6:6

Gai laangi alodahi aana gu vvae gee ai ia e hagadabu ange gi Tagi Maolunga, gai ia gi dee hano gi hagabaa ange gi dahi dangada magau.

Numbers 9:6

Aagai ne hanu dangada gu dee gilimalali i hiidinga delaadeu hagapaa ange gi dahi dangada magau, deelaa ai, gilaadeu tee maua i de gaimee i Taonga Hagasili i de laangi laa. Gai gilaadeu ne loomai gi daho Moses ma Aaron i de laangi laa,

Matthew 23:27

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e bei donu dagodo o denga daanunga gu lebu laa gi tea ma de hagadanuaa, gai lodo e hoohonu i ivi o de gau maakau ma mee hakino gee alodahi.

Luke 11:44

E vakaa naa goodou! Go hiidinga goodou e bei dagodo o denga daanunga e dee gidee laa e dangada, gai dangada e dee iloo bolo gilaadeu e seesee i olaadeu elunga.”