Numbers 18:2 - De Beebaa Dabu

² Gai koe gaamai oo daina i de aamuli o Levi, mai i de huaabodu o doo damana, gilaadeu gi balea adu goodou ma au dama, i de masavaa oodou e hegau ai i mada i mua o de hale malo o de tala hagadonu.

Numbers 18:2 Iomraidhean Croise

Genesis 29:34

Gai ia ne hai dama ange hogi, ga haanau dahi dama daane, gai ia ga hagadaba, “Dua iainei gai dogu bodu e hagapigi mai naa donu gi de au, go hiidinga au gu haanau ange gi de ia e dolu dama daane.” Gai ia ga hagaingoo ange ia go Levi.

2 Chronicles 30:16

Gai gilaadeu ne loomai ga tuu i olaadeu duulanga bei de hai gu sisi ai laa i lodo hainga a Moses, taane o de Maadua. Gai de gau haimeedabu ne hagassii ange dodo a denga daane de aamuli o Levi gu gaavange laa gi gilaadeu ⌊gi honga de mommee o ssigidaumaha⌋.

Ezekiel 44:11

Gilaadeu goi maua huu i de hai hegau i dogu mommee dabu; go gilaadeu e hagaloosi ina denga haitoga o de temple, ma de hai hegau i kilaa; go gilaadeu e daia denga manu e hai ai ssigidaumaha dudu ma sigidaumaha a dangada, gai go gilaadeu e balea ange dangada ma de hai hegau ange gi gilaadeu.

Ezekiel 44:15

Aagai de gau haimeedabu mai i de aamuli o Levi, go hagadiilinga o Zadok, ne tilo ange dogu mommee dabu i de masavaa o de gau Israel ne daahuli gee ai i de au, go gilaadeu e maua i de loomai gi mada luoogu mada e hai hegau ai; gai gilaadeu ga hai ai sigidaumaha o denga mee moomuna ma dodo, go de Ia Aamua go Iahweh e hagadaba.

Malachi 2:4

gi iloo ai e goodou bolo go au donu ne daalaa adu muna nei gi goodou, gai gi dee sui ai dagu hagatoo donu hagaheloongoi ange gi Levi, go Tagi o denga hagabuulinga hebagi e hagadaba.

Numbers 1:53

aagai de aamuli o Levi e hagatuu olaadeu hale malo i luu baasi de tabernacle o de tala hagadonu, gi dee hagaduasala ina ai e de Maadua denga hagabuulinga o Israel. Gai go de aamuli o Levi gi diiloo ange, ma de hai hegau alodahi o de tabernacle o de tala hagadonu.”

Numbers 16:40

bei de hai a Tagi Maolunga gu tala ange ai laa gi Eleazar i daho Moses. Gai se mee e hagamanadua ange ai gi de gau Israel, bolo e deai ange donu dangada, go dahi aamuli donu huu o Aaron, e maua i de humai e dudu denga mee maanongi, i mada luu mada o Tagi Maolunga, ia kana bei hogi dagodo o Korah ma dangada ne daudali ange i de ia.

Numbers 17:7

Gai Moses ga kave dogo laa ga dugu i mada luu mada o Tagi Maolunga, i lo te hale malo o de tala hagadonu.

Numbers 18:4

Gilaadeu gi hai hegau madali goe, gi haia alaadeu hegau o de hale malo hagabuni — go hegau alodahi i de hale malo — gai e deai ange donu dangada e loomai e hagapaa adu gi doodou mommee.

Numbers 3:5

Gai Tagi Maolunga ga hai ange gi Moses,

Numbers 4:15

Gai ga lava naa huu i de haoli a Aaron ma ana dama daane de mommee dabu ma ono goloa alodahi, gai de hagadiilinga o Kohath ga loomai ga saabai mee nei i de masavaa o dangada e daga ai e hulo. Aagai gilaadeu e dee poo ange donu gi goloa dabu nei, kana maakau gilaadeu. Aanei goloa o de hale malo hagabuni a de hagadiilinga o Kohath e saabai.

Numbers 8:19

Gai au gu gaavange denga daane de aamuli o Levi, mai i magavaa o de gau Israel, e hai ai de mee ngadi gaavange ange gi Aaron ma ana dama daane, gai gilaadeu ga sui ai de gau Israel e hai hegau ai i de hale malo hagabuni, ma de tala ai haisala o de gau Israel, gi deai ai mee hagamaakau e loomai gi de gau Israel, i delaadeu loomai ga hagapaa ange gi de mommee dabu.”

Numbers 8:22

Gai ga lava huu mee nei, gai denga daane de aamuli o Levi ga ulu ga hai alaadeu hegau i lo te hale malo hagabuni, e bale ange ai Aaron ma ana dama daane. Gai gilaadeu ne hai donu ga bei muna a Tagi Maolunga gu tala ange gi Moses, i dana hai e hai ai gilaadeu.

Hebrews 9:6

Deenei de hai ne hagatau ai de mommee laa; gai de gau haimeedabu e ulu gi lo te aabi e mua gi daha i masavaa alodahi ga hai ai alaadeu hegau i de laa tubua.