Numbers 18:13 - De Beebaa Dabu

¹³ Denga huamanu alodahi e hagihagi i taamada, i honga olaadeu gelegele e gaavange gi Tagi Maolunga, e gaavadu moodou. Gai dangada alodahi i doodou huaabodu, e gilimalali laa, e maua i de gai.

Numbers 18:13 Iomraidhean Croise

2 Kings 4:42

Gai dahi daane ne humai i Baal Shalishah ga gaamai e madalua duudangaa pelaoaa barley gi taane o de Maadua, mai i hua o ana barley ne maatua i mua, ma hanu grain hoou. Gai Elisha ga hai ange, “Gaavange mee naa e gaimee ai dangada.”

2 Chronicles 31:5

Gai de masavaa huu ne adi ange ai muna laa, gai de gau Israel ga gaamai denga grain, ma uvaini, ma lolo, ma hooni aama mee alodahi ne hagihagi i taamada i honga alaadeu veelenga. Gai ne lagolago mmao alaadeu mee ne gaamai, go tahi diba i diba e madaangahulu o mee alodahi.

Exodus 22:29

Aude daohia denga sigidaumaha mai i au mommee hhao huamanu aabe go au mommee kumi uvaini. Koe e gaamai hogi gi de au dau dama daane madua.

Exodus 23:19

Koe gaamai gi de hale o Tagi Maolunga doo Maadua denga hua i taamada o denga manu ssomo i honga doo gelegele. Aude duunaa tama a de guudi i lodo vai uu o dono dinana.

Exodus 34:26

Koe gi gaamai gi de hale o Tagi Maolunga doodou Maadua, denga huamanu e hhua i taamada i honga doo gelegele. Aude duunaa dahi guudi gauligi i lodo vai uu o dono dinana.”

Jeremiah 24:2

Dahi gede iai denga hua fig danuaa mmao, bei denga hua e lleu laa i taamada, aagai de gede ange laa iai denga hua fig gu pobo baubau, gu dee maua donu i de gai.

Ezekiel 44:30

Denga hagadaagangaa huamanu danuaa alodahi e hagihagi i taamada, ma denga hagadaagangaa mee ngadi gaavange alodahi a dangada e sigidaumaha ai, nii de gau haimeedabu. Goodou gaavange hogi gi gilaadeu tahi duudanga mai i oodou pelaoaa lligi, gai au ga hagamanuuia ai oodou hale.

Hosea 9:10

Au ne gidee Israel bei de hai a dahi e gidee ai laa hanu grape i de vao; Au ne gidee oodou dubuna madagidagi bei de gidee a dahi hanu hua o de fig i taamada. Aagai de masavaa olaadeu ne tae mai ai gi Baal o Peor, gai gilaadeu ne gaavange gilaadeu gi dahi diinonga hagadookaa, ma de hai ga hakino gee gilaadeu bei dahi diinonga olaadeu e llodo ai laa.

Leviticus 22:7

Aagai dua naa huu de danu de laa gai ia gu gilimalali; gai ia gu maua i de gai mee dabu laa, i hiidinga aanei donu ana gai.

Leviticus 23:17

Gai goodou ga gaamai, i oodou mommee nnoho, e dagilua duudangaa pelaoaa e daodaohi age, gai haia i e lua diba i diba e madaangahulu o dahi ephah pelaoaa lligi, ga labu i mee hagahua ga dao, aanei mee e gaavange gi Tagi Maolunga i denga hua i taamada.

Micah 7:1

Gu vakaa loo au! Au gu bei tangada e hagihagia laa huamanu lleu, ma de ogo i dua de hagihagi o de veelengaa grape; gu deai donu gau looloa grape aagu e gai, gai gu deai hogi hua fig lleu aagu e hiigaina laa.

Deuteronomy 18:4

Oodou grain e hagihagi i taamada, ma oodou uvaini ma oodou lolo, aama huluhulu o oodou ssiibi e duuduu i taamada, e gaavange gi tangada haimeedabu.

Deuteronomy 26:2

gai koe ga vvae gee hanu huamanu mai i huamanu alodahi aau e hagihagi i taamada, i honga doo gelegele a Tagi Maolunga doo Maadua e gaavadu gi de goe, ga hhao ange gi dahi gede ga kave gi de mommee a Tagi Maolunga doo Maadua e hili e dugu ai dono ingoo.