Numbers 16:5 - De Beebaa Dabu

⁵ ga hai ange gi Korah ma denga daane madali ia, “Boo taiao gai Tagi Maolunga e hagaago mai naa be goai ono dangada gai goai e dabu, gai goai e maua i de hano e hagabaa ange gi de ia. Gai tangada naa huu aana e hili, gai ia gi humai gi hagabaa ange gi de ia.

Numbers 16:5 Iomraidhean Croise

Psalm 105:26

Ia ne kave Moses, dono dangada hai hegau, ma Aaron, taane aana gu hili.

Psalm 115:10

De aamuli o Aaron, goodou kai ange gi Tagi Maolunga! Ia go delaadeu bale ma delaadeu mee hungihungi.

Psalm 65:4

E manuuia gilaadeu aau e hili ga gaamai, gi noho i lo te buibui o doo hale! Gimaadeu e duadonu naa i mee danuaa i doo hale, go doo temple dabu.

Exodus 28:1

“Gai koe ga gaamai doo daina go Aaron ma ana dama daane, go Nadab, ma Abihu, ma Eleazar, aama Ithamar; ga vvae gee gilaadeu mai i de gau Israel, ga hai gilaadeu gi ni gau haimeedabu e hai hegau mai ai gi de au.

Exodus 28:41

Gai koe ga hakahu ange doo daina go Aaron ma ana dama daane, ga hagasulu gilaadeu i de lolo ma de hagadabu gilaadeu e hai ai de gau haimeedabu, gai gilaadeu ga hai hegau mai ai gi de au i hegau a de gau haimeedabu.

Exodus 28:43

Gai Aaron ma ana dama daane gi kahu i malo nei, i de masavaa olaadeu e ulu ai gi lo te hale malo hagabuni, ma de masavaa olaadeu e hulo ai e hagapaa ange, e hai alaadeu hegau i gaogao de mommee o ssigidaumaha i lo te Aabi Dabu; gi dee maakau gilaadeu i delaadeu haisala i de mee nei. De mee nei se hainga gu hagasauaa ange gi Aaron ma dono aamuli ga hano ai.

Jeremiah 30:21

Gai delaadeu dagi se dangada donu i olaadeu magavaa; delaadeu dangada aamua e haanau naa i olaadeu magavaa. Gai au e gaamai naa ia gi baa mai, gai ia e humai naa ga hagabaa mai gi de au, Gai goai naa donu e maua i de humai e hagabaa mai noo au e dee dugu ange? go Tagi Maolunga e hagadaba.

Jeremiah 49:19

Tilo, au e bei de laiono i lodo mee muimui i Jordan e humai laa e hai baasi ange gi de mommee iai helii lau kohu; gai e moolau naa donu dagu doolohi ia ga hai gi hano gee i dono henua. Gai au ga hili tangada oogu e malangilangi ai gi de hegau nei. Goai e bei ogu dagodo? Gai goai e maua i de hai baasi mai gi de au? Gai goai tangada hagaloosi e maua i de hebagi mai gi de au?

Jeremiah 50:44

Tilo, au e humai naa bei de laiono i lodo mee muimui o Jordan gi de mommee iai helii lau kohu, gai e moolau naa donu dagu doolohi ia ga hai gi hano gee i dono henua. Gai au ga hili tangada oogu e malangilangi ai gi de hegau nei. Goai e bei ogu dagodo? Gai goai e maua i de hai baasi mai gi de au? Gai goai tangada hagaloosi e maua i de hebagi mai gi de au?”

Ezekiel 40:46

gai de aabi e huli gi ngaiho niio de gau haimeedabu e haia hegau i de mommee o ssigidaumaha. Gilaadeu nei go dama daane o Zadok, gai go gilaadeu donu huu mai denga aamuli o Levi, e maua i de loomai e hagapaa ange gi Tagi Maolunga, e hai ai hegau i mada luoono mada.”

Ezekiel 43:19

koe gaavee dahi kaau daane e hai ai ssigidaumaha o haisala o de gau haimeedabu, go daane de aamuli o Levi, mai i de huaabodu o Zadok. Aanei gilaadeu e loomai e hagapaa mai gi de au, ma de hai hegau mai gi de au, go de Ia Aamua go Iahweh e hagadaba.

Ezekiel 45:4

Deenei de vaaenga dabu i honga de henua, ange gi de gau haimeedabu e haia hegau i lo te mommee dabu, go gilaadeu e loomai gi mada luu mada o Tagi Maolunga e hai ai alaadeu hegau. Go kinei e hagatuu ai olaadeu hale, aama de mommee e hagadabu ange gi de temple.

Leviticus 10:3

Gai Moses ne hai ange gi Aaron, “Aanei muna a Tagi Maolunga gu tala ma gu hagadaba: ‘Au e hagaago ange gi gilaadeu e loomai e hagapaa mai gi de au bolo au e dabu; gai dangada alodahi gi hagamahamaha ina au i olaadeu daha.’ ” Gai Aaron gu dee muu.

Leviticus 8:2

“Gaamai Aaron ma ana dama daane, ma denga malo dabu, ma denga lolo hagadabu, aama de kaau daane e hai ai ssigidaumaha o haisala, ma e lua ssiibi daane, ma e dahi gede pelaoaa e deai mee hagahua iai;

Malachi 3:18

Gai goodou e gidee naa de dagodo geegee o de gau heohi ma de gau baubau, ma de dagodo geegee o dangada e daumaha ange gi de Maadua, ma dangada e dee daumaha ange gi de ia.

Numbers 16:3

Gilaadeu ne loomai ga hagadaumee ange gi Moses ma Aaron, ga hai ange gi gilaau, “Gu gona odi ooluu mee e hai! Dangada alodahi o Israel e dabu, gai Tagi Maolunga e noho i olaadeu daha. Gai gu aha gooluu gu hai ai naa gooluu gi maolunga ange i de hagabuulingaa dangada o Tagi Maolunga?”

Numbers 16:6

Gai deenei doodou mee e hai: Korah ma dono hagabuulinga alodahi, gi gaavee hanu gumedi o denga maga ahi ma mee maanongi,

Numbers 17:5

Gai togo o tangada aagu e hili e somo naa, deenei dagu hai e hai ai gi dee nnanu de gau Israel, ma de hai baasi adu gi de goe.”

Numbers 17:8

De laangi mai ange laa, gai Moses ne ulu gi lo te hale malo o de tala hagadonu; gai ia gu gidee bolo togo o Aaron o de aamuli o Levi gu somo ma gu hua, gai gu hanu huaala iai, aama hanu almond.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

Acts 1:2

ga dae ai gi dono laangi ne gaavage ai gi de langi, ma dua dana tala ange gi de gau tala, go dangada aana ne hili, alaadeu mee e hai i ssauaa o de Hagasaalunga Dabu.

Acts 1:24

Aagai gilaadeu ne dalodalo, ga hai ange, “Tagi Maolunga, koe e iloo lodo o dangada alodahi. Hagaagona mai, be goai aau gu hili i magavaa o luu daane nei,

Acts 13:2

Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.”

Acts 15:7

Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.

Acts 22:14

Gai ia ga hai mai, ‘De Maadua o odaadeu maadua madagidagi gu hili goe e hagaago adu ono lodo gi de goe, ma de hai gi gidee e goe de Ia Heohi laa, ma de hai gi langona e goe dono leo.

Ephesians 2:13

Aagai iainei goodou gu nnoho i lodo o Klisdo Iesu; i mua gai goodou e mmao gee i de ia, aagai iainei gu gaamai gi paa mai i dodo o Klisdo.

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

Revelation 1:6

ma de hai gidaadeu gi se nohoanga hodooligi, gai gi ni dangada haimeedabu e hai hegau ange gi dono Maadua ma Tamana — gai ia e bau ange i de kave taadeu tuhi ma de mahamaha aama ssauaa ga hano ai e dee ngado mai. Amen.

1 Samuel 2:28

Au ne hili ia mai i denga aamuli alodahi o Israel e hai ai dogu dangada haimeedabu, gai ia ga hai ai hegau i gaogao de mommee o ssigidaumaha, ma de dudu mee maanongi, ma de gahu i de ephod i mada luoogu mada. Gai au ne gaavange gi de aamuli o doo damana dahi duuhanga mai i denga sigidaumaha alodahi a de gau Israel.