Numbers 16:33 - De Beebaa Dabu

³³ Gai gilaadeu ma olaadeu goloa alodahi gu tili iho gi de mommee o de gau maakau; gai de gelegele gu ahe ange ga buni, gai gilaadeu alodahi gu maakau, ga dee nnoho i magavaa o hagabuulingaa dangada.

Numbers 16:33 Iomraidhean Croise

Psalm 141:7

Omaadeu ivi gu maoha saele i gaogao denga daanunga, bei de gelegele a dahi gu geli age laa.

Psalm 143:7

Tagi Maolunga, hagamoolau basa mai gi de au; dogu hagasaalunga gu daemaha mmao. Koe gi dee hagamuunia luoo mada i de au, ana vakaa au ga bei gilaadeu e hulo laa gi de mommee o de gau maakau.

Psalm 55:15

Mee naa gi moolau delaadeu maakau; gai gi mouli ga hulo ai gi de mommee o de gau maakau; de baubau e dagodo i olaadeu mommee nnoho ma olaadeu lodo!

Psalm 55:16

Aagai au e hagahi de Maadua; gai Tagi Maolunga ga hagaola ai au.

Psalm 55:23

Aagai koe, de Maadua, e tili iho naa de gau baubau gi lo te geelonga o de gau maakau; gai de gau daa dangada ma de daahangadia dangada e dee maua naa donu gi madohi lua olaadeu laangi e mouli ai. Aagai au e hagadonusia goe.

Psalm 69:15

Koe gi dee dugua ange tolona gi haia gi abulu au, aabe gi haia de moana gelo gi haolia iho au, aabe gi haolia ange au i lo te daanunga.

Psalm 9:15

Denga huaahenua gu too ange gi lo te geelinga alaadeu ne geli; olaadeu vae gu llave i de galauna alaadeu ne dugu hagammuni.

Isaiah 14:15

Aagai koe gu gave iho donu gi de mommee o de gau maakau, ma tagelo o de geelonga laa.

Isaiah 14:9

De mommee o de gau maakau i lalo de gelegele gu hidi age e hedae adu gi de goe i doo dae gi kilaa; hagasaalunga o de gau maakau gu hiihidi age e hedae adu — gilaadeu alodahi nogo dagina henua i lalo; gu hai gi hiihidi age mai i olaadeu nohoanga — go gilaadeu alodahi nogo hodooligi i denga huaahenua.

Isaiah 38:18

De mommee o de gau maakau e dee maua i de hagaahe adu de abodonu gi de goe; gilaadeu gu loiho gi de mommee o de gau maakau e dee maua i de tali hagalodolodo adu gi doo hai hegau i de mee abodonu.

Ezekiel 31:14

Mee nei ne hai gi deai ai manu ssomo i gaogao vai e somo ga kona de lloa, gai olaadeu ulu gu daea age denga giliiga. Gai gi deai ange ai se manu ssomo gu hagamaluulu danuaa e somo ga looloa bee nei, gilaadeu alodahi e odi naa donu i de maakau, ga hulo gi de mommee i lalo de henua, madali dangada alodahi gu loiho laa gi lo te geelonga o de gau maakau.

Ezekiel 32:18

“Tama a tangada, oo ma gi dangi i hiidinga o dangada soa o Egypt, haia ono dangada gi hulo gi de mommee o de gau maakau, madali dangada i denga huaahenua mmahi; gilaadeu gi hulo gi daho dangada gu loiho laa gi lo te geelonga laa:

Ezekiel 32:30

Denga dagi o ngaiho ma de gau Sidon alodahi i kilaa hogi; gilaadeu nei ne loiho hogi madali de gau maakau, teai selaadeu hagadubu, e dee galemu donu delaadeu mahi e hagamaatagu ai dangada. Gilaadeu ni dangada tigi tuu dagaholiage e danu madali dangada ne daia ga maakau i de gadilaasa; gilaadeu ne dookaa madali gilaadeu ne loiho laa gi lo te geelonga.

Numbers 16:32

gai de henua gu mahuge ga holo denga daane laa, madali olaadeu huaabodu ma dangada alodahi ne daudali ange i Korah, aama olaadeu goloa alodahi.

Numbers 16:34

Gai de gau Israel alodahi i olaadeu gaogao ga saavini ga hulo gee, i de masavaa alaadeu ne langona ai delaadeu oo, gilaadeu ne hagataba, “De henua kana holo hogi gidaadeu!”

Numbers 22:33

Dau donkey ne hano ga hagaui gee i de au i e dolu hanonga, i hiidinga ia ne gidee au. Gai noo dau donkey tee hano e hagaui gee i de au, gai au ne daa donu goe ga magau, gai au ga hagaola dau donkey.”

Numbers 26:11

Aagai denga dama daane a Korah tee odi i de maakau.

Deuteronomy 32:22

Gai de ahi gu hakaa i hiidinga o dogu lili, gai e ula ga hano gi de mommee o de gau maakau, gai e dudu naa honga de henua ma mee alodahi e ssomo ai, ma de haula ga kaa daahido o denga mounga.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.