Numbers 16:22 - De Beebaa Dabu

²² Gai gilaau ga ino ga hagapaa olaau mada gi honga de gelegele, ga hai ange, “De Maadua, go de Maadua o hagasaalunga o dangada alodahi, koe ga daohi naa donu huu doo lili i de hagabuulingaa dangada nei, i hiidinga haisala o dahi dangada sogosogo?”

Numbers 16:22 Iomraidhean Croise

Genesis 18:32

Gai Abraham ne hai ange hogi, “Dogu Ia Aamua, koe gi dee bole, gai au ga ahe ange e basa adu. Noo e dinoangahulu donu huu e gidee i kilaa?” Ia ne hai ange, “Au e dee oha donu de aduhale laa, i hiidinga o tinoangahulu dangada laa.”

2 Samuel 24:1

Gai Tagi Maolunga gu lili mmao ange i de gau Israel, gai ia ga usuusu ange David gi hai baasi ange gi gilaadeu, ga hai ange, “Hannoo daulia dangada o Israel ma Judah.”

2 Samuel 24:17

Gai David ne basa ange gi Tagi Maolunga i de masavaa aana ne gidee ai tangada de langi e daia laa dangada, ga hai ange, “Tilo, au gu haisala, gai go au donu tee heohi. Aagai de gau nei e bei dagodo o denga ssiibi, ni aha alaadeu ne hai? Au e dangidangi adu, hagaduasala ina ngau ma dogu huaabodu.”

De Beebaa go Job 12:10

Ia e daohi mouli o mee alodahi, ma manava o dangada alodahi.

Psalm 99:6

Moses ma Aaron ni dangada haimeedabu hogi niiona, Samuel se dangada hogi e dalodalo ange gi de ia. Gilaadeu nei ne dalodalo ange gi Tagi Maolunga, gai ia ne basa ange gi alaadeu dalodalo.

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

Isaiah 57:16

Au e dee hagabaubau donu ga hano ai, aabe e lili i masavaa alodahi, kana haia e au ga baageaa lodo o tangada — go de hagasaalunga o tangada aagu ne hai.

Jeremiah 32:27

“Tilo, go au go Iahweh, de Maadua o dangada alodahi. E aha, e dahi laa mee daudahi aagu e dee maua i de hai?

Jeremiah 38:16

Aagai de hodooligi go Zedekiah ga hagatoo donu hagammuni ange gi Jeremiah, ga hai ange, “Au e hagatoo donu i de mouli o Tagi Maolunga, go de ia ne haia odaadeu hagasaalunga: au e dee daa donu goe gi magau aabe e dugu ange goe gi denga daane e saalaa naa goe e daa gi magau.”

Ezekiel 18:4

Tilo, mouli o dangada alodahi ni mee mai i ogu daha, tamana ma tama niiagu hogi — gilaau ngaadahi niiagu. Tangada e haisala laa e magau donu.

Leviticus 10:6

Gai Moses ga hai ange gi Aaron, ma luaana dama daane go Eleazar aama Ithamar, “Goodou e dee hai gi lausamua oodou biho, be e saesae oodou malo gi dee maakau ai goodou, gai dae mai ai de lili o Tagi Maolunga gi honga o de huaadangada. Gai oodou daina go de gau Israel alodahi e tangi naa i hiidinga o dangada a Tagi Maolunga ne daa ga maakau i de ahi.

Leviticus 4:3

Noo tangada haimeedabu maolunga gu haisala, ga hagahaisala ai de huaadangada, gai ia gi gaamai dahi kaau daane e deai mee baubau i dono angaanga, e hai ai ssigidaumaha o haisala e tala ai ono haisala ange gi Tagi Maolunga.

Zechariah 12:1

Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada:

Numbers 14:5

Gai Moses ma Aaron ga ino ga hagapaa olaau mada gi honga de gelegele i madamada o de hagabuulingaa dangada o Israel.

Numbers 16:23

Gai Tagi Maolunga ga hai ange gi Moses,

Numbers 16:4

De masavaa a Moses ne langona ai muna nei, gai ia ga ino ga hagabaa luoono mada gi honga de gelegele;

Numbers 16:45

“Vaaea gee gooluu mai i daho de hagabuulingaa dangada nei, gai au ga daa gilaadeu gi maakau iainei.” Gai gilaau ga ino ga hagapaa olaau mada gi honga de gelegele.

Numbers 27:16

“Tagi Maolunga, de Maadua e gaavange laa de hagasaalunga o de mouli gi dangada alodahi, gi hilia dahi dangada gi dagina de hagabuulingaa dangada nei,

Romans 5:18

Deenei ai, haisala o dahi dangada ne hai ga tuu ange dangada alodahi gi de magau, aagai hegau heohi a dahi dangada daudahi ne hagaheohi aama de gaavange de mouli gi dangada alodahi.

1 Corinthians 13:7

De aloha e hagauda mee alodahi i de golomagi lodo, e hagadonu mee alodahi, e tali hagalodolodo ange gi mee alodahi, gai e lodo mmahi i de hagauda mee alodahi.

Hebrews 12:9

E dahi ange mee: odaadeu damana donu e haele gidaadeu, gai gidaadeu e hagadubu gilaadeu. Gai e kii ange mmao de hagamogomogo taadeu hagallongo ange, gi Tamana o denga hagasaalunga gi mouli ai gidaadeu!

Joshua 22:18

Goodou ga aahe ange ai naa e daahuli gee i Tagi Maolunga ailaa nei? Noo goodou e hai baasi ange gi Tagi Maolunga ailaa nei, gai ia e lili naa i de hagabuulingaa dangada o Israel daiao!