Numbers 16:15 - De Beebaa Dabu

¹⁵ Gai Moses gu kona mmao de lili, gai ia ga hai ange gi Tagi Maolunga, “Koe gi dee hagadubu ina donu delaadeu sigidaumaha. Tigi ai donu se donkey daudahi aagu ne kave mai i olaadeu daha, aabe gu hai ange dahi baubau gi gilaadeu.”

Numbers 16:15 Iomraidhean Croise

2 Samuel 22:22

Go hiidinga au ne daohi haiava o Tagi Maolunga; au tee hai de baubau ga hano gee ai i dogu Maadua.

Exodus 32:19

Gai ga hano iho huu Moses ga dae iho gi de mommee nnoho gaainga, gai ia gu gidee de kaau goolo laa ma denga aanunga a dangada e hai; aagai Moses gu kona mmao de lili, gai ia ga poo luu duu hadu laa ga maga iho gi gaogao de mounga gu maoha.

Proverbs 21:27

Ssigidaumaha a tangada baubau se mee hakino gee; gai e kii ange donu de hakino gee noo se mee ne hai i de maanadu baubau!

Numbers 12:3

(Gai Moses se daane daudonu mmao, ia e daudonu ange i dangada alodahi i henua i lalo.)

Numbers 16:16

Gai Moses ga hai ange gi Korah, “Goodou ma de hagabuulingaa daane madali goe loomai gi mada luu mada o Tagi Maolunga daiao, madali Aaron.

Matthew 5:22

Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Mark 3:5

Gai Iesu ga galogalo saele ga tilo gilaadeu ma de lili, ia gu daemaha i hiidinga de makaga olaadeu lodo, gai ia ga hai ange gi taane laa, “Haalo ina doo lima!” Gai taane laa ga haalo dono lima, gai dono lima gu ieiangi.

1 Corinthians 9:15

Aagai au tee hagahai hegau dogu heohi i mee nei. Gai au tee se sisi adu hogi gai goodou ga gaamai ai dahi mee gi de au. Gai e danuaa ange donu dogu magau i dagu dugu ange dahi dangada gi gaavee gee dogu heohi e tuhi ai agu hegau.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

2 Corinthians 7:2

Goodou huugea mai oodou lodo gi gimaadeu; gimaadeu tigi haisala ange donu gi dahi dangada, gimaadeu tee hagasenga dahi goodou, aabe ne gaiaa oodou mee.

Ephesians 4:26

Goodou llili aagai gi dee haisala; goodou gi dee daohia doodou llili ga danu ai de laa,

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.