Numbers 15:5 - De Beebaa Dabu

⁵ Gai ia gi gaamai madali dahi ssiibi o sigidaumaha dudu be go dahi sigidaumaha ange laa, dahi diba i diba e haa o dahi hin uvaini, e hai ai ssigidaumaha o mee unu.

Numbers 15:5 Iomraidhean Croise

2 Chronicles 29:35

Gai e dee go sigidaumaha dudu lagolago laa donu huu ne hai, gai ne hanu hogi sigidaumaha hagadanuaa magavaa ne hai i denga kiliisi, ma sigidaumaha o mee unu madali denga sigidaumaha dudu. Gai gu lava hegau o de hale o Tagi Maolunga.

Ezra 7:17

Gai koe ga tilo de sseene naa ga hagao ai kaau daane, ma ssiibi daane, ma ssiibi gauligi, ma grain, ma denga sigidaumaha o mee unu, ga hai ai ssigidaumaha i honga de mommee o ssigidaumaha i de hale o doodou Maadua i Jerusalem.

Psalm 116:13

Au e daohi age de ubu o de hagaola, ma de dalodalo ange gi de ingoo o Tagi Maolunga.

Exodus 29:40

Gai ga hagahidi hogi e dahi diba i diba e madaangahulu o dahi ephah pelaoaa lligi gu hilo ma dahi diba i diba e haa o dahi hin lolo ne tugi, aama dahi diba i diba e haa o dahi hin uvaini e hai ai ssigidaumaha o mee unu.

Song of Songs 1:4

Gaavee au madali goe; gidaau ga hagamoolau e hulo! De hodooligi gu kave au gi lodo ono aabi. Gimaadeu e malangilangi naa ma de llodo danuaa i de goe, gimaadeu e tuhi naa doo aloha; doo aloha e danuaa ange i denga uvaini. E heohi donu delaadeu aaloha i de goe!

Leviticus 1:10

Gai noo tangada e gaamai dahi ssiibi be se guudi e hai ai dana sigidaumaha, gai ia gi hilia mai dahi manu daane e deai laa mee baubau i dono angaanga.

Leviticus 23:13

Goodou e gaamai hogi e lua diba i diba e madaangahulu o dahi ephah pelaoaa lligi gu hilo ma lolo, e sigidaumaha ange gi Tagi Maolunga i de ahi, se sigidaumaha nnamu kala — madali ssigidaumaha o mee unu o e dahi diba i diba e haa o dahi hin uvaini.

Leviticus 3:6

Noo ia e hai dana sigidaumaha hagadanuaa magavaa ange gi Tagi Maolunga i dahi ssiibi be se guudi, e dee hilihili be se manu daane be se manu hahine, gai ia gi haia gi se manu e deai mee baubau i dono angaanga.

Leviticus 3:7

Gai noo ia e hai dana sigidaumaha i dahi ssiibi, gai ia gi gaamai gi mada luu mada o Tagi Maolunga,

Zechariah 9:17

Ga dae laa de tilo danuaa ma de mahamaha ono dangada! Hua o denga grain e hai naa ga mmahi denga dama daane, gai denga uvaini hoou e hai naa ga mmahi denga damaa hine.

Numbers 15:11

Aanei mee e gaamai madali dahi kaau be go dahi ssiibi daane, be ssiibi gauligi aabe go dahi guudi gauligi.

Numbers 15:6

Gai noo se ssiibi daane e hai ai ssigidaumaha, gai tangada gi gaamai e lua diba i diba e madaangahulu o dahi ephah pelaoaa lligi madali e dahi diba i diba e dolu o dahi hin lolo,

Numbers 28:14

Gai e gaamai madali dahi kaau laa, dahi bido hin uvaini; gai gaamai madali ssiibi daane laa dahi diba i diba e dolu o dahi hin uvaini, gai gaamai madali dahi ssiibi gauligi laa, e dahi diba i diba e haa o dahi hin uvaini, e hai ai ssigidaumaha o mee unu. Deenei ssigidaumaha dudu e hai i malama alodahi o de ngadau, i de masavaa e duu ai de maasina i dai.

Numbers 28:7

Gai ssigidaumaha o mee unu e gaamai madali mee nei, se dahi diba i diba e haa o dahi hin uvaini; gai ssigidaumaha o mee vii nei e llingi i mada luu mada o Tagi Maolunga, i de mommee dabu.

Philippians 2:17

Aagai noo dogu mouli e hai gi bei ssigidaumaha o mee unu e llingi ange laa gi honga ssigidaumaha o oodou kai, gai au e malangilangi donu ma de lodo danuaa madali goodou alodahi.

2 Timothy 4:6

Gai au gu baba ange donu e llingi bei dagodo o ssigidaumaha o mee unu, gai gu dae mai dogu masavaa e hano gee ai i de mouli nei.

Judges 9:13

Aagai de grapevine ga hai ange gi gilaadeu, ‘E aha, e heohi dagu tili de hai uvaini e hagamalangilangi ina laa denga diinonga ma dangada, gai au ga hano e duu e hagasingasinga i honga denga manu ssomo ange laa?’