Numbers 14:1 - De Beebaa Dabu

¹ De hagabuulingaa dangada laa ne oo ga tangi; gai gilaadeu ne tangi i de boo laa alodahi.

Numbers 14:1 Iomraidhean Croise

Psalm 106:25

Gai gilaadeu ne nnanu i lodo olaadeu hale malo, gai tee hagallongo ange gi muna a Tagi Maolunga.

Psalm 78:32

Gai mee nei alodahi tee maua i de hai gilaadeu gi dee haisala; gai gilaadeu tee hagadonu ana hegau hagalele mouli.

Exodus 13:17

Gai de masavaa huu a Pharaoh ne dugu ai de gau Israel gi hulo gee, gai de Maadua tee dagi gilaadeu laa gaogao de henua o de gau Philistia, go de mommee e bodobodo ai de haiava; i hiidinga de Maadua e iloo bolo dangada e sui naa alaadeu maanadu i kilaa ga ahe ga hulo gi Egypt, noo gilaadeu e hai gi hulo gi hebagi.

Exodus 33:4

Gai ga langona huu e dangada muna hagalodo baubau nei, gai gilaadeu gu daemaha; gai teai donu se gilaadeu ne daulia hanu mee hagalaagii be ne gahu hagadanuaa.

Numbers 13:13

mai i de aamuli o Asher, go Sethur tama daane a Michael;

Numbers 13:33

Gimaadeu ne gidee hogi dangada e hagaingoo ange laa go denga Nephilim (denga Nephilim go hanu aamuli o Anak); gai gimaadeu e bei donu dagodo o denga itebuubuu i olaadeu daha.”

Numbers 14:2

Gai de gau Israel alodahi ga nnanu i Moses ma Aaron; gai de hagabuulingaa dangada laa ga hai ange gi gilaau, “Mee naa gimaadeu ne maakau donu huu i de henua go Egypt, aabe ne maakau donu huu i de vao nei!

Deuteronomy 1:26

Gai goodou tee llodo e hulo e kave de henua laa, aagai ne hai baasi ange gi muna a Tagi Maolunga doodou Maadua.

Deuteronomy 1:45

Gai goodou ne aahe mai ga nnoho ga tangi i mada luu mada o Tagi Maolunga, gai ia tee anga adu donu gi doodou tangi, aabe ne hagallongo oodou muna.

Deuteronomy 9:23

Gai de masavaa a Tagi Maolunga ne hai ai goodou gi hulo gee mai i Kadesh Barnea, gai ia ga hai adu, “Goodou hulo gaavee de henua aagu gu gaavadu gi goodou.” Aagai goodou ne hai baasi ange gi muna a Tagi Maolunga doodou Maadua ne tala adu gi goodou, goodou tee hagadonusia ana muna, gai tee hagallongo ange gi ana muna.

Joshua 14:8

Aagai gilaadeu ne hulo laa madali au ne hai ga maatagu dangada, aagai au ne daudali ange i Tagi Maolunga dogu Maadua i ogu lodo alodahi.

1 Samuel 30:4

Gai David ma denga daane alodahi ne oo ga tangi, ga dae ai gi teai olaadeu mahi e tangi ai.