Numbers 13:32 - De Beebaa Dabu

³² Gai gilaadeu ne hagadele denga longo baubau, i magavaa o de gau Israel, i dagodo o de henua laa, ga hai ange, “De henua amaadeu ne hulo ga mulidagi e daa gi maakau dangada e nnoho ai; gai dangada alodahi amaadeu ne gidee i kilaa ni doa.

Numbers 13:32 Iomraidhean Croise

2 Samuel 21:20

Gai gu hai ange hogi de hebagi i Gath; gai e dahi doa i kilaa, e dagiono ono madannia ma dabuvae, se madalua ma haa ono madannia ma ono dabuvae alodahi. Ia se daane hogi de aamuli o denga doa.

1 Chronicles 20:6

Gai gu hai ange hogi de hebagi i Gath; gai e dahi doa i kilaa e ono ono madannia ma dabuvae, se madalua ma haa alodahi ono madannia ma dabuvae. Ia se daane hogi mai i de aamuli o Rapha.

Psalm 106:24

Gai gilaadeu ne kino i de henua danuaa laa, gai tee hagadonusia dana mee gu hagatoo donu ai.

Ezekiel 36:12

Au e hai naa ogu dangada, go de gau Israel, gi seesee i oodou elunga. Gilaadeu e henua naa i goodou, gai goodou e bolo ange naa gi gilaadeu. Gai goodou e dee ahe ange naa donu e hai gi deai alaadeu gauligi.

Amos 2:10

Au ne hagassao mai goodou i de henua go Egypt, ga dagi mai goodou laa lodo henua i e madahaa ngadau, gai au ga gaavadu ai gi goodou de henua o de gau Amor.

Amos 2:9

Aagai au ne daa ga maakau de gau Amor i olaadeu mada i mua, e dee galemu donu gilaadeu e lloa bei denga cedar, gai e mmahi bei denga oak. Au ne oha hua i honga olaadeu laa ma olaadeu aga i lo te gelegele.

Numbers 13:28

Gai dangada e nnoho i de henua laa ni dangada mmahi, olaadeu aduhale e buibui gai e nnui. Gai gimaadeu ne gidee hogi hagadiilinga o Anak i kilaa.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Deuteronomy 1:28

Gai go hee odaadeu e hulo aagena? Odaadeu daina gu hai gi manavasaa odaadeu lodo, i delaadeu hai mai, ‘Dangada i kilaa e mmahi ange ma de lloa ange i gidaadeu, gai olaadeu aduhale e nnui, gai buibui o olaadeu aduhale e hulo ma e tae gi de langi. Gimaadeu ne gidee hogi de gau Anak i kilaa.’ ”