Numbers 12:13 - De Beebaa Dabu

¹³ Gai Moses ga dalodalo ange gi Tagi Maolunga, ga hai ange, “De Maadua, au e dangidangi adu, hagaieiangi ina ia.”

Numbers 12:13 Iomraidhean Croise

Genesis 20:17

Gai Abraham ga dalodalo i Abimelek, gai de Maadua ga hagaieiangi Abimelek ma dono bodu ma ono haahine hai hegau, gai gilaadeu gu aahe ange gu haanau;

1 Kings 13:6

Gai de hodooligi ne hai ange gi taane o de Maadua, “Dangidangi ange gi Tagi Maolunga doo Maadua ia gi abodonu mai gi de au; dalodalo gi ieiangi ai dogu lima.” Gai taane o de Maadua ga dangidangi ange gi Tagi Maolunga, gai de lima o de hodooligi gu ieiangi, gu ahe ange ga bei ono dagodo i mua.

Psalm 30:2

Tagi Maolunga dogu Maadua, au ne dangidangi adu koe gi balea mai au, gai koe ne hagaieiangi au.

Psalm 41:4

Au ne hagadaba, “Tagi Maolunga, abodonu mai gi de au; hagaieiangi ina ogu magi, go hiidinga au gu haisala adu gi de goe.”

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Exodus 4:7

Gai ia ga hai ange, “Hagaahea ange doo lima dugua ange gi honga oo hadahada.” Gai Moses ga ahe ange ga dugu ange dono lima gi honga ono hadahada. Gai de masavaa huu aana ne aau mai ai dono lima, gai gu ahe ange ma gu danuaa bei dono angaanga alodahi.

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Jeremiah 17:14

Tagi Maolunga, hagaieiangi ina au, gi ieiangi ai au; hagaola ina au, gi ola ai au, i hiidinga go koe aagu e tuhi.

Numbers 11:2

Gai dangada ga tangi ange gi Moses; gai Moses ga dalodalo ange gi Tagi Maolunga, gai de ahi laa gu made.

Numbers 12:12

Koe gi dee haia Miriam gi bei tama ssege e haanau mai laa, gai dono angaanga gu bala.”

Numbers 14:2

Gai de gau Israel alodahi ga nnanu i Moses ma Aaron; gai de hagabuulingaa dangada laa ga hai ange gi gilaau, “Mee naa gimaadeu ne maakau donu huu i de henua go Egypt, aabe ne maakau donu huu i de vao nei!

Numbers 16:41

De laangi i dua mee nei, gai de hagabuulingaa dangada alodahi o Israel ne nnanu i Moses ma Aaron, ga hai ange, “Gooluu gu daa ma gu maakau dangada o Tagi Maolunga.”

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

Luke 6:28

goodou hagamanuuia ina gilaadeu e pasa hagamalaia i goodou, gai dalodalo i gilaadeu e vaivai haia goodou.

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.

Romans 12:21

Goodou gi dee dugua ange gi kii de baubau i goodou, aagai goodou haia gi kii tanuaa i de baubau.

James 5:15

Gai talodalo e hai i de gai e hagaieiangi donu tangada magi; gai Tagi Maolunga e hagaieiangi donu ia. Gai noo ia gu haisala, aagai ono haisala gu maatala.

1 Samuel 12:23

Gai au, au e dee haisala ange naa donu gi Tagi Maolunga ga tuu ai dogu dalodalo i oodou hiidinga. Gai au e agoago adu naa goodou i de mee danuaa aama de mee heohi.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.