Numbers 12:1 - De Beebaa Dabu

¹ Gai Miriam ma Aaron ne hagadaumee ange gi Moses, i hiidinga o de hine Ethiopia oona ne hai bodu ange laa aagena, go hiidinga Moses ne hai bodu ange gi dahi hahine Ethiopia.

Numbers 12:1 Iomraidhean Croise

Genesis 24:3

gai koe ga hagatoo donu mai gi de au, i de ingoo o Tagi Maolunga, de Maadua o de langi ma henua i lalo, bolo koe e dee kave donu dahi bodu moo dagu dama, mai i denga damaa hine a de gau Canaan, go dangada oogu e noho nei i olaadeu magavaa,

Genesis 24:37

Gai dogu dangada aamua ne hai au gi hagatoo donu gi hagadaba, ‘Aude gaavee donu dahi bodu moo dagu dama daane mai i magavaa o denga damaa hine a de gau Canaan, go dangada o de henua oogu e noho ai nei.

Genesis 27:46

Gai Rebekah ga hai ange gi Isaac, “Au gu goso mmao i de mouli nei i hiidinga o denga damaa hine a de gau Heth, gai noo Jacob e kave hogi dahi bodu mai i denga damaa hine a de gau Heth i de henua nei, gai e deai donu haigamaiana dogu mouli.”

Genesis 41:45

Gai Pharaoh ne hagaingoo ange Joseph go Zaphenath-Paneah. Gai ia ne gaavange Asenath, tamaa hine a Potiphera, taane haimeedabu o On, e hai ai dono bodu. Gai Joseph ne hano ga hagadaga i honga de henua go Egypt.

Exodus 2:16

Gai tangada haimeedabu o de gau Midian e dogohidu ana damaa hine; gilaadeu ne loomai gi de vai laa e asu ai vai e hagaunu ai denga ssiibi a delaadeu damana.

Exodus 2:21

Deelaa ai, Moses ne noho i daho taane laa, gai Reuel ga gaavange dana damaa hine go Zipporah gi hai bodu ange gi Moses.

Exodus 34:16

gai goodou e kave naa hogi alaadeu damaa hine ga hagahai bodu ange gi oodou dama daane, gai alaadeu damaa hine ga hai denga dahulinga baubau i delaadeu daumaha ange gi olaadeu diinonga, gai gilaadeu ga hai oodou dama daane gi daumaha ange gi olaadeu diinonga.

Leviticus 21:14

Ia e dee hai bodu ange gi de hahine gu magau dono bodu, be se hine gu maavae, aabe se hine gu hakino gee i de hai be se manu, aagai ia e hai bodu ange donu huu gi dahi bua moe i magavaa o ono dangada,

Numbers 14:22

bolo e deai naa donu se dangada i magavaa o dangada ne gidee laa dogu mahamaha, ma agu hegau sauaa ne hai i Egypt ma de vao, aagai gilaadeu ne hagatale au i denga hanonga e madaangahulu nei, aama tee daudali i agu muna —

Numbers 16:2

ne hagabuni e 250 daane dau i magavaa o de gau Israel, gai ni dagi niio dangada, gai ni daane hagadubu i magavaa o dangada, gai gilaadeu ga hai baasi ange gi Moses.

Numbers 26:59

Gai de ingoo o de bodu o Amram go Jochebed, ia se mogobuna niio Levi ne haanau i Egypt; gai ana dama ange gi Amram go Aaron, ma Moses aama delaau daina hahine go Miriam.

Matthew 10:36

Gai hagadaumee o tangada go dangada donu i dono huaabodu.

Matthew 12:48

Gai Iesu ne ssili ange gi tangada ne basa ange laa gi de ia, “Goai dogu dinana? Aagai goai ogu daina daane?”

John 15:20

Goodou manadua agu muna gu tala adu gi goodou, ‘Tangada hai hegau e dee maolunga ange i dono dangada aamua.’ Noo gilaadeu ne vaivai hai au, gai gilaadeu e vaivai hai naa hogi goodou. Noo gilaadeu ne daohi agu muna, gai gilaadeu e daohi naa hogi oodou muna.

John 7:5

Gai ono daina daane donu e dee hagadonusia ia.

Galatians 4:16

Au gu se hagadaumee nei niiodou i hiidinga dagu tala adu gi goodou de muna abodonu?