Numbers 11:31 - De Beebaa Dabu

³¹ Gai Tagi Maolunga ga hai gi ssau mai dahi madangi gi ilihia mai denga quail i honga tai, ga hai denga manu llele laa gi toga i luu baasi de mommee nnoho gaainga; gai de lahalaha de mommee olaadeu ne toga ai se dahi laangi e seesee ai gi tae gi de baasi laa gai e bei ai hogi de baasi ange laa, gai se lua sugilima de duuduu i honga de gelegele.

Numbers 11:31 Iomraidhean Croise

Psalm 105:40

Gilaadeu ne dangidangi ange, gai ia ga gaamai denga quail, ma de hai gi boobosu gilaadeu i gai mai i de langi.

Psalm 106:15

Ia ne gaavange gi gilaadeu olaadeu mee ne dangidangi ai, gai ne gaamai de mee hagamaakau gi olaadeu magavaa.

Psalm 135:7

Ia e hai denga hagausinga gi loage i de bido laa o henua i lalo, gai ia e hai gi loomai denga uila madali de langi ma de hagasao mai de madangi i dana mommee doange mee.

Exodus 10:13

Gai Moses ga poo dono dogo ga haalo gi lo te moana i honga de henua go Egypt, gai Tagi Maolunga ga hai gi ssau mai de madangi i dua i honga de henua alodahi i de laangi laa ma de boo laa alodahi. Gai de masavaa huu ne ao ai de mee, gai de madangi mai i dua gu ili mai denga itebuubuu gi honga de henua.

Exodus 10:19

Gai Tagi Maolunga ga hai gi dahuli de madangi mmahi ga humai i dai, ga ili denga itebuubuu ga kave gi lo te Dai Mmea, gai gu deai donu se itebuubuu daudahi e doe i honga de henua alodahi o Egypt.

Exodus 15:10

Koe ne busi i de madangi o dau manava, gai denga vai gu haoli gilaadeu; gilaadeu ne aabulu i lodo beau nnui bei dagodo o denga soodo daemaha.

Exodus 16:13

Gai ga ahiahi huu de mee, gai denga quail gu loomai ga toga iho ga hagadohu ai de mommee nnoho gaainga. Taiao age, gai ssuungia o taiao gu hano iho ga haoli honga de gelegele i luu baasi de mommee nnoho gaainga.

Numbers 11:30

Gai Moses ma denga daane maatua o Israel ga ahe ai loo gi de mommee nnoho gaainga.