Numbers 11:17 - De Beebaa Dabu

¹⁷ Gai au e hano iho naa ga basa adu gi de goe i kilaa; gai au e kave naa hanu mahi mai i daho de Hagasaalunga i oo daha naa ga gaavange gi gilaadeu; gai gilaadeu ga bale adu ai goe ga hagauda daemaha o dangada, gi dee go koe ai donu huu e hagauda ina taemaha naa.

Numbers 11:17 Iomraidhean Croise

Genesis 11:5

Aagai Tagi Maolunga ne hano iho e tilo de aduhale ma de hale maolunga a dangada gu hagaduu laa.

Genesis 17:22

Gai ga lava huu olaau pasa, gai de Maadua ga dugu Abraham gai ia ga ahe age gi lunga.

Genesis 17:3

Gai Abram ga ino gu baa luoono mada gi honga de gelegele, gai de Maadua ga basa ange gi de ia, ga hai ange,

Genesis 18:33

Gai ga lava huu de basa ange o Tagi Maolunga gi Abraham, gai ia ga hano gee mai i kilaa, gai Abraham ne ahe hogi gi dono mommee.

2 Kings 2:15

Gai de hagabuulinga o denga pelaabisi mai i Jericho e tuu laa ma e haaina adu ia, ne hagataba, “De hagasaalunga o Elijah gu noho i daho Elisha.” Gai gilaadeu ga hulo ga hedae ange gi de ia, ga ino gi honga de gelegele i ono mada i mua.

2 Kings 2:9

De masavaa huu olaau ne tae ai gi de baasi laa de vai, gai Elijah ga hai ange gi Elisha, “Daalaa mai be se aha aagu e hai adu maau, i mua dogu gaavee gee mai i oo daha.” Gai Elisha ga hai ange, “Au e dangidangi adu koe gi gaamai gi de au e lua diba o doo hagasaalunga.”

Nehemiah 9:20

Gai koe ne gaavange doo Hagasaalunga danuaa ga agoago ange ai gilaadeu, koe tee kave gee au manna e haangai ange ai laa gilaadeu, ma de gaavange gi gilaadeu alaadeu vai e unu ai.

Exodus 18:18

Koe e hagadalea donu huu goe aama dangada alodahi e loomai gi de goe, go hiidinga de hegau naa se hegau hai ngadaa donu, noo go koe donu huu e haia. Koe e dee maua donu i de hai sogosogo de hegau naa.

Exodus 18:22

Gai gilaadeu gi hagamodu ina muna o dangada i masavaa alodahi; gilaadeu gi gaamai gi de goe mee hai ngadaa, aagai mee hai ngaohie gilaadeu gi hagamodu ina. Gai gi maamaane adu ai gi de goe, gai gilaadeu gi bale adu ai goe i de hegau nei.

Exodus 19:11

gai gilaadeu gi hagadabena ange gi de hagadolu laangi, go hiidinga au e hano iho naa gi honga de mounga go Sinai i madamada o dangada alodahi.

Exodus 19:20

Gai Tagi Maolunga ga hano iho gi honga de mounga go Sinai, gai ia ga hagahi mai Moses gi hanage gi ulu de mounga, gai Moses ga hanage.

Exodus 34:5

Gai Tagi Maolunga ga hano iho i lo te duludulu hagausinga ga duu madali Moses i honga de mounga, gai ia ga hagailoo dono ingoo go Iahweh.

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 63:11

Gai ono dangada e manadua naa denga masavaa madagidagi go laangi o Moses ma ono dangada — i hee iai de ia ne dagina mai gilaadeu laa lo te vai, madali de gau hagaloosi o dana hagabuulingaa ssiibi? Gai i hee iai de ia ne dugua ange dono Hagasaalunga Dabu gi olaadeu magavaa,

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Numbers 11:25

Gai Tagi Maolunga ga hano iho mai i lo te hagausinga laa ga basa ange gi Moses, gai ia ga kave hanu mahi o de Hagasaalunga i daho Moses ga gaavange gi denga daane maatua e dinohidu laa. Gai de masavaa huu o de Hagasaalunga ne noho ai i olaadeu daha, gai gilaadeu ga pasa pelaabisi, aagai gilaadeu tee aahe ange e pasa pelaabisi i muli mai.

Numbers 12:5

Gai Tagi Maolunga ga hano iho i lo te hagausinga, ga duu i de haitoga o de hale malo, gai ia ga hagahi Aaron ma Miriam. Gai gilaau ga loomai ga hagapaa ange,

Numbers 12:8

Gai gimaau e hagadau madaangudu; au e dee basa ange gi de ia i muna hagasengasenga; gai ia e gidee hogi hoolinga o Tagi Maolunga. Gai gooluu e dee maatagu naa donu i de hagadaumee ange gi dogu dangada hai hegau go Moses?”

Numbers 27:18

Gai Tagi Maolunga ne hai ange gi Moses, “Koe gaavee Joshua tama daane a Nun, go taane e noho de Hagasaalunga ⌊o de Maadua⌋ i ono daha, gai koe ga dugua ange doo lima gi ono elunga.

Numbers 7:89

Gai de masavaa huu o Moses ne ulu ai gi lo te hale malo hagabuni e basa ange gi Tagi Maolunga, gai ia ne langona dahi leo e basa mai gi de ia i honga de pono o de tala haisala, i honga de ngavesi o de tala hagadonu, i magavaa luu cherubim.

John 3:13

Tigi ai donu se dangada ne hanage gi de langi, aagai go Tama a Tangada donu huu ne hano iho laa i de langi.

John 7:39

Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

Romans 8:9

Aagai goodou gu dee nnoho i lalo ssauaa o de angaanga, gai gu nnoho i lalo ssauaa o de Hagasaalunga, noo de Hagasaalunga o de Maadua e noho i oodou lodo. Tangada e dee noho de Hagasaalunga o Klisdo i ono lodo, e dee se dangada niiona.

1 Corinthians 2:12

Gidaadeu tee kave de hagasaalunga o henua i lalo, aagai ne kave de Hagasaalunga mai i daho de Maadua, gi maua ai e gidaadeu i de tonu ange gi mee a de Maadua gu ngadi gaamai gi gidaadeu.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Jude 1:19

Aanei gilaadeu e hagadee heloongoi ina dangada, gilaadeu e daudali i olaadeu lodo donu huu, gai de Hagasaalunga ⌊Dabu⌋ e dee nnoho i olaadeu lodo.

1 Samuel 10:6

Gai de Hagasaalunga o Tagi Maolunga e hano iho naa gi oo elunga i de mmahi, gai koe e basa pelaabisi naa madali gilaadeu; gai koe e sui naa oo dagodo, koe gu dagodo gee.