Numbers 11:11 - De Beebaa Dabu

¹¹ Gai Moses ga hai ange gi Tagi Maolunga, “Gu aha goe gu hai ai nei doo dangada hai hegau bee nei? Koe gu dee malangilangi nei i de au, gai koe ga hai ai nei au gi hagaudalia taemaha o de gau soa nei?

Numbers 11:11 Iomraidhean Croise

De Beebaa go Job 10:2

Au e hai ange gi de Maadua: Aude hagaduasala ina au, aagai daalaa mai be se aha aau e hai baasi mai ai naa gi de au.

Psalm 130:3

Tagi Maolunga, noo koe e golo age de baubau, de Ia Aamua, gai goai ai naa e maua i de duu?

Psalm 143:2

Koe gi dee hagamodu ina muna o doo dangada hai hegau, go hiidinga e deai donu se dangada mouli e heohi i mada luoo mada.

Exodus 17:4

Gai Moses ga dangidangi ange gi Tagi Maolunga, ga hai ange, “Dee hee dagu hai e hai ai dangada nei? E momo ange donu huu gilaadeu gu maga ngau i denga hadu.”

Exodus 5:22

Gai Moses ga ssili ange hogi gi Tagi Maolunga, “Dogu Ia Aamua, gu aha goe gu hagaduasala ai naa de huaadangada nei? Gai ni haigamaiana aha dau gaamai au gi olaadeu daha?

Jeremiah 15:10

Gu hagaaloha ogu dagodo, dogu dinana, mee naa koe tee haanau donu au, au se daane e hai baasi ma de hagadaumee ange de henua aagena! Au tee gaavange sseene e sui aabe gu kave sseene e sui, gai dangada alodahi e pasa baubau i de au.

Jeremiah 15:18

Gu aha gu dee maua ai nei gi ui dogu mmae, gai ogu maanuga gu kona mmao, gu dee maua gi mmahu? Koe gu bei dahi ngadi saalingaa vai, ma de vai gu dee sali laa.

Malachi 3:14

Goodou ne hagataba, ‘E deai donu haigamaiana demaadeu daumaha ange gi de Maadua. Gai ni aha amaadeu ne mau i demaadeu hai gi bei ana muna, ma de hagadaemaha omaadeu lodo i mada luu mada o Tagi o denga hagabuulinga hebagi?

Numbers 11:10

Gai Moses gu langona de nnanu o dangada i denga huaabodu i gaogao haitoga o olaadeu hale malo; gai Tagi Maolunga gu bole mmao, gai Moses gu dee malangilangi.

Numbers 11:15

Noo deenei dau hai e hai ai au, gai au e dangidangi adu koe gi daia donu au gi magau iainei, noo koe e malangilangi i de au, gai koe aude hagaduasala ina au i de mee nei.”

2 Corinthians 11:28

Gai e hanu ange mee laa daha mee nei, go tee baba ogu lodo i dagu maanadu dagodo o denga nohoanga dabu alodahi.

Deuteronomy 1:12

Aagai au gu dee maua i de hagauda sogosogo oodou mee e daemaha ai aama tee heloongoi ai.