Numbers 10:2 - De Beebaa Dabu

² “Dugidugia hanu selevaa haia ai e lua trumpet; gai koe ga ili luu trumpet laa i de masavaa e hagabuni ai de huaadangada, ma de masavaa o dangada e hagadabena ai e ngaalue e hulo.

Numbers 10:2 Iomraidhean Croise

2 Kings 12:13

Aagai teai donu sseene ne gaavange laa gi de hale o Tagi Maolunga ne hai ai denga beisini selevaa, ma denga mee diinei laama, ma boolo, ma trumpet, ma goloa goolo, aama goloa selevaa i de hale o Tagi Maolunga;

2 Chronicles 5:12

Gai denga daane daahili alodahi i de aamuli o Levi, go Asaph, ma Heman, ma Jeduthun, ma alaadeu dama aama olaadeu dangada, ne kahu i malo linen danuaa ga tuu ai i baasi dua o de mommee o ssigidaumaha, ma alaadeu cymbal, ma harp, ma lyre, gai e 120 hogi dangada haimeedabu e tuu madali gilaadeu e ili alaadeu trumpet.

Psalm 81:3

Ilihia de hanga manu i taonga o de duu de maasina i dai, ma de honu de maasina, ma de laangi o taadeu daonga.

Psalm 89:15

Tagi Maolunga, e manuuia gilaadeu gu iloo de hevaalogi ga tuhi goe, ma gilaadeu e seesee i de maalama i mada luoo mada.

Exodus 25:18

Gai koe dugidugi hanu goolo i de haamaa haia ai e lua cherubim i luu bido o de pono o de tala haisala.

Exodus 25:31

“Gai koe haia dahi mee dugu laama i goolo danuaa. Haia de haamaa dugidugia ai mee e hai ai de mee dugu laama. Dono dahido, ma de angaanga, ma ono ubu, ma ono gau, ma ono huaala e hai gi buni ma de angaanga.

Isaiah 1:13

Gu lava oodou sigidaumaha dee haigamaiana e gaamai! Oodou mee maanongi ni mee hakino gee i ogu daha. Doodou hagabuni i de duu de maasina i dai ma denga Sabbath aama oodou hai daumaha — au e dee malangilangi i oodou baubau ma oodou hagabuni.

Jeremiah 4:5

“Hagailoo ina i Judah gai daalaa i Jerusalem, hai ange: ‘Ilihia de hanga manu i honga de henua alodahi!’ Gai oo ma gi hagadaba: ‘Hagabuni ina dangada! Gidaadeu ga ulu gi lodo aduhale buibui!’

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

Joel 1:14

Hagailoo ina de hagahiikai dabu; hagailoo ina de hagabuni dabu. Hagabuni ina denga dagi ma dangada alodahi e nnoho i de henua gi de hale o Tagi Maolunga doodou Maadua, gai dalodalo ange gi Tagi Maolunga.

Joel 2:1

Ilihia de hanga manu i Zion, gai ilihia i honga dogu mounga dabu. Gai dangada alodahi i honga de henua gi maatagu, i hiidinga de laangi o Tagi Maolunga e dae mai naa. Gai gu baa mai donu —

Numbers 10:1

Gai Tagi Maolunga ga hai ange gi Moses,

Numbers 10:7

Gai de masavaa naa huu e hagabuni ai de huaadangada, gai e dee ili de trumpet bei hanonga ange laa, gai e ili gi daulooloa.

Ephesians 4:5

e dahi donu huu Dagi Maolunga, e dahi donu huu gai, gai e dahi donu huu hogi babudaisi;