Nehemiah 4:2 - De Beebaa Dabu

² i madamada o ono dangada ma de hagabuulinga hebagi o Samaria, ga hai ange, “Ni aha a de gau Ssuu baageaa nei e hai nei? E maua nei donu e gilaadeu i de hagaahe age hanu mee? Gilaadeu e hai naa alaadeu sigidaumaha? Gai e maua naa donu e gilaadeu i de hagalava mee nei i dahi laangi sogosogo? Gai e maua naa donu e gilaadeu i de hai hanu hadu i denga gainga gu lava naa i de dudu?”

Nehemiah 4:2 Iomraidhean Croise

Ezra 4:4

Gai dangada e paa ange laa gi gilaadeu ne hagatale de hai gi baageaa lodo o dangada o Judah, ma de hai gi maatagu gilaadeu i de hagaduu age ⌊de temple⌋.

Nehemiah 12:27

Gai de masavaa ne hagadabu ai de buibui o Jerusalem, gai gilaadeu ne ssala dangada de aamuli o Levi mai i mommee alodahi olaadeu e nnoho ai laa, ga gaamai gilaadeu gi Jerusalem e hai ai taonga i de malangilangi, ma de hagaahe ange de abodonu madali denga daahili, aama de hagadangidangi i denga cymbal, ma harp, aama lyre.

Nehemiah 12:43

Gai gilaadeu ne hai denga sigidaumaha lagolago mmao i de laangi laa, ma de malangilangi, go hiidinga de Maadua gu hagamalangilangi gilaadeu i de malangilangi laumalie. Denga haahine ma gauligi gu malangilangi hogi, gai delaadeu malangilangi i Jerusalem gu langona i de mommee mmao.

Nehemiah 4:10

Gai dangada o Judah ne hagadaba, “De gau molimoli gu daalea, gai gimaadeu gu dee maua i de hagaduu age de buibui, i hiidinga de lagolago gainga.”

Nehemiah 6:15

Dua huu e madalima ma lua laangi, gai de buibui gu lava, i de madalua ma lima laangi o de malama go Elul.

Psalm 83:4

Gilaadeu e hagataba, “Loomai, gidaadeu ga daa gi odi de huaahenua laa; gai gi dee manadua ai de ingoo o Israel.”

Jeremiah 26:18

“Micah taane Moresheth ne tala pelaabisi i de masavaa o Hezekiah, de hodooligi o Judah. Ia ne tala ange gi dangada alodahi o Judah, ga hai ange, ‘E hagadaba Tagi o denga hagabuulinga hebagi: Zion e hagabalabala naa bei de veelenga; Jerusalem e bei naa de hagabuudungaa mee maoha, gai tuuduu iai laa de temple e hai naa ga se lodo mee muimui.’

Jeremiah 33:24

“Koe gu langona naa bolo de gau nei e hagataba, ‘Tagi Maolunga gu tili luu huaabodu aana gu hili’? Gilaadeu gu hagangadi mee dogu huaadangada, gai gu dee hagabinga bolo gilaadeu se huaahenua.

Daniel 9:25

Gai koe gi iloo ma de donu ange gi de mee nei: mai i de masavaa e hagailoo ai bolo gi hagaahea age ange Jerusalem, ga dae ai gi de humai o de Ia gu Hagadabu laa i de lolo, go tagi, e hidu naa uvigi, ma e madaono ma lua uvigi. Gai e hagaduu age naa de aduhale madali denga haiava, aama mommee iai vai, aagai de masavaa laa se masavaa hai ngadaa.

Habakkuk 3:2

Tagi Maolunga, au gu langona oo longo, Tagi Maolunga, gai au gu lele ogu mouli i au hegau. Ahe ange haia au hegau i demaadeu masavaa, haia gi iloo e gimaadeu dagodo o au hegau; gai koe manadua de lodo aloha i doo bole.

Zechariah 12:8

De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.

Zechariah 4:10

Be goai e hagangadi mee ina de laangi o de hegau damaa mee nei, gai gilaadeu e malangilangi naa ma de gidee de uga haide i lo te lima o Zerubbabel. Denga laama e hidu nei go ganomada o Tagi Maolunga e tilo ai laa henua i lalo alodahi.”

1 Corinthians 1:27

Aagai de Maadua ne hili gilaadeu e llodo ssenga i henua i lalo e hagadookaa ai gilaadeu e heiangi, gai de Maadua ne hili gilaadeu e baageaa i henua i lalo e hagadookaa ai gilaadeu e mmahi.