Nehemiah 3:21 - De Beebaa Dabu

²¹ Gai tangada e mua ange go Meremoth tama daane a Uriah, tama daane a Hakkoz, ia ne dahi ange ana mommee ne hagaahe age, mai i gaogao de haitoga o de hale o Eliashib ga hano ai gi de bido o de hale laa.

Nehemiah 3:21 Iomraidhean Croise

1 Chronicles 4:8

Koz ne hagadili Anub, ma Zobebah, aama de hagadiilinga o Aharhel, tama daane a Harum.

Ezra 2:61

Gai mai i de gau haimeedabu: go de hagadiilinga o Habaiah, ma Hakkoz, aama Barzillai (go taane ne hai bodu ange laa gi dahi damaa hine a Barzillai, taane Gilead, gai ia ne kave de ingoo o dono saulaba).

Ezra 8:33

Gai de haa laangi huu i dua mee nei, gai denga selevaa ma goolo ma goloa o de hale o demaadeu Maadua gu hagahidi ga gaavange gi Meremoth, tangada haimeedabu, tama daane a Uriah. Gai Eleazar tama daane a Phinehas madali ia, ma taane de aamuli o Levi go Jozabad tama daane a Jeshua, ma Noadiah tama daane a Binnui.

Nehemiah 3:1

De masavaa laa gai Eliashib tangada haimeedabu maolunga, ma de gau haimeedabu ange laa ne hagabuni ga hagaduu age de Haitoga o denga Ssiibi. Gai gilaadeu ga hagadabu de haitoga laa ga gaavange ono abaaba, ma de hagadabu mai i de mommee laa ga dae ai gi de Hale Dagitilo o de Lau, aama de Hale Dagitilo o Hananel.

Nehemiah 3:20

Gai tangada e mua ange go Baruch tama daane a Zabbai, ia ne dahi ange ana mommee ne hagaahe age, go de mommee e daamada mai laa i tege, ga dae ai gi de haitoga o de hale o Eliashib, tangada haimeedabu maolunga.

Nehemiah 3:22

Gai de gau haimeedabu ne nnoho laa i kilaa ne hagaahe age de mommee e mua ange gi de ia.

Nehemiah 3:4

Gai Meremoth tama daane a Uriah, tama daane a Hakkoz, ne hagaahe age de mommee e mua ange. Gai Meshullam tama daane a Berekiah, tama daane a Meshezabel ne hagaahe age de mommee e mua ange. Gai Zadok tama daane a Baana ne hai ange de mommee e mua ange.

Nehemiah 7:63

Gai mai i de gau haimeedabu: go de hagadiilinga o Hobaiah, ma Hakkoz, ma Barzillai (go taane ne hai bodu ange laa gi dahi damaa hine a Barzillai, taane Gilead, gai ia ne kave de ingoo o dono saulaba).