Nehemiah 2:10 - De Beebaa Dabu

¹⁰ Aagai de masavaa huu a Sanballat taane Horon, ma taane hai hegau go Tobiah, taane Ammon, ne langona ai mee nei, gai gilaau gu dee llodo i de humai o dahi dangada e balea ange de gau Israel.

Nehemiah 2:10 Iomraidhean Croise

Nehemiah 13:1

De laangi huu ne dau ange ai de beebaa a Moses gi dangada, gai gilaadeu ne gidee e sisi i ono lodo bolo de gau Ammon ma de gau Moab e dee maua i de daumaha madali dangada o de Maadua ga hano ai,

Nehemiah 13:28

Gai e dahi hogi dama daane a Joiada, tama daane a Eliashib, tangada haimeedabu maolunga, se saulaba niio Sanballat, taane Horon. Gai au ne alualu ia gi hano gee mai i dogu mommee iai.

Nehemiah 13:4

I mua de hai mee nei, gai tangada haimeedabu go Eliashib ne hili, gi diiloo ange denga mommee doange mee, i de hale o demaadeu Maadua. Gai taane nei se dangada niio Tobiah,

Nehemiah 2:19

Aagai ga langona huu e Sanballat, taane Horon, ma taane hai hegau go Tobiah, taane Ammon, aama Geshem, taane Arab, gai gilaadeu ga hakadanga ma de hagangadi mee gimaadeu ga hagataba, “Ni aha oodou ga hai naa? Goodou ga hai baasi ange naa gi de hodooligi?”

Nehemiah 4:7

Aagai ga langona huu e Sanballat ma Tobiah, ma de gau Arabia, ma de gau Ammon, aama de gau Ashdod bolo goi duudagi huu de hagaahe age o de buibui o Jerusalem, gai mommee masaavava laa gu dai buni ange donu, gai gilaadeu gu kona mmao de llili;

Nehemiah 6:1

Gai ga langona huu e Sanballat, ma Tobiah, ma Geshem taane Arab, aama omaadeu hagadaumee ange laa, bolo gu hagaahe age de buibui, gai gu deai donu mommee e masaavava, (gai tagodo donu, tigi ai donu abaaba o denga haitoga o de aduhale,)

Nehemiah 6:16

Gai ga langona huu e omaadeu hagadaumee alodahi mee nei, gai denga huaahenua alodahi i luoomaadeu baasi gu maatagu, ma de dookaa; gilaadeu gu tonu iho bolo de hegau nei gu sula, i hiidinga de bale a demaadeu Maadua.

Esther 10:3

Gai taane Ssuu go Mordecai, go togolua i lalo o de hodooligi go Ahasuerus, ia se daane maolunga i daho de gau Ssuu, ma de hagadubu i daho ono dangada, go hiidinga ia ne hagammahi ga ssala de mee e danuaa ange gi ono dangada donu, ma de hai hegau ange gi nnoho paba denga hagadiilinga alodahi.

Psalm 112:10

Tangada baubau e lili i dana gidee mee nei; ia e kadi naa ono niho ma de madagu; gai mee o tangada baubau e lodo ai e llilo naa donu.

Proverbs 27:4

De lili e kona de alasala, gai de bole e kii ange donu de baubau, aagai goai e maua i de hai baasi ange gi de maagoda?

Proverbs 30:22

go tangada hai hegau e sula laa ga se hodooligi, ma tangada lodo senga e gaimee laa ga bosu,

Ecclesiastes 10:7

Au gu gidee de gau hai hegau i honga hoosa, gai denga dagi o de henua e seesee, bei de gau hai hegau.

Isaiah 15:5

Au gu dangi ogu lodo i hiidinga o Moab; hanu ono dangada gu saavini ma gu hulo gi Zoar, ma Eglath Shelishiyah. Gilaadeu e tangi ma e hulo ai i delaadeu loage i de haiava e hano laa gi Luhith, gilaadeu e tangi i hiidinga mee gu maoha laa i honga de haiava e hano laa gi Horonaim.

Jeremiah 41:10

Gai Ishmael ne noonooa dangada alodahi e doe i Mizpah ga kave: go denga damaa hine a de hodooligi, madali dangada alodahi e doe i Mizpah, go dangada a Nebuzaradan tagi o de gau hagaloosi ne dugu i daho Gedaliah tama daane a Ahikam. Gai Ishmael tama daane a Nethaniah ne noonoa gilaadeu alodahi ga hulo ai gilaadeu gi daho de gau Ammon.

Jeremiah 48:34

Leo o delaadeu tangi gu langona mai i Heshbon ga dae ai gi Elealeh, ma Jahaz, ma mai i Zoar ga dae ai gi Horonaim aama Eglath Shelishiyah, gai Nimrim gu deai vai iai.

Jeremiah 48:5

Dangada e loage naa e hulo gi Luhith, gai gilaadeu e tangi i delaadeu loiho i honga de haiava e hano laa gi Horonaim; gai gilaadeu e langona naa de tangi o dangada, i de manavasaa olaadeu lodo i hiidinga de oohaa mee.

Acts 4:2

gilaadeu gu llili i delaau agoago ange dangada ma de tala hagadonu dagodo o de mouli age o de gau maakau i lodo o Klisdo.

Acts 5:24

Gai ga langona huu e tagi o de gau hagaloosi o de temple ma de gau haimeedabu maolunga alaadeu muna, gai gilaadeu gu dee tonu ange gi tagodo laa, gai gilaadeu ne hagasaele be dee hee tagodo laa.