Nehemiah 13:10 - De Beebaa Dabu

¹⁰ Au ne iloo hogi bolo tiba a denga hagadiilinga o Levi gu dee gaavange gi gilaadeu, deelaa ai, denga hagadiilinga o Levi ma de gau daahili e haia hegau gu aahe gi de mommee iai alaadeu veelenga.

Nehemiah 13:10 Iomraidhean Croise

2 Chronicles 31:4

Gai ia ga hai ange gi dangada e nnoho i Jerusalem gilaadeu gi gaavange duuhanga o de gau haimeedabu ma denga daane de aamuli o Levi, gi maua ai e gilaadeu i de hagassula hainga a Tagi Maolunga.

Nehemiah 10:37

Gai gimaadeu e gaamai hogi gi lodo mommee doange o de hale o demaadeu Maadua, ga gaavange gi de gau haimeedabu, tahi laabunga o amaadeu pelaoaa lligi ma amaadeu grain e sigidaumaha, aama hua i taamada o amaadeu manu alodahi, ma amaadeu uvaini hoou, aama lolo. Gai gimaadeu e daohi age hogi dahi diba i diba e madaangahulu o hua i honga omaadeu gelegele gi de aamuli o Levi, i hiidinga go gilaadeu e hagabudulia dahi diba i diba e madaangahulu i aduhale alodahi omaadeu e hai hegau ai.

Nehemiah 10:39

Gai de gau Israel ma de aamuli o Levi gi gaamai denga grain alaadeu e daohia age laa, ma uvaini hoou, ma lolo gi denga mommee e doange ai laa goloa o de mommee dabu, go de mommee o de gau haimeedabu e hai hegau ai laa, ma de gau hagaloosi haitoga, aama de gau daahili e nnoho ai laa hogi. Gai gimaadeu e dee tili naa donu de hale o demaadeu Maadua.”

Nehemiah 12:47

Laangi o Zerubbabel ma Nehemiah, gai de gau Israel alodahi ne gaavange diba a de gau daahili ma de gau hagaloosi haitoga i dahi laangi ma dahi laangi. Gilaadeu ne vvae hogi tiba a de hagadiilinga o Levi ange laa, gai denga hagadiilinga o Levi ne vvae gee tiba a denga hagadiilinga o Aaron.

Isaiah 43:23

Koe tee gaamai gi de au hanu ssiibi e hai ai denga sigidaumaha dudu; aabe ne hagadubu au i au sigidaumaha. Au tee hagadaemaha goe i denga sigidaumaha, aabe ne hagadalea goe i sigidaumaha o denga frankincense.

Malachi 3:8

E aha, e heohi de gaiaa a tangada mee a de Maadua? Gai goodou gu gaiaa donu agu mee! Aagai goodou e ssili, ‘Dee hee demaadeu hai ne gaiaa ai au mee?’ Goodou ne gaiaa dahi diba i diba e madaangahulu ma denga sigidaumaha.

Numbers 35:2

“Daalaa ange gi de gau Israel, gilaadeu gi vaaea ange gi de aamuli o Levi hanu aduhale i lodo olaadeu vaaenga, e nnoho ai gilaadeu, aama denga mommee iai helii i luu baasi denga aduhale laa.

Deuteronomy 12:19

Gai goodou dagidiiloo gi dee ngalo e goodou de aamuli o Levi, i taulooloa doodou nnoho i honga doodou henua.