Nehemiah 1:6 - De Beebaa Dabu

⁶ hagahuuhulia mai luoo dalinga ma luoo mada, mage hagalaangona talodalo a doo dangada hai hegau, e dalodalo ai i mada luoo mada i de laangi ma de boo i dagodo o de gau Israel, oo dangada hai hegau, ma de tala adu haisala o de gau Israel gu haisala adu ai gi de goe. Ni muna abodonu, gimaadeu ma ogu dubuna madagidagi gu haisala adu donu gi de goe.

Nehemiah 1:6 Iomraidhean Croise

1 Kings 8:30

Gai koe hagalaangona tangidangi a doo dangada hai hegau, aama oo dangada go de gau Israel, i delaadeu huuhuli mai gi de mommee nei e dalodalo ai. Gai koe hagalaangona mai i doo mommee noho i de langi, gai de masavaa naa huu aau e langona ai, gai koe ga degi mai.

1 Kings 8:47

gai noo gilaadeu e sui olaadeu lodo i de henua olaadeu gu gaavee laa aagena, ga daahuli olaadeu lodo, ga dangidangi adu gi de goe i de henua o dangada ne hagadee kii ina gilaadeu, ga hagataba, ‘Gimaadeu gu haisala, gimaadeu gu dee heohi ma de baubau amaadeu mee gu hai,’

2 Chronicles 28:10

Gai goodou gu maanadu e hai denga daane ma haahine mai i Judah aama Jerusalem gi ni dangada hai hegau niiodou. E aha, goodou tigi haisala ange naa hogi gi Tagi Maolunga doodou Maadua?

2 Chronicles 29:6

Odaadeu dubuna madagidagi tee hai hegau i de muna abodonu; gilaadeu ne hai de baubau i mada luu mada o Tagi Maolunga, taadeu Maadua ma de tili ia. Gai gilaadeu ne daahuli gee i de mommee o Tagi Maolunga e noho ai, ga huuhuli ange olaadeu dua gi de ia.

2 Chronicles 6:40

Dogu Maadua, koe gi galo iho ma de hagalaangona talodalo e hai i de mommee nei.

Ezra 10:1

Gai de masavaa o Ezra ne dalodalo ai ga tala olaadeu haisala, ma de dangi ga ino gi honga de gelegele, i mada i mua o de hale o de Maadua, gai ne soa daane ma haahine aama gauligi o Israel gu hagabuni mai gi kilaa; gai gilaadeu alodahi gu tangi mmao.

Ezra 10:11

Deenei ai, iainei gai goodou daalaa ange oodou haisala gi Tagi Maolunga, de Maadua o oodou dubuna madagidagi, gai goodou haia ono lodo; goodou vaaea gee goodou mai i dangada o de henua nei aama mai i denga haahine henua gee.”

Nehemiah 1:11

Dogu Ia Aamua, aude haihaia hagalaangona dalodalo a doo dangada hai hegau ma dalodalo a oo dangada hai hegau, e malangilangi laa i de hagadubu i doo ingoo. Haia gi sula hagatau a doo dangada hai hegau ailaa nei, ma de abodonu mai gi de au i mada i mua o taane nei.” De masavaa laa gai go au tangada e daohia de unu a de hodooligi.

Psalm 102:17

Ia e basa ange naa gi dalodalo a de gau hagaau aloha, gai ia e dee hagangadi mee alaadeu dangidangi.

Psalm 106:6

Gimaadeu gu haisala, bei hegau a omaadeu dubuna madagidagi; gimaadeu gu hai mee dee heohi, ma de hai de baubau.

Psalm 130:2

Dogu Ia Aamua, hagalaangona dogu leo. Anga mai hagalaangona dogu dangidangi adu koe gi abodonu mai.

Psalm 32:5

Au e tala adu ogu haisala gi de goe, au e dee hagammuni donu ogu baubau; au ne hagadaba, “Au e tala ange ogu haisala gi Tagi Maolunga;” gai koe ne degi mai gi ogu haisala. Selah

Psalm 34:15

Tagi Maolunga e dagitilo gilaadeu e heohi, gai luoono dalinga e hagallongo alaadeu dangidangi.

Psalm 55:17

De ahiahi, taiao aama de hualaangi gai au e dangidangi i de duasala ogu lodo, gai ia ne hagallongo dogu dangi.

Psalm 88:1

Tagi Maolunga, dogu Maadua, go koe dogu hagaola; au e hagahi adu i de laangi ma de boo.

Isaiah 6:5

Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”

Lamentations 5:7

Omaadeu dubuna ne haisala, gilaadeu gu dee mouli iainei; gai gimaadeu gu hagaduasala i hiidinga o olaadeu baubau.

Daniel 9:15

Gai iainei, de Ia Aamua demaadeu Maadua, go koe ne hagassao ina mai oo dangada i de henua go Egypt i doo lima mmahi, ma de hagamaolunga doo ingoo bei tagodo o anailaa nei, gimaadeu gu haisala, gimaadeu gu hai hegau baubau.

Daniel 9:20

Gai de masavaa aagu e tala ai agu muna ma de dalodalo, ga tala ogu haisala ma haisala o ogu dangada go de gau Israel, aama de dangidangi ange gi Tagi Maolunga dogu Maadua i hiidinga o dono mounga dabu —

Daniel 9:4

Gai au ne dalodalo ange gi Tagi Maolunga dogu Maadua, ga tala omaadeu haisala, ga hai ange: “Dogu Ia Aamua, go koe de Maadua maolunga ma de hagamaatagu, gai se Maadua e daohia dana hagatoo donu hagaheloongoi, ange gi gilaadeu e aaloha i de ia ma de daudali i ana muna.

Daniel 9:5

Gimaadeu gu haisala ma de baubau amaadeu mee ne hai, gimaadeu gu hai baasi adu donu gi de goe, gimaadeu gu hulo gee i au hainga ma au hagamodu.

Daniel 9:8

Tagi Maolunga, gimaadeu ma omaadeu hodooligi, ma omaadeu dagi o de henua, aama omaadeu dubuna gu dookaa mmao, i hiidinga gimaadeu gu haisala adu gi de goe.

Luke 18:7

E aha, de Maadua e dee bale ange ana dangada gu hili, i delaadeu tangi ange gi de ia i de laangi ma de boo? E aha, ia e hai naa gilaadeu gi daalia i dahi masavaa daulooloa?

Luke 2:37

gai ia tee ahe ange e hai bodu, de masavaa laa gai gu madavalu ma haa ono ngadau. Gai ia e dee hano gee donu i de temple, gai ia e daumaha ma de hagahiigai, aama de dalodalo i de boo ma de laangi i kilaa.

Ephesians 2:3

Gidaadeu alodahi ne mouli bei olaadeu dagodo i masavaa gu hulo, i taadeu hai lodo haisala alodahi o de angaanga, ma de daudali i lodo ma maanadu o de angaanga. Gai gidaadeu gu paba ange donu e hagaduasala i de lili ⌊o de Maadua⌋, bei dagodo o de gau ange laa.

1 Timothy 5:5

De hine gu magau dono bodu gai e duasala abodonu, aagai e deai dangada e balea ange ia, dana tali hagalodolodo go de Maadua, gai ia e duudagi tangidangi ange gi de Maadua i de laangi ma de boo.

2 Timothy 1:3

Au e hagaahe ange de abodonu gi de Maadua, de ia oogu e daumaha ange aagena i tagi o ogu lodo i de muna abodonu, bei ogu dubuna madagidagi, i dagu masavaa e maanadu ai goe i agu dalodalo i de boo ma de laangi.

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.