Nehemiah 1:3 - De Beebaa Dabu

³ Gai gilaadeu ga hai mai, “Dangada ne ola ga nnoho i de henua gu hai ngadaa mmao ma de hagadookaa olaadeu dagodo; de buibui o Jerusalem gu maoha, gai ono haitoga gu lava i de dudu i de ahi.”

Nehemiah 1:3 Iomraidhean Croise

1 Kings 9:7

gai au e aau gee naa Israel mai i de henua aagu gu gaavange gi gilaadeu, ma de tili de hale aagu gu hagadabu ange gi dogu ingoo. Gai Israel e hai naa ga se muna e hakadanga ai dangada alodahi.

2 Kings 25:10

Gai de hagabuulinga hebagi o Babylon alodahi ne loomai laa madali tagi o de gau hagaloosi ga oha de buibui i luu baasi o Jerusalem.

2 Chronicles 36:19

Gai gilaadeu ne dudu de hale o de Maadua, ma de oha de buibui o Jerusalem; gilaadeu e dudu naa denga hale danuaa alodahi ma de oha denga goloa hagamogomogo alodahi i kilaa.

Ezra 2:1

Aanei de gau de henua ne aahe mai, i dangada a Nebuchadnezzar, de hodooligi o Babylon, ne kave laa gi Babylon. (Gilaadeu ne aahe gi Jerusalem ma Judah, gai dahi ma dahi ne ahe ga hano gi dono aduhale donu.

Ezra 5:8

De hodooligi, koe gi iloo bolo gimaadeu gu hulo gi de henua go Judah, ma de hale o de Maadua maolunga laa. Gai gu daamada donu de hagaduu age i hadu nnui, gai denga laagau gu hagatuu i magavaa hadu o de buibui. Gai de hegau nei gu sula danuaa ma de hagadagadaga age.

Nehemiah 11:3

Gai aanei dagi o denga vaaenga ne nnoho i Jerusalem (gai hanu dangada Israel, ma hanu gau haimeedabu, ma hanu i de aamuli o Levi, ma hanu dangada hai hegau o de hale daumaha, aama aamuli o de gau hai hegau o Solomon ne nnoho i hanu aduhale o Judah, dahi ma dahi ne nnoho i honga dono gelegele i olaadeu aduhale,

Nehemiah 2:13

Au ne hano i de boo laa lo te Haitoga i de Geelonga e hano laa gi de Vai Geli o de Dragon ga hano ai gi de Haitoga o Duudae. Gai au ne tilo denga mommee i de buibui o Jerusalem gu maoha laa, ma ono haitoga gu dudu laa ma gu maoha i de ahi.

Nehemiah 2:17

Gai au ga hai ange gi gilaadeu, “Goodou gu gidee de hai ngadaa odaadeu gu tuu ange aagena, i hiidinga Jerusalem gu maoha ma e ngadi dagodo, gai ono haitoga gu lava i de dudu. Loomai, gidaadeu ga hagaduu age de buibui o Jerusalem, gi dee hagangadi mee ina ai gidaadeu.”

Nehemiah 2:3

aagai au ne hai ange gi de hodooligi, “Gi daulooloa de mouli o de hodooligi! Gai gu aha gu dee lodo baubau ai au, gai de aduhale iai daanunga o ogu dubuna madagidagi e maoha ma e dagodo ai, ono haitoga gu dudu ma gu maoha?”

Nehemiah 7:6

Aanei de gau de henua a Nebuchadnezzar, de hodooligi o Babylon, ne kave laa gi Babylon. (Gilaadeu ne aahe mai gi Jerusalem ma Judah, dahi ma dahi ne ahe ga hano gi dono aduhale donu;

Esther 1:1

Aanei mee ne hai i de masavaa o Ahasuerus e hodooligi ai; deenei Ahasuerus ne hodooligi laa i e 127 vaaenga, mai i India ga hano ai gi Ethiopia.

Psalm 79:4

Gai gimaadeu gu ni mee e hakadanga ai dangada e paa mai gi gimaadeu, gai gu hagangadi mee i daho dangada i omaadeu gaogao.

Proverbs 25:28

Tangada e dee maua laa i de golomagi ono lodo, e bei de aduhale gu maoha laa dono buibui.

Isaiah 43:28

Gai au e hagangadi mee naa denga dagi o doo mommee dabu, ma de hai gi oohaa Jacob, ma de hai gi hagangadi ina Israel.

Isaiah 5:5

Iainei gai au e tala adu gi goodou dagu hai e hai ai dagu veelengaa grape: au e aau gee naa de buibui i luu baasi, gai e oha naa ga maoha; au e oha iho naa dono buibui, gi dagadagahia ai gi lalo.

Jeremiah 24:9

Au e hai naa gilaadeu gi se mee hagamaatagu, ma de kino ai dangada, i denga nohoanga hodooligi alodahi o henua i lalo, gai gi se mee e hakadanga ai ma de pasa ai o dangada, gai gi se muna hagamalaia i henua alodahi, aagu e hai gilaadeu gi hulo aagena.

Jeremiah 29:18

Au e doolohi naa gilaadeu i de gadilaasa, ma de onge aama de mee hagamaakau, ma de hai gilaadeu gi se mee hagamaatagu ange gi denga nohoanga hodooligi alodahi o henua i lalo, gai gi se mee hagamalaia, aama de mee hagamaatagu, ma de llele ai mouli o dangada, ma de hagangadi mee ina i daho denga huaahenua aagu e hai gilaadeu gi hulo aagena.

Jeremiah 39:8

Gai de gau Babylon ne dudu de hale o de hodooligi ma hale o dangada, ma de oha iho de buibui o Jerusalem.

Jeremiah 42:18

Gai e hagadaba Tagi o denga hagabuulinga hebagi, de Maadua o Israel: Dogu lili ma dogu bole ne hai baasi ange gi dangada e nnoho i Jerusalem, gai e bei ai hogi, dogu bole e hai baasi adu naa hogi gi goodou i de masavaa oodou e hulo ai gi Egypt. Goodou e hai naa ga se mee hagamalaia ma de hagamaatagu, gai se mee e kino ai ma de hakadanga ai o dangada; goodou e dee gidee ange naa donu de mommee nei.’

Jeremiah 5:10

Hannoo laa lodo ana veelengaa grape ga oohaa ai, aagai e dee oha gi odi. Aaua gi odi iho ono laa, go hiidinga gilaadeu e dee nii Tagi Maolunga.

Jeremiah 52:14

Gai de hagabuulinga hebagi o Babylon alodahi ne loomai laa madali tagi o de gau hagaloosi ga oha de buibui i luu baasi o Jerusalem.

Lamentations 1:7

Laangi oona ne vaivai haia ai ma de silivaahea saele ai, gai Jerusalem ne manadua denga goloa hagamogomogo alodahi, e hanu i ono daha i denga laangi gu hulo. De masavaa o ono dangada ne hagadee kii ina ai, gai teai donu se dangada ne balea ange ia. Ono hagadaumee ne haina ia, ma de kada i dono hagadee kii ina.

Lamentations 2:9

Haitoga o de aduhale gu baakuu gi honga de gelegele; gai olaadeu laagau hagamakaga gu hadihadi ma de maoha. De hodooligi ma denga dagi o de henua gu gaavee gi denga huaahenua; gai gu deai donu hainga, gu deai hogi midi e hagaago ange gi denga pelaabisi mai i daho Tagi Maolunga.

Lamentations 3:61

Tagi Maolunga, koe gu langona delaadeu hai ne hagadogaa ai au, ma alaadeu hagatau alodahi e hai mai gi de au.

Lamentations 5:1

Tagi Maolunga, aude ngalo mee gu hai mai gi gimaadeu; galo mai ma gi diiloo, gimaadeu gu hagangadi mee ina!

Leviticus 26:31

Au e oha naa gi maoha oodou aduhale, gai ni mommee dabu gi ngadi daakodo, gai au e dee hagadungu naa donu oodou sigidaumaha nnamu kala.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.