Nehemiah 1:11 - De Beebaa Dabu

¹¹ Dogu Ia Aamua, aude haihaia hagalaangona dalodalo a doo dangada hai hegau ma dalodalo a oo dangada hai hegau, e malangilangi laa i de hagadubu i doo ingoo. Haia gi sula hagatau a doo dangada hai hegau ailaa nei, ma de abodonu mai gi de au i mada i mua o taane nei.” De masavaa laa gai go au tangada e daohia de unu a de hodooligi.

Nehemiah 1:11 Iomraidhean Croise

Genesis 24:42

De masavaa oogu ne dae mai ai gi de vai anailaa nei, gai au ne dalodalo, ga hai ange, ‘Tagi Maolunga, de Maadua o dogu dangada aamua go Abraham, aude haihaia, haia gi sula danuaa dogu hanonga ne humai ai nei.

Genesis 32:11

Au e dangidangi adu, koe gi hagaola ina au mai i dogu daina go Esau, go hiidinga au e madagu ia kana humai ga hebagi mai gi gimaadeu ma denga dinana aama denga gauligi.

Genesis 32:28

Gai ia ga hai ange, “Koe gu dee hagaingoo ange go Jacob, aagai go Israel, go hiidinga koe gu daudau ange gi de Maadua ma dangada, gai koe gu kii.”

Genesis 40:1

Dua mee nei, gai taane e haia mee unu ma taane e haia pelaoaa a de hodooligi o Egypt, ne haisala ange gi delaau dangada aamua, go de hodooligi o Egypt,

Genesis 40:2

gai Pharaoh gu lili i luu daane hai hegau laa, go taane e haia mee unu aama taane e haia pelaoaa.

Genesis 40:21

Gai ia ga hagaahe ange taane e haia mee unu gi dono duulanga, gai taane laa ne ahe ange ga dugu ange de ubu gi lo te lima o Pharaoh.

Genesis 40:23

Gai taane e haia mee unu tee manadua e ia Joseph; ia gu ngalo ia.

Genesis 41:9

Gai taane e haia mee unu a de hodooligi ne hai ange gi Pharaoh, “Anailaa nei gai au gu manadua ogu haisala.

Genesis 43:14

Gai de Maadua Mmahi Mmao laa gi lodo aloha adu gi goodou, i mada i mua o taane laa, gai ia gi dugu adu doodou daina daane ange laa ma Benjamin gi aahe mai madali goodou. Gai noo au gu hinangalosaa i teai agu dama, gai au gu hinangalosaa.”

2 Chronicles 6:40

Dogu Maadua, koe gi galo iho ma de hagalaangona talodalo e hai i de mommee nei.

Ezra 1:1

Gai tahi ngadau huu o Cyrus ne hodooligi ai i Persia, gai Tagi Maolunga ne hagassula ana muna gu tala i daho Jeremiah. Ia ne hagangalue lodo o Cyrus de hodooligi o Persia, gai ia ga hagailoo i mommee alodahi i dono nohoanga hodooligi ma de sisi muna nei ga daohi:

Ezra 7:6

deenei taane go Ezra ne humai laa i Babylon. Ia se dangada sisi e agoagona hainga a Moses, go hainga a Tagi Maolunga, de Maadua o Israel gu gaavange ⌊gi Moses⌋. Gai de hodooligi ne gaavange gi de ia, mee alodahi oona ne dangidangi ange ai, go hiidinga de lima sauaa o Tagi Maolunga i ono elunga.

Nehemiah 1:6

hagahuuhulia mai luoo dalinga ma luoo mada, mage hagalaangona talodalo a doo dangada hai hegau, e dalodalo ai i mada luoo mada i de laangi ma de boo i dagodo o de gau Israel, oo dangada hai hegau, ma de tala adu haisala o de gau Israel gu haisala adu ai gi de goe. Ni muna abodonu, gimaadeu ma ogu dubuna madagidagi gu haisala adu donu gi de goe.

Nehemiah 2:1

Gai de malama huu go Nisan, i de madalua ngadau o de hodooligi go Artaxerxes, i de masavaa ne gaamai ai uvaini gi de ia, gai au ne kave denga uvaini ga gaavange gi de hodooligi. Gai tigi ai ange donu se masavaa oogu ne lodo baubau ai, i ono mada i mua.

Nehemiah 2:8

Gai siia hogi dahi leda ange gi Asaph, taane e diiloo ange de gelegele o de hodooligi i lodo henua, gai ia ga gaamai ai laagau e hagatuu ai denga haitoga, o de hale buibui makaga i gaogao de temple, ma de buibui o de aduhale, aama dogu hale e noho ai.” Gai de hodooligi ne dugu mai mee alodahi oogu ne dangidangi ange ai, go hiidinga de lima sauaa o de Maadua e dagodo i ogu elunga.

Psalm 106:46

Gai ia ne hai dangada ne hagadee kii ina gilaadeu gi lodo aaloha ange gi gilaadeu.

Psalm 130:2

Dogu Ia Aamua, hagalaangona dogu leo. Anga mai hagalaangona dogu dangidangi adu koe gi abodonu mai.

Psalm 61:5

De Maadua, koe gu langona dagu hagatoo donu, gai koe gu gaamai gi de au de boolonga o dangada e maatagu i de goe.

Psalm 86:6

Tagi Maolunga, anga mai gi dagu dalodalo; gai hagalaangona dogu dangidangi adu i de abodonu.

Proverbs 1:29

Go hiidinga gilaadeu ne kino i de iloo mee, gilaadeu tee hai gi maatagu gilaadeu i Tagi Maolunga,

Proverbs 21:1

Lodo o de hodooligi e bei ssaalingaa vai i lo te lima o Tagi Maolunga; gai ia e hai gi hano be go hee aana e lodo e hai gi hano aagena.

Jeremiah 42:12

Gai au e lodo aloha adu naa gi goodou, ga hai ia gi abodonu adu gi goodou, ga hagaahe mai ai goodou gi doodou henua.’

Malachi 3:16

Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.

Hebrews 13:18

Goodou dalodalo i omaadeu hiidinga. Gimaadeu e iloo bolo tagi i omaadeu lodo e gilimalali, ma de llodo e hai de mee heohi i mee alodahi.