Nahum 3:5 - De Beebaa Dabu

⁵ E hagadaba Tagi o denga hagabuulinga hebagi, “Au e hai baasi adu gi de goe, au e langa age naa oo malo gi dogaa ai goe. Au e hai naa denga huaahenua gi gidee lodo oo malo ma de hagaago ange gi denga nohoanga hodooligi doo hagadogaa ina.

Nahum 3:5 Iomraidhean Croise

Jeremiah 13:22

Gai noo koe e ssili i oo lodo, “Gu aha gu hai mai ai mee nei gi de au?” — go hiidinga de lagolago oo baubau ne aau gee ai oo malo ma doo haia gi de mahi.

Jeremiah 13:26

Au e hagaui naa oo malo ga haoli ai luoo mada gi dogaa ai goe i doo gilisau.

Jeremiah 50:31

Tilo, tangada hagamaolunga, au e hai baasi adu gi de goe, go de Ia Aamua, Tagi o denga hagabuulinga hebagi e hagadaba; go hiidinga gu dae mai donu doo laangi, go de laangi aagu e hagaduasala ai goe.

Ezekiel 16:37

deenei ai, tilo, au e hagabuni mai naa oo dau soa alodahi, go gilaadeu oou ne dagodo haisala madali, go gilaadeu alodahi oou ne aloha ai aama gilaadeu oou ne kino ai. Au e gaamai naa gilaadeu i mommee alodahi gi hai baasi adu gi de goe, ma de hagaui oo malo i olaadeu mada i mua, gi gidee ai e gilaadeu doo gilisau.

Ezekiel 21:3

hai ange gi de henua laa, ‘E hagadaba Tagi Maolunga: Tilo, au e hai baasi adu donu gi de goe. Au e dada mai naa dagu gadilaasa i lo tono hale e daa ai gi maakau dangada heohi ma de gau baubau alodahi i oo daha.

Ezekiel 23:25

Au e hagaduasala naa goe i dogu lodo mmahi, gai gilaadeu ga vaivai hai ai goe i delaadeu llili. Gilaadeu e duuduu naa doo usu ma luoo dalinga, gai dangada e ola e daia naa ga maakau i de gadilaasa. Gilaadeu e booboo naa au dama daane ma damaa hine ga kave, gai ga dudu dangada e doe i de ahi.

Ezekiel 23:29

Gai gilaadeu e hagaduasala naa goe i delaadeu llili, ga kave gee mee alodahi oou ne hai hegau ange aagena. Gilaadeu e tili naa goe i doo gilisau, gai koe e dogaa naa i de iloo mai doo hai be se manu. Mee ne hai adu naa gi de goe i hiidinga o au dahulinga hakino gee ma doo hai be se manu;

Ezekiel 26:3

deenei ai, e hagadaba de Ia Aamua go Iahweh: Tyre, au e hai baasi adu gi de goe, gai au e hai naa gi loomai denga huaahenua soa gi hebagi adu gi de goe, bei de beabeau o honga tai.

Micah 1:11

Dangada e nnoho i Shaphir, goodou seesee hulo i doodou dookaa ma de gilisau. Dangada e nnoho i Zaanan e dee ssao mai gi tua de buibui. Beth Ezel gu hinangalosaa; go hiidinga delaadeu buibui gu gaavee gee.

Nahum 2:13

“Tilo, au e hai baasi adu gi de goe, go Tagi o denga hagabuulinga hebagi e hagadaba. Au e dudu naa oo hada hebagi, gai au laiono mmahi e daa naa ga maakau i de gadilaasa. Au e kave gee naa mee alodahi aau ne mau i henua i lalo. Gai leo o oo dangada hagailoo e deai naa donu dangada e langona.”

Habakkuk 2:16

Koe e dogaa naa, e dee hagadubulia. Koe gi hagaunu ina donu huu goe, ma de hai gi gilisau goe! De ubu mai i de lima madau o Tagi Maolunga e hagadige mai naa gi de goe, gai doo hagadubu e sui naa ga se hagangadi mee!