Nahum 3:16 - De Beebaa Dabu

¹⁶ Oo dangada hagao mee gu kii ange de soa; gilaadeu gu soa gai gu lagolago ange i denga heduu i lo te langi. Aagai denga itebuubuu e gai naa ga odi mee i honga de henua gai muli mai gu llele ga hulo.

Nahum 3:16 Iomraidhean Croise

Genesis 15:5

Gai Tagi Maolunga ga hai Abram gi sao gi duaahaho, gai ia ga hai ange, “Galo age gi lo te langi i lunga mage daulia denga heduu be maua e goe i de dau.” Gai ia ga hai ange gi de ia, “Au e gaavadu naa hogi doo aamuli gi soa bei dagodo o denga heduu.”

Genesis 22:17

deelaa ai, au e hagamanuuia naa donu goe, ga hai gi soa oo hagadiilinga, bei de lagolago o denga heduu i lo te langi, ma de lagolago o denga gelegele i gaogao tai. Gai oo hagadiilinga e kave naa denga aduhale o olaadeu hagadaumee.

Nehemiah 9:23

Gai koe ne hai gilaadeu gi hagadili gi soa bei de lagolago o denga heduu i lo te langi, gai koe ne kave gilaadeu ga tae gi de henua aau ne hai ange gi olaadeu dubuna madagidagi gilaadeu gi hulo gi henua ai.

Psalm 105:34

Ia ne tala de muna, gai gu loomai denga itebuubuu, ni itebuubuu lagolago e dee maua i de dau;

Isaiah 23:8

Goai ne haia de hagatau e hai baasi ange ai gi Tyre, go de aduhale hodooligi laa, ono gau hagao mee go dagi o de henua, gai ni dangada hagadubulia i henua i lalo?

Jeremiah 33:22

Gai au e hai naa gi soa hagadiilinga o dogu dangada hai hegau go David ma mogobuna o Levi e haia hegau a tangada haimeedabu i mada luoogu mada, bei de lagolago o denga heduu aama gelegele i gabugabu tai e dee maua laa i de dau.”

Joel 1:4

Mee ne doe i gai a denga itebuubuu, gai de hagabuulingaa itebuubuu gu gai; mee ne doe mai i de hagabuulingaa itebuubuu gai denga itebuubuu e tolo laa gu gai; mee ne doe mai i denga itebuubuu e tolo laa gai denga itebuubuu ange laa gu gai.