Nahum 2:2 - De Beebaa Dabu

² Tagi Maolunga e hagaahe ange naa de mahamaha o Jacob bei de mahamaha o Israel, e dee galemu donu de gau e oohaa mee gu oha gilaau ma gu ngadi dagodo gai gu hadihadi olaau laa.

Nahum 2:2 Iomraidhean Croise

Psalm 47:4

Ia ne hili de henua e bolo mai gi gidaadeu, go de mommee o Jacob e lodo ai, de ia oona e aloha ai laa. Selah

Isaiah 60:15

E dee galemu donu koe ne dilia ma de kino ai o dangada, gai gu deai dangada e loomai laa kilaa, aagai au e hai naa goe gi maolunga ga hano ai, gai gi se mommee e malangilangi ai denga atangada alodahi.

Jeremiah 25:29

Tilo, au gu daamada de hai gi humai dahi hai ngadaa gi de aduhale iai dogu ingoo; e aha, goodou e maanadu bolo goodou e dee hagaduasala? Goodou e hagaduasala donu, go hiidinga au e hagahi mai naa de gadilaasa gi hai baasi ange gi dangada alodahi e nnoho i henua i lalo, go Tagi o denga hagabuulinga hebagi e hagadaba.’

Jeremiah 48:11

Moab ne noho baba mai i dono gauligi, bei dagodo o denga uvaini e dee hagangalungalue laa, tigi llingi ange gi dahi ssaa gee — ia tigi gaavee hogi gi dahi henua gee. Ia goi mami danuaa donu huu, gai dono nnamu tigi dagodo gee donu.

Jeremiah 49:9

E aha, noo de gau hagihagi e loomai e hagihagi denga grape i oo daha, gai gilaadeu e dee dugu naa hanu grape? Gai noo de gau gaiaa e loomai i de boo, gilaadeu e dee kave naa donu huu olaadeu mee e llodo ai?

Ezekiel 37:21

gai koe ga hai ange gi gilaadeu, ‘E hagadaba de Ia Aamua go Iahweh: Tilo, au e hagaahe mai naa de gau Israel i denga huaahenua olaadeu gu hulo laa aagena. Au e hagabuni mai naa gilaadeu i mommee alodahi, ga hagaahe mai gilaadeu gi delaadeu henua donu.

Ezekiel 37:23

Gai gilaadeu e dee aahe ange naa e hai gi hakino gee gilaadeu i olaadeu diinonga ma alaadeu mee hakino gee, be go hanu mee olaadeu gu haisala ai, gai au e hagaola naa gilaadeu mai i denga mee alodahi ne haia gilaadeu ga aahe dua, gai au e hagagilimalali naa gilaadeu. Gai gilaadeu e hai naa go ogu dangada, gai au go delaadeu Maadua.

Hosea 10:1

Israel e bei dagodo o dahi grapevine lau kohu, gu loage laa ono hua. Gai ga hagadaga ange huu de lagolago ono hua gai ia ga hagaduu gu kii ange de lagolago ono mommee o ssigidaumaha. Gai ga hagadagadaga age huu dono lava, gai ia ne hagalaagii ono duludulu hadu dabu.

Nahum 2:10

Nineveh gu se ngadi aduhale, gu maoha ma gu ngadi dagodo ai! Dangada gu maatagu, gai olaadeu duli gu pole; dangada alodahi gu manavasaa, gai gu mada tea olaadeu mada!

Nahum 3:14

Asua mai vai e hagadabena ange gi de masavaa e duuli ina ai luu baasi o de aduhale, hagamakaga ina oo buibui! Gaamai denga bela pigi, ma de hilo denga mortar, gai hagadabena ina de mee e hagannoho ai denga cement!

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.