Nahum 2:1 - De Beebaa Dabu

¹ Nineveh, tangada oohaa mee gu humai e hai baasi adu gi de goe. Dagitilo i honga de buibui o de aduhale; hagaloosia de haiava; hagadaabena ina oodou goloa hebagi, gai hagammahi ina goodou ma de lo taane!

Nahum 2:1 Iomraidhean Croise

2 Chronicles 25:8

Aagai noo koe e maanadu bolo deenei doo hai e mmahi ai i de hebagi, gai de Maadua e hai naa oo hagadaumee gi hagadee kii ina goe, i hiidinga go mahi o de Maadua e maua i de bale aabe go de hagadee kii.”

Psalm 50:14

Hagaahe ange de abodonu gi de Maadua i ssigidaumaha, koe gi hagassula ina au hagatoo donu ange gi de Ia Maolunga Mmao laa,

Psalm 65:2

Koe, de ia e hagalaangona amaadeu dalodalo, dangada alodahi gi loomai gi de goe.

Isaiah 14:6

go de mee alaadeu e daa ai dangada i hanonga lagolago i delaadeu llili, ma de dagi denga huaahenua i de lili, aama tee tuu de vaivai hai gilaadeu.

Isaiah 29:7

Gai dangada soa o denga huaadangada alodahi e hebagi ange laa gi Ariel, ma de hebagi ange gi de aduhale ga oha ono hale buibui makaga ga duuli luu baasi, e bei naa donu dagodo o dahi midi, ma dahi midi hagaago ange i de boo —

Isaiah 29:8

bei tangada saalohia e midi ange laa bolo ia e noho ma e gaimee, aagai ga alahage huu ia, gai ia goi saalohia donu huu; aabe go tangada hieunu e midi laa bolo ia e noho ma e unu; aagai ia e hieunu dono huu i dono alahage, tigi helui donu dono hieunu. Gai e bei ai hogi dagodo o hagabuulinga soa o denga huaahenua alodahi e hebagi ange laa gi de mounga go Zion.

Isaiah 52:7

Ga dae laa de mahamaha i honga denga mounga vae o dangada e gaamai de longo danuaa, go de ia e daalaa dagodo o de nnoho paba, ma de gaamai denga longo danuaa ma de tala dagodo o de hagaola, ma de hai ange gi Zion, “Go doo Maadua e hodooligi!”

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Jeremiah 50:23

De haamaa o henua i lalo alodahi ⌊go Babylon⌋ gu hhadi ma gu maoha! Denga huaahenua gu llele olaadeu mouli i de ngadi dagodo o Babylon!