Nahum 1:8 - De Beebaa Dabu

⁸ aagai ia e hai naa tolona laumalie gi hagalilo ina Nineveh; gai ia e doolohi naa ono hagadaumee gi hulo gi lo te gohu.

Nahum 1:8 Iomraidhean Croise

De Beebaa go Job 30:15

Denga mee hagamaatagu gu tuu mai gi de au; gai dogu hagadubu gu bei de mee e ilihia laa ga gaavee gee i de madangi, gai dogu lava gu ilihia bei de giliiga.

De Beebaa go Job 40:11

Haia gi humai doo lili ma doo bole, gai diiloo hagamaolalo ina tangada hagamaolunga;

Proverbs 4:19

Hegau a de gau baubau e bei de gohu boo dangodango, gilaadeu e dee iloo donu be se aha ne hagalaavea olaadeu vae ga baakuu ai laa gilaadeu.

Isaiah 13:10

Denga heduu i lo te langi ma olaadeu hagabuulinga e dee maalama naa. De laa e gohu naa i de masavaa e hanage ai, gai de maasina e dee maalama naa hogi.

Isaiah 13:9

Tilo, de laangi o Tagi Maolunga gu dae mai donu, gai se laangi hagaduasala, ma de bole aama de lili laumalie, e oha ai de henua ga hai gu se ngadi mommee, gai e daa naa gi maakau de gau haisala i kilaa.

Isaiah 28:17

Au e hai naa de hagamodu muna heohi go de uga haide mee, gai de heohi go de mee e hagassoe ai muna; denga dibadibaa haisi e oha naa doodou buibui, e hai laa go muna hhadu, gai denga vai e haoli naa doodou mommee mmuni.

Isaiah 28:18

Doodou hagatoo donu hagaheloongoi madali de magau e hagadeai naa; doodou hagaheloongoi ne hai madali de mommee o de gau maakau e dee sula naa donu. Gai de masavaa naa huu e dae mai ai de hai ngadaa laumalie, gai goodou e dee pau ange donu aagena.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Isaiah 8:22

Gai gilaadeu e kalo ange naa ga tilo henua i lalo, gai gilaadeu e gidee naa donu huu de hai ngadaa, ma de gohu aama de gohu hagamaatagu. Gai gilaadeu e hai naa gi nnoho i lo te gohu boo dangodango.

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Jeremiah 51:64

Gai koe ga hai ange, ‘Babylon e abulu naa gu dee hagaahe age ange donu, i hiidinga o de hai ngadaa aagu gu dai gaamai gi de henua. Gai dangada e nnoho ai e deai olaadeu mahi.’ ” Deenei de hagaodi muna a Jeremiah.

Ezekiel 13:13

Deenei ai, e hagadaba de Ia Aamua go Iahweh: Au e hai naa gi ssau mai de madangi mmahi i dogu bole, ma de hai gi pala iho de langi maadolu madali denga duudangaa haisi ga oha ai de buibui laa.

Daniel 11:10

Gai ana dama daane e hagadabena naa e hebagi ma de hagabuni mai dahi hagabuulinga hebagi soa mmao; gai gilaadeu e loomai naa bei dagodo o tolona e gage mai laa gi honga de henua ga dae ai gi de mommee buibui makaga o delaadeu hagadaumee.

Daniel 11:22

Gai denga hagabuulinga hebagi soa e maoha saele naa i ono mada i mua, aama tagi o de hagatoo donu hagaheloongoi.

Daniel 11:40

Gai laangi hagaodi naa huu gai de hodooligi o ngaage e hebagi ange gi de ia, de hodooligi o ngaiho e humai naa ga hebagi ange gi de hodooligi o ngaage i denga hada hebagi, ma daane e kage i honga hoosa aama denga vaga lagolago mmao. Gai ia e hagadee kii naa denga henua lagolago ma de gage mai gi honga denga henua laa bei dagodo o tolona.

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Amos 8:8

E aha, e dee ngalungalue naa de henua i hiidinga hegau nei, gai dangada alodahi i honga de henua e tangi naa? De henua alodahi e de hagahonu age naa bei de Nile, gai e hagahonu age naa ga lava ga ahe bei dagodo o de Nile i Egypt.”

Nahum 1:1

Muna hagadaemaha i dagodo o Nineveh. De beebaa o de midi hagaago ange a Nahum taane Elkosh.

Nahum 2:8

Nineveh gu bei dagodo o de vai e vava laa, ma gu odi vai i ono lodo. Gilaadeu e hagataba, “De kaba! De kaba!” aagai e deai donu dangada e huuhuli dua mai.

Zephaniah 2:13

Ia e hebagi ange naa gi denga henua i ngaiho, ma de oha Assyria; Nineveh e hai naa ga ngadi dagodo, gai gi se vao e deai vai iai.

Matthew 7:27

Gai ga pala iho huu de langi, ga hagahonu age de vai, ma de ssau mai de madangi ga usu de hale laa; gai gu baguu ga maoha alodahi!”

Matthew 8:12

Aagai dangada niiolaadeu de nohoanga hodooligi e tili naa gi lo te gohu i duaahaho, go de mommee o de tangi ma de hagaida ai gauvae.”

1 Samuel 2:9

Ia e hagaloosi tangada e hai hegau i de mee abodonu; aagai de gau baubau e maakau naa i lo te gohu. E dee go mahi o tangada oona e kii ai;